មជ្ឈមណ្ឌលបណ្តុះបណ្តាល Logistics និងពាណិជ្ជកម្មអេឡិចត្រូនិក នៃសាកលវិទ្យាល័យត្រាវិញ ពង្រីកកិច្ចសហប្រតិបត្តិការជាមួយក្រុមហ៊ុនមួយចំនួនក្នុងវិស័យ Logistics និងពាណិជ្ជកម្មអេឡិចត្រូនិក

នៅថ្ងៃទី ៤ ខែសីហា ឆ្នាំ ២០២២ មជ្ឈមណ្ឌលបណ្តុះបណ្តាល Logistics និង​ពាណិជ្ជកម្មអេឡិចត្រូនិក នៃសាកលវិទ្យាល័យត្រាវិញ ដឹកនាំដោយ លោកស្រីបណ្ឌិត Le Thi Thu Diem ជាប្រធានគណៈប្រតិភូ បានមកទស្សនា និងពិភាក្សា​ការ​ងារ​ជា​មួយ​​ក្រុមហ៊ុនចំកាត់​ ទីភ្នាក់ងារនាវាចរណ៍ Mekong Agency; ក្រុមហ៊ុនភាគហ៊ុនកំពង់ផែ Can Thoក្រុមហ៊ុនឯកបុគ្គល​សេវានាវាចរណ៍ Hau Giang និង​មជ្ឈ​មណ្ឌល​បច្ចេកវិទ្យាព័ត៌មាន និងសារគមនាគមន៍ Can Tho ។

ធ្វើការជាមួយក្រុមហ៊ុន ទីភ្នាក់ងារនាវាចរណ៍ ​Mekong Agency គណៈ​ប្រតិភូ​បានស្ដាប់​ការ​​ឧទេ្ទសនាមអំពីសកម្មភាពរបស់ក្រុមហ៊ុន។ ទន្ទឹម​នឹង​នោះ លោក Nguyen Minh Hien នាយកក្រុមហ៊ុនក៏​បាន​ធ្វើបទបង្ហាញមុខជំនាញ​សម្រាប់​វិស័យ Logistics ​ដែល​ក្រុម​ហ៊ុន​បានទទួលជោគជ័យកន្លង​មក​ និង​ចែក​រំលែក​ការ​តម្រង់​ទិស​ផ្ដើម​ធ្វើ​អាជីវកម្ម​​ជា​មួយ​និស្សិត​ជំនាញផ្នែក Logistics នៅសាកលវិទ្យាល័យត្រាវិញ។

លោកស្រីបណ្ឌិត Le Thi Thu Diem នាយក​មជ្ឈ​មណ្ឌល​បានផ្ដល់​ជូន​នូវ​ទិស​ដៅ​អភិវឌ្ឍន៍​នៃមជ្ឈមណ្ឌលបណ្តុះបណ្តាល Logistics និងពាណិជ្ជកម្មអេឡិចត្រូនិក សាកលវិទ្យាល័យត្រាវិញ ក៏ដូចជាឱកាសសហប្រតិបត្តិការបើកទូលាយផងដែរ។ តាមរយៈជំនួបនេះ មជ្ឈមណ្ឌលក៏ចង់​ភ្ជាប់ទំនាក់​ទំនង​ជាមួយ Mekong Agency ដើម្បីគាំទ្រសាកលវិទ្យាល័យត្រាវិញលើវិស័យ Logistics និង​បង្កើត​ឱកាស​សម្រាប់​និស្សិត​​សាកលវិទ្យាល័យបានអនុវត្ត និងសិក្សាជាក់ស្តែង។

ទន្ទឹម​នឹង​នោះ​ ថ្នាក់ដឹកនាំមជ្ឈមណ្ឌលបណ្តុះបណ្តាល Logistics និង​ពាណិជ្ជកម្ម​អេឡិចត្រូនិក​ នៃសាកលវិទ្យាល័យក៏​បានទៅទស្សនាបន្ទប់មុខងារ និង​សកម្មភាព​ដឹក​ជញ្ជូន​ទំនិញនៅកំពង់ផែ Cai Cui ចំនួនពីរនៅស្រុក Cai Rang ទីក្រុង Can Tho និងកំពង់ផែ Hau Giang ស្រុក Chau Thanh ខេត្ត Hau Giang ។

