សាកលវិទ្យាល័យត្រាវិញ ទើបបង្កើតមហាវិទ្យាល័យចំនួន០២ អនុវត្តមុខងារបណ្តុះបណ្តាល រួមមាន៖ មហាវិទ្យាល័យសេដ្ឋកិច្ចនិងនីតិសាស្ត្រ និងមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូនិងមនុស្សសាស្ត្រ បង្អែកលើកមូលដ្ឋានរួបរួមបញ្ចូលគ្នានូវមហាវិទ្យាល័យដែលមានវិស័យបណ្តុះបណ្តាលប្រហាក់ប្រហែលគ្នា។
លោកសាស្ត្រាចារ្យរង បណ្ឌិត Pham Tiet Khanh ប្រធានក្រុមប្រឹក្សាភិបាល បានប្រគល់សេចក្តីសម្រេចតែងតាំងនាយកមហាវិទ្យាល័យសេដ្ឋកិច្ចនិងនីតិសាស្ត្រ ចំណុះសាកលវិទ្យាល័យត្រាវិញដល់លោកសាស្ត្រាចារ្យរងបណ្ឌិត Nguyen Van Nguyen (ទី៣ពីស្តាំ)
យោងតាមបទប្បញ្ញតិ្តច្បាប់ មហាវិទ្យាល័យនានាចំណុះសាកលវិទ្យាល័យ គឺអាស្រ័យក្រុមប្រឹក្សាភិបាលសាលាចេញសេចក្តីសម្រេចបង្កើត ហើយក៏មិនមែនជាគ្រឹះស្ថានអប់រំមហាវិទ្យាល័យថ្មីនោះទេ។ នេះគ្រាន់តែជាសាលាបណ្តុះបណ្តាលប្រហាក់ប្រហែលនឹងមហាវិទ្យាល័យ ម៉្លោះហើយគ្មានសិទ្ធិផ្តល់ជូនសញ្ញាបត្រ គ្រាន់តែអនុវត្តមុខងារគ្រប់គ្រងបណ្តុះបណ្តាលតែប៉ុណ្ណោះ សាកលវិទ្យាល័យត្រាវិញនៅតែជាអង្គភាពផ្ដល់ជូនសញ្ញាបត្រ។ អាស្រ័យហេតុនោះ អំពីការជម្រើសនិស្សិតរបស់សាកលវិទ្យាល័យត្រាវិញ ជាសារវន្តនៅតែរក្សាលំនឹងដូចរៀងរាល់ឆ្នាំ និងអនុវត្តត្រូវតាមលក្ខន្តិកៈជម្រើសនិស្សិតកម្រិតបរិញ្ញាបត្រ ជម្រើសនិស្សិតបរិញ្ញាបត្ររងផ្នែកអប់រំមតេ្តយ្យរបស់ក្រសួងអប់រំនិងបណ្ដុះបណ្ដាលជាធរមាន។
មហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ និងមនុស្សសាស្ត្រចំណុះសាកលវិទ្យាល័យត្រាវិញ មានមហាវិទ្យាល័យ និងមជ្ឈមណ្ឌលដូចខាងក្រោម៖ មហាវិទ្យាល័យភាសា វប្បធម៌ និងវិចិត្រសិល្បៈខ្មែរណាមបូ មហាវិទ្យាល័យភាសាបរទេស មហាវិទ្យាល័យគរុកោសល្យ មហាវិទ្យាល័យគ្រប់គ្រងសេវាកម្មទេសចរណ៍ ភោជនីយដ្ឋាន និងសណ្ឋាគារ និងមជ្ឈមណ្ឌលវប្បធម៌ភូមិភាគនិរតី មជ្ឈមណ្ឌលភាសាវៀតណាម។ សាលាបណ្តុះបណ្តាលពហុជំនាញ ដោយមានទម្រង់ និងកម្រិតបណ្តុះបណ្តាលពីបរិញ្ញាបត្ររង បរិញ្ញាបត្រ អនុបណ្ឌិត និងបណ្ឌិត ដើម្បីឆ្លើយតបពិពិធកម្មតម្រូវការរបស់អ្នកសិក្សា។
ការបង្កើតមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ និងមនុស្សសាស្ត្រ ដើម្បីលើកកម្ពស់នូវស្វ័យភាពក្នុងអង្គការគ្រប់គ្រងបណ្តុះបណ្តាល ស្រាវជ្រាវវិទ្យាសាស្ត្រ កិច្ចសហប្រតិបត្តិការអន្តរជាតិ។ល។ សំដៅលើកកម្ពស់អត្ថប្រយោជន៍សម្រាប់អ្នកសិក្សា; ការបន្ថយរចនាសម្ព័ន្ធអង្គការ និងសិទ្ធិស្វ័យភាពលើកកម្ពស់ ទើបប្រសិទ្ធភាពប្រតិបត្តិការ ក៏មានក្តីរំពឹងធ្វើឱ្យប្រសើរឡើង បើប្រៀបធៀបទៅនឹងទម្រង់មហាវិទ្យាល័យឯករាជ្យនឹងគ្នា និងជំរុញភាពអន្តរកម្មសិក្សានៅក្នុងគ្រឹះស្ថានបណ្តុះបណ្តាលដូចគ្នា។
