ទទួលស្វាគមន៍និងធ្វើការជាមួយ គណៈប្រតិភូមន្ទីរសុខាភិបាលខេត្ត ត្បូងឃ្មុំនៃព្រះរាជាណាចក្រកម្ពុជា
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 09 វិច្ឆិកា 2023
- ចុចដង៖ 62
(TVU) - នាថ្ងៃទី០២ ខែវិច្ឆិកា លោសាស្ត្រាចារ្យរង បណ្ឌិត Pham Tiet Khanh ប្រធានក្រុមប្រឹក្សាភិបាលនៃសាកលវិទ្យាល័យត្រាវិញ លោកស្រីបណ្ឌិត Thach Thi Dan សាកលវិទ្យាធិការរងនៃសាកលវិទ្យាល័យត្រាវិញ និងតំណាងថ្នាក់ដឹកនាំអង្គភាពចំណុះសាលាបានទទួល ស្វាគមន៍និងធ្វើការជាមួយគណៈប្រតិភូមន្ទីរសុខាភិបាលខេត្តត្បូងឃ្មុំ នៃព្រះរាជាណាចក្រកម្ពុជា ដឹកនាំដោយ ឯកឧត្តម កែវ វណ្ណៈ ប្រធានមន្ទីរសុខាភិបាល។
ថ្លែងប្រសាសន៍ក្នុងកិច្ចជំនួបនេះ លោកស្រីបណ្ឌិត Thach Thi Dan សាកលវិទ្យាធិការរងនៃសាកលវិទ្យាល័យត្រាវិញបានជូនពរនិងអំណរគុណគណៈប្រតិភូបានមកសួរសុខទុក្ខនិងធ្វើការនៅសាកលវិទ្យាល័យត្រាវិញ។ លោកស្រីមានប្រសាសន៍ថា នារយៈពេលកន្លងនេះ សាកលវិទ្យាល័យត្រាវិញបានពង្រីកកិច្ចសហប្រតិបត្តិការជាមួយដៃគូនៃព្រះរាជាណាចក្រកម្ពុជាលើវិស័យជាច្រើន ជាពិសេសលើវិស័យសុខាភិបាល និងអប់រំបណ្ដុះបណ្ដាល។
លោកស្រីបន្តអោយដឹងថា បច្ចុប្បន្នសាកលវិទ្យាល័យត្រាវិញមាននិស្សិតមកពីប្រទេសកម្ពុជាជិត១០០នាក់ កំពុងសិក្សាលើមុខជំនាញផ្នែកសុខាភិបាល វិស្វកម្ម កសិកម្មនិងវារីវប្បកម្ម សេដ្ឋកិច្ច...។ ឆ្លងតាមដំណើរទស្សនកិច្ចរបស់គណៈប្រតិភូលើកនេះ បន្តការបើកឱកាសផ្លាស់ប្តូរតម្រូវការបណ្តុះបណ្តាលមុខជំនាញវិជ្ជាជីវៈសម្រាប់សិស្សានុសិស្សនៅប្រទេសកម្ពុជានិយាយរួម និងខេត្តត្បូងឃ្មុំនិយាយដោយឡែក។ ជាមួយនឹងសក្តានុពលដែលមានស្រាបនៃភាគីទាំងពី សង្ឃឹមថានឹងបង្កើតឱកាសជាច្រើនទៀតសម្រាប់កិច្ចសហប្រតិបត្តិការមួយថ្ងៃកាន់តែរីកចម្រើននាពេលអនាគត។
ក្នុងឱកាសនេះ ឯកឧត្តម កែវ វណ្ណៈ ប្រធានមន្ទីរសុខាភិបាលខេត្តត្បូងឃ្មុំ បានឧទ្ទេសនាមដោយសង្ខេបអំពីស្ថានភាពសេដ្ឋកិច្ចសង្គមកិច្ចរបស់ខេត្តត្បូងឃ្មុំ។ ឯកឧត្តមបានមានប្រសាសន៍ថា ខេត្តត្បូងឃ្មុំ ជាខេត្តដែលមានការលំបាកជាច្រើន ជាពិសេសផ្នែកសុខាភិបាល សម្ភារៈបរិក្ខារពេទ្យនៅតាមមន្ទីរពេទ្យ ក៏ដូចជាធនធានមនុស្សដែលមានជំនាញឯកទេសខ្ពស់សម្រាប់ការពិនិត្យ និងព្យាបាលជំងឺបម្រើប្រជាជន។ ឯកឧត្តមសង្ឃឹមថា តាមរយៈកិច្ចប្រជុំនេះ សាកលវិទ្យាល័យត្រាវិញនឹងជួយដល់មន្ទីរសុខាភិបាលខេត្តត្បូងឃ្មុំ ក្នុងការបណ្តុះបណ្តាលធនធានមនុស្ស ពង្រឹងជំនាញ និងបំណិនវិជ្ជាជីវៈ ដើម្បីបម្រើការលើវិស័យសុខាភិបាលរបស់ខេត្ត។ រីឯខេត្តត្បូងឃ្មុំ នឹងគាំទ្រនិងជួយសាកលវិទ្យាល័យត្រាវិញក្នុងការប្រឹក្សាជម្រើសនិស្សិត និងតម្រែតម្រង់អាជីពដល់សិស្សានុសិស្សក្នុងខេត្តទៅសិក្សានៅសាកលវិទ្យាល័យត្រាវិញ។
ក្នុងកិច្ចប្រជុំនេះ សាកលវិទ្យាល័យត្រាវិញបានប្រគល់ជូនអាហារូបករណ៍ចំនួន៥កន្លែង ដល់សិស្សានុសិស្សមកពីខេត្តត្បូងឃ្មុំ មកសិក្សានៅសាកលវិទ្យាល័យត្រាវិញ។ សាលានឹងរៀបចំគោលការណ៍ និងកម្មវិធីកិច្ចសហប្រតិបត្តិការជាមួយខេត្តត្បូងឃ្មុំ យោងតាមតម្រូវការរបស់ភាគីទាំងពីរ។
អត្ថបទដោយ៖ Tran Tram – Hoang Gia
ប្រែសម្រួលដោយ៖ Sa Phone
