សាកលវិទ្យាល័យត្រាវិញចុះហត្ថលេខាលើអនុស្សរណៈសហប្រតិបត្តិការជាមួយក្រុមហ៊ុនទទួលខុសត្រូវមានកម្រិត កម្មវិធី Software SS4U & vExpress
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 08 វិច្ឆិកា 2023
- ចុចដង៖ 47
TVU – កាលពីពេលថ្មីៗនេះសាកលវិទ្យាល័យត្រាវិញ បានចុះហត្ថលេខាលើអនុស្សរណៈសហប្រតិបត្តិការ ជាមួយក្រុមហ៊ុនទទួលខុសត្រូវមានកម្រិត SoftwareSS4U & vExpress (SS4U) លើវិស័យអប់រំបណ្តុះបណ្តាល អភិវឌ្ឍធនធានមនុស្ស សិក្សាស្រាវជ្រាវវិទ្យាសាស្ត្រ សារព័ត៌មាន ផ្សព្វផ្សាយផលិតផល និងសេវាកម្ម។
ចូលរួមក្នុងពិធីចុះហត្ថលេខានេះ ផ្នែកខាងក្រុមហ៊ុនSoftwareSS4U & vExpress (SS4U)មានលោក Tham Van Huong ស្ថាបនិក - ប្រធានក្រុមប្រឹក្សាភិបាលសមាជិកនៃ SS4U & vERP ។ ផ្នែកខាងសាកលវិទ្យាល័យត្រាវិញ មានការចូលរួមរបស់លោកបណ្ឌិត Phan Quoc Nghia សាកលវិទ្យាធិការរង និងថ្នាក់ដឹកនាំមហាវិទ្យាល័យសេដ្ឋកិច្ច និងនីតិសាស្ត្រ និងអង្គភាពនានាចំណុះសាលា។
យោងតាមខ្លឹមសារនៃកិច្ចសហប្រតិបត្តិការ SS4U ឧបត្ថម្ភការរក្សាសិទ្ធិនៃកម្មវិធីធ្វើផែនការធនធានសហគ្រាស - SS4U.ERP Edu ក្នុងរយៈពេល៥ឆ្នាំសម្រាប់ TVU ដើម្បីបម្រើការសកម្មភាពបណ្តុះបណ្តាល និងស្រាវជ្រាវវិទ្យាសាស្ត្រ បង្វឹងបំប៉នអោយគ្រូបង្រៀន TVU ក្នុងការប្រើប្រាស់កម្មវិធី SS4U.ERP Edu ។
SS4U នឹងចូលរួមក្នុងការបង្កើតកម្មវិធីបណ្តុះបណ្តាលនៅ TVU ស្របតាមតម្រូវការនៃទីផ្សារការងារក្នុងវិស័យសេដ្ឋកិច្ច វិស្វកម្ម - បច្ចេកវិទ្យា។ បញ្ជូនអ្នកជំនាញការ និងអ្នកគ្រប់គ្រងមកចូលរួមក្នុងការបង្ហាត់បង្រៀន ហ្វឹកហ្វឺនអោយគ្រូបង្រៀន និងនិស្សិតរបស់ TVU។ចូលរួមកម្មវិធីប្រឹក្សាពិគ្រោះ តម្រែតម្រង់អាជីព និងស្ពានសម្រាប់ទំនាក់ទំនងរវាងសាកលវិទ្យាល័យត្រាវិញជាមួយនឹងដៃគូ SS4U ក្នុងការទទួល និងណែនាំនិស្សិតទៅទស្សនកិច្ចសិក្សា ធ្វើកម្មសិក្សាក្នុងវិស័យសេដ្ឋកិច្ច វិស្វកម្ម - បច្ចេកវិទ្យា។ ភាគីទាំងពីរសហការគ្នាចាត់តាំងសិក្ខាសាលាវិទ្យាសាស្ត្រ ដោះដូរបទពិសោធន៍ ចំណេះដឹង និងបំណិនសម្រាប់គ្រូបង្រៀន និស្សិត និងកិច្ចការសារព័ត៌មាន ផ្សព្វផ្សាយផលិតផល និងសេវាកម្ម។
តំណាងឱ្យអង្គភាពទាំងពីរ លោកបណ្ឌិត Phan Quoc Nghia សាកលវិទ្យាធិការរងនៃសាលា និងលោក Tham Van Huong - ស្ថាបនិក ប្រធានក្រុមប្រឹក្សាភិបាលសមាជិកនៃ SS4U & vERP បានរួមគ្នាសន្យាបង្កលក្ខណៈល្អបំផុតសម្រាប់ភាគីទាំងពីរអនុវត្តប្រកបដោយជោគជ័យនូវខ្លឹមសារដែលបានចុះហត្ថលេខា រួមចំណែកក្នុងការរឹតបន្តឹងទំនាក់ទំនងអភិវឌ្ឍប្រកបដោយចីរភាព។
ព័ត៌មាន និងរូបភាព៖ DV
ប្រែសម្រួលដោយ៖ Van Thon