លោក Tran Hoan Kim ប្រធានក្រុមប្រឹក្សាពិគ្រោះ និងលោកស្រី បណ្ឌិត Thach Thi Dan សាកលវិទ្យាធិការរងនៃសាកលវិទ្យាល័យត្រាវិញ បានប្រគល់សេចក្តីសម្រេចតែងតាំងនាយកមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ និងមនុស្សសាស្ត្រចំណុះសាកលវិទ្យាល័យត្រាវិញ ដល់លោកស្រីបណ្ឌិត Ngo So Phe (ទី២ពីឆ្វេងមក)
បច្ចុប្បន្ន មហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ និងមនុស្សសាស្ត្រ មានបណ្ដុះបណ្ដាលជំនាញកម្រិតបរិញ្ញាបត្រចំនួន១៣ រួមមាន៖ ភាសាអង់គ្លេស ភាសាចិន ភាសាខ្មែរ គរុកោសល្យភាសាខ្មែរ សម្តែងឧបករណ៍ប្រពៃណី វប្បធម៌វិទ្យា តន្ត្រីវិទ្យា អប់រំមតេ្តយ្យ អប់រំបឋមសិក្សា គរុកោសល្យអក្សរសាស្ត្រ, គ្រប់គ្រងសេវាកម្មទេសចរណ៍ គ្រប់គ្រងសណ្ឋាគារ គ្រប់គ្រងភោជនីយដ្ឋាន និងសេវាកម្មចំណីអាហារ; ថ្នាក់អនុបណ្ឌិតចំនួន៥មុខជំនាញ៖ ទ្រឹស្តីនិងវិធីសាស្ត្របង្ហាត់បង្រៀនភាសាអង់គ្លេស, ទ្រឹស្ដីនិងវិធីសាស្ត្របង្ហាត់បង្រៀនអក្សរសាស្ត្រ វប្បធម៌វិទ្យា គ្រប់គ្រងប្រព័ន្ធអប់រំ, អប់រំវិទ្យា (រួមមាន០២មុខជំនាញគឺ អប់រំមតេ្តយ្យ និងអប់រំបឋមសិក្សា); បរិញ្ញាបត្ររង មានមុខជំនាញ0១ គឺអប់រំមតេ្តយ្យ; ថ្នាក់បណ្ឌិតមុខជំនាញចំនួន០៣ គឺ៖ ទ្រឹស្តីនិងវិធីសាស្រ្តបង្ហាត់បង្រៀនភាសាអង់គ្លេស, ទ្រឹស្តីនិងវិធីសាស្រ្តបង្ហាត់បង្រៀនអក្សរសាស្ត្រ និងវប្បធម៌វិទ្យា។
កម្មវិធីបណ្តុះបណ្តាលនៃមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ និងមនុស្សសាស្ត្រ ត្រូវបានចងក្រងឡើង និងធ្វើបច្ចុប្បន្នភាពជាប្រចាំដើម្បីឆ្លើយតបតាមតម្រូវការសង្គម។ ក្នុងនោះមុខជំនាញភាសាខ្មែរកម្រិតបរិញ្ញាបត្រ បានសម្រេចតាមស្តង់ដាគុណភាពអប់រំអន្តរជាតិ AUN-QA និងកម្មវិធីបណ្តុះបណ្តាលចំនួន០៥៖ ភាសាអង់គ្លេស វប្បធម៌វិទ្យា អប់រំមតេ្តយ្យ គ្រប់គ្រងប្រព័ន្ធអប់រំ គ្រប់គ្រងសេវាកម្មទេសចរណ៍ កំពុងចុះឈ្មោះពិនិត្យវាយតម្លៃគុណភាពបណ្ដុះបណ្ដាលស្របតាមស្តង់ដាអន្តរជាតិ AUN-QA, FIBAA។ ក្រៅពីនោះ សាលានៅទាំងមានកម្មវិធីបណ្តុះបណ្តាលតាមទម្រង់ Co-op និងចុះកិច្ចសន្យា ១00% និស្សិតមានការងារធ្វើបន្ទាប់ពីបញ្ចប់ការសិក្សា (Co-Operative Education programs) នេះជាទម្រង់បណ្តុះបណ្តាលគួបផ្សំគ្នារវាងធ្វើការបណ្ដើរ សិក្សាបណ្ដើរ ផ្តល់ជូននិស្សិតនូវបទពិសោធន៍ស៊ីជម្រៅផ្នែកខាងឯកទេស សន្សំចំណេះដឹង និងបំណិនការងារជាក់ស្ដែងនៅតាមអាជីវកម្ម និងឱកាសការងារបន្ទាប់ពីបញ្ចប់ការសិក្សា។