និស្សិត Nguyen Nhu Ngoc Boi ថ្នាក់គ្រប់គ្រងសេវាកម្ម Logistics ឆ្នាំ ២០២០ បានឲ្យ​ដឹង​ថា៖ ដំណើរទស្សនកិច្ចនេះ ​បាន​ផ្តល់​ឱ្យប្អូន​​នូវបទពិសោធន៍ដ៏មានប្រយោជន៍ និង​ជួប​ជា​មួយ​ការងារជាក់ស្តែងចំពោះ​មុខជំនាញLogistics ។ ឆ្លង​តាម​រយៈ​តាមនោះក៏​ជួយ​ឲ្យ​ប្អូន​កំណត់​បាន​នូវ​ទិស​ដៅ​អាជីព​សម្រាប់​ខ្លួន​ដើម្បី​អាជីព​នា​ពេល​អនាគត​។

មជ្ឈមណ្ឌលបណ្តុះបណ្តាល Logistics និង ពាណិជ្ជកម្មអេឡិចត្រូនិកសង្ឃឹមថានឹងមាន​ឱកាសសហការ ក្នុងវិស័យគ្រប់គ្រងសេវាកម្ម Logistics ជា​មួយ​ក្រុម​ហ៊ុន​ភាគ​ហ៊ុន​កំពង់​ផែ ​Can Tho ក្រុមហ៊ុនឯកបុគ្គល​សេវានាវាចរណ៍ Hau Giang នៅ​ក្នុង​កម្មវិធី​បណ្តុះ​បណ្តាលតាម​ទម្រង់​Co-Op ដើម្បី​ជួយ​និស្សិត​​ឱ្យ​កាន់​តែ​ជិត​ស្និទ្ធ​នឹង​បរិយាកាស​ការ​ងារ​ជាក់​ស្តែង​នៅ​សហគ្រាស។

លោក Vo Thanh Phong អគ្គនាយកក្រុមហ៊ុនឯកបុគ្គល​សេវានាវាចរណ៍ Hau Giang (VIMC Hau Giang) បានមានប្រសាសន៍ថា៖ លោកវាយតម្លៃខ្ពស់ និង​មាន​បំណង​ចង់​សហការ​ជាមួយសាកលវិទ្យាល័យត្រាវិញ ក្នុង​ការ​បណ្តុះ​បណ្តាល​ធន​ធាន​មនុស្ស​ប្រកប​ដោយ​គុណភាពខ្ពស់ក្នុងមុខជំនាញLogistics ឆ្លើយ​តប​នឹង​លក្ខ​ខណ្ឌ​ការងារ​របស់​សហគ្រាស​ក្នុងទីផ្សារការងារបច្ចុប្បន្ន។

 

នារសៀលថ្ងៃដដែលគណៈប្រតិភូក៏​បានជួបពិភាក្សាការងារជា​មួយ​មជ្ឈ​មណ្ឌល​បច្ចេក​វិទ្យាព័ត៌មាន​និង​សារគមនាគមន៍ Can Tho។ ទទួលគណៈប្រតិភូមានលោក Nguyen Tien Phuc ប្រធានការិយាល័យ​រដ្ឋបាល-បណ្តុះបណ្តាល។ លោកស្រីបណ្ឌិត Le Thi Thu Diem នាយក​មជ្ឈ​មណ្ឌល​បាន​ថ្លែងនូវ​​អំណរ​គុណ​ដល់​មជ្ឈ​មណ្ឌល​​ដែល​បាន​ជួយ​ណែនាំនិស្សិតមុខ​ជំនាញ​ពាណិជ្ជកម្ម​អេឡិចត្រូនិក​ចំនួន​ប្រាំ​នាក់​ឱ្យ​បានធ្វើ​កម្មសិក្សា​​នៅ​ទីនេះ។

អត្ថបទ​ដោយ៖ Hanh Nguyen - Truong Son

ប្រែសម្រួលដោយ៖Diem Phuc