និស្សិតសាកលវិទ្យាល័យត្រាវិញជាមួយនឹងពិធីប្រឡងបច្ចេកវិទ្យាបញ្ញានិស្សិតឆ្នាំ២០២៣
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 10 វិច្ឆិកា 2023
- ចុចដង៖ 43
TVU - កាលពីថ្ងៃទី២៧ ខែតុលាកន្លងហើយ មជ្ឈមណ្ឌលគាំទ្រនិងអភិវឌ្ឍនិស្សិតវៀតណាម និងក្រុមហ៊ុនចំកាត់ Canon វៀតណាម រួមមានលោកស្រី Nguyen Anh Ngoc និងលោក Nguyen Tuan Giang បានចូលរួមជាគណៈមេប្រយោគឱ្យពិន្ទុពិធីប្រឡងបច្ចេកវិទ្យាបញ្ញានិស្សិតឆ្នាំ២០២៣ នៅសាកលវិទ្យាល័យត្រាវិញ។
ពិធីប្រឡង "បច្ចេកវិទ្យាបញ្ញានិស្សិត" សម្រាប់និស្សិតសាកលវិទ្យាល័យ អនុមហាវិទ្យាល័យ និងវិទ្យាស្ថានទូទាំងប្រទេសឆ្ពោះទៅកាន់គោលបំណងលើកកម្ពស់បំណិនរបស់និស្សិតក្នុងការស្រាវជ្រាវ ច្នៃប្រឌិត អភិវឌ្ឍ និងកែច្នៃនូវផលិតផលស្វ័យប្រវត្តិជាក់ស្តែង។ ពិធីប្រឡងនេះ អាស្រ័យសម្ព័ន្ធយុវជនមជ្ឈិម មជ្ឈមណ្ឌលគាំទ្រនិងអភិវឌ្ឍនិស្សិតវៀតណាម និងក្រុមហ៊ុនចំកាត់ Canon វៀតណាម សហការចាត់តាំងឡើង។ ផ្នែកខាងសាកលវិទ្យាល័យត្រាវិញ ចូលរួមប្រឡងរួមមានសមាជិក៥រូបមកពីមហាវិទ្យាល័យវិស្វកម្មនិងបច្ចេកវិទ្យា វណ្ណកម្មចូលរួមគឺឧបករណ៍បត់ស្រោមសំបុត្រដោយស្វ័យប្រវត្តិ។
តាមលក្ខន្តិកៈពិធីប្រឡង ក្រុមដែលចូលរួមរចនាប្លង់ កែច្នៃផលិតផលស្វ័យប្រវត្តិតាមតម្រូវការប្រធានបទប្រឡងដែលគណៈចាត់តាំងបានដាក់ចេញ ប្រធានបទឆ្នាំនេះគឺផលិតឧបករណ៍បោះស្រោមសំបុត្រដោយស្វ័យប្រវត្តិ។ ផលិតផលដែលឆ្នើម បានជ្រើសទៅចូលរួមក្នុងវគ្គជ្រើសរើសអនឡាញ វគ្គតាំងពិព័រណ៌ និងវគ្គផ្តាច់ព្រ័ត្រពិធីប្រឡង "បច្ចេកវិទ្យាបញ្ជានិស្សិត" តាមការគ្រោងទុកនឹងចាត់តាំងឡើងនៅហាណូយក្នុងខែវិច្ឆិកា ឆ្នាំ២០២៣នេះ។
និស្សិត Tran Huu Nhan តំណាងក្រុមអ្នកនិពន្ធចូលរួមពិធីប្រឡងរបស់សាកលវិទ្យាល័យត្រាវិញឱ្យដឹងថា៖ ក្រុមបានគណៈមេប្រយោគវាយតម្លៃដោយផ្ទាល់អំពីគំនិតនៃផលិតផលចូលរួមការប្រឡង ទន្ទឹមនឹងនោះ បានផ្តល់មតិយោបល់អំពីរចនាប្លង់ និងរចនាសម្ព័ន្ធបច្ចេកទេស ដើម្បីប្អូនៗធ្វើឱ្យសុក្រឹតនូវផលិតផល និងសង្ឃឹមថានឹងបានជ្រើសរើសចូលរួមវគ្គផ្តាច់ព្រ័ត្រ ដើម្បីស្នងបន្តភាពជោគជ័យឆ្នាំ២០២២របស់និស្សិតជំនាន់មុន។
លោកស្រី Pham Le Phuong Thao លេខាសម្ព័ន្ធយុវជនសាកលវិទ្យាល័យត្រាវិញ ឱ្យដឹងថា ពិធីប្រឡង “បច្ចេកវិទ្យាបញ្ញានិស្សិត”គឺជាទីលានកម្សាន្តបច្ចេកវិទ្យាដ៏ទាក់ទាញអារម្មណ៍ និងមានប្រយោជន៍សម្រាប់និស្សិតវៀតណាមនិយាយរួម និងនិស្សិតសាកលវិទ្យាល័យត្រាវិញនិយាយដោយឡែក។ ពិធីប្រឡងគឺជាឱកាសសម្រាប់និស្សិតដោះដូរជាមួយវិស្វករ អ្នកឯកទេសពូកែៗលើវិស័យវិស្វកម្មបច្ចេកវិទ្យា ដោះដូររៀនសូត្រដើម្បីធ្វើឱ្យសុក្រឹតថែមទៀតនូវបំណិនវិជ្ជាជីវៈរបស់ខ្លួន។ ក្រៅពីរង្វាន់លេខមួយ ទឹកប្រាក់៣០លានដុង គណៈកម្មាការចាត់តាំងនឹងប្រគល់ជូនគ្រឿងឧបករណ៍បម្រើការសិក្សានិងស្រាវជ្រាវវិទ្យាសាស្ត្រដល់សាលានានាចូលរួមយ៉ាងសកម្ម ដើម្បីបង្កើតចេញនូវផលិតផលបច្ចេកវិទ្យាបញ្ញា ផលិតផលយន្តកម្មជូននិស្សិត។ បេក្ខជនដែលទទួលបានលទ្ធផលល្អក្នុងការប្រឡងមានឱកាសទៅធ្វើកម្មសិក្សា និងធ្វើការនៅ Canon វៀតណាម៕
អត្ថបទដោយ៖Kim Huyen – Duy Kha
ប្រែសម្រួលដោយ៖ So Phune