សាលាតែងតែមានកម្មវិធីសហប្រតិបត្តិការអន្តរជាតិ ដោះដូរបទពិសោធន៍ជាមួយអ្នកជំនាញការ និងអ្នកស្ម័គ្រចិត្តបរទេសមកពីប្រទេសនានាដូចជា សហរដ្ឋអាមេរិក អូស្ត្រាលី កាណាដា បារាំង ហូឡង់ តៃវ៉ាន់ កូរ៉េជាដើម។
មហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ និងមនុស្សសាស្ត្រអនុវត្តនូវគោលនយោបាយល្អចំពោះអ្នកសិក្សាដូចជា៖ និស្សិតផ្នែកគរុកោសល្យមិនបង់ថ្លៃសិក្សា (យោងតាមអនុក្រឹត្យលេខ ១១៦របស់រដ្ឋាភិបាល) និងផ្នែកសម្ដែងឧបករណ៍ប្រពៃណី។ បញ្ចុះថ្លៃសិក្សា ៣0% សម្រាប់និស្សិតដែលសិក្សាផ្នែកវប្បធម៌វិទ្យា និងតន្ត្រីវិទ្យា។
ក្រៅពីនោះ នៅទាំងមានអាហារូបករណ៍ជាច្រើនទៀតពីអ្នកឧបត្ថម្ភសម្រាប់និស្សិតពុះពារជម្នះការលំបាក អាហារូបករណ៍លើកទឹកចិត្តដល់ការសិក្សាល្អ ឧបត្ថម្ភនិស្សិតក្នុងកិច្ចការស្រាវជ្រាវវិទ្យាសាស្ត្រ បណ្ដុះធុរកិច្ច និងអនុវត្តនូវគោលនយោបាយសម្រាប់និស្សិតក្រីក្រ និស្សិតជនជាតិភាគតិច និងនិស្សិតស្ថិតក្នុងក្របខណ្ឌចាញ់ប្រៀបតាមសេចក្តីកំណត់ជាធរមាន។
លោកស្រីបណ្ឌិត Ngo So Pheនាយកមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ និងមនុស្សសាស្រ្តចំណុះសាកលវិទ្យាល័យត្រាវិញ មានប្រសាសន៍៖ ពេលខាងមុខ សាលានឹងបន្តលើកកម្ពស់គុណភាពកម្មវិធីបណ្តុះបណ្តាល ឆ្ពោះទៅរកសម្រេចនូវស្តង់ដាពិនិត្យវាយតម្លៃទាំងក្នុងនិងក្រៅប្រទេស និងផ្សារភ្ជាប់ជាមួយសហគមន៍អាជីវកម្មយ៉ាងស្អិតល្មួត;
ពង្រីកនូវសកម្មភាពកិច្ចសហប្រតិបត្តិការអន្តរជាតិ ធ្វើពិពិធកម្មនូវទម្រង់នៃកិច្ចសហប្រតិបត្តិការបណ្តុះបណ្តាល ការស្រាវជ្រាវ ផ្ទេរជូន និងសកម្មភាពបម្រើសហគមន៍។ ផ្លាស់ប្តូរនិស្សិត ផ្លាស់ប្តូរគ្រូឧទ្ទេស អ្នកស្ម័គ្រចិត្ត និងសហការអនុវត្តនូវគម្រោងឧបត្ថម្ភ។ ជាពិសេសជំរុញសកម្មភាពជម្រើសនិស្សិតអន្តរជាតិនៅកម្រិតបរិញ្ញាបត្រ និងក្រោយបរិញ្ញបត្រ។
បណ្តុះបណ្តាលតាមទិសដៅពិពិធកម្មភាសាបរទេសដូចជា ភាសាអង់គ្លេស បារាំង ជប៉ុន កូរ៉េ ចិន ភាសាខ្មែរ។ល។ ដើម្បីជួយនិស្សិតពង្រីកឱកាសការងារក្នុងនិងក្រៅប្រទេស។
ផ្លាស់ថ្មីអំពីចាត់តាំងគ្រប់គ្រង ក្នុងនោះ ផ្តោតលើការផ្លាស់ប្ដូរឌីជីថល រួមវិភាគទានទៅក្នុងការអភិវឌ្ឍន៍រួមនៃសាកលវិទ្យាល័យត្រាវិញ ក្លាយជាសាកលវិទ្យាល័យជឿនលឿន តាមសេចក្តីសម្រេចចិត្តនៃមហាសន្និបាតបក្ខភាគខេត្ត លើកទី១១ដែលបានដាក់ចេញ។
អត្ថបទដោយ៖ Đong Lam
ប្រែសម្រួលដោយ៖ Sa Phone