និស្សិតនៃសាកលវិទ្យាល័យត្រាវិញប្រឡងវោហាសាស្រ្តភាសាចិន
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 17 វិច្ឆិកា 2023
- ចុចដង៖ 27
នាថ្ងៃទី១១ខែវិច្ឆិកា ឆ្នាំ២០២៣វគ្គផ្តាច់ព្រ័ត្រនៃពិធីប្រឡងវោហាសាស្រ្តភាសាចិនថ្នាក់ជាតិឆ្នាំ២០២៣ នៅទីក្រុងដាណាំងក្រោមប្រធានបទ “តួនាទីរបស់យុវជនវៀតណាមក្នុងសមាហរណកម្មអន្តរជាតិ” បានប្រព្រឹត្តឡើងនៅស្ទូឌីយ៉ូ S1 មជ្ឈមណ្ឌលទូរទស្សន៍វៀតណាមប្រចាំនៅភាគកណ្តាល - ខ្ពង់រាប (VTV8) .
អ្នកតំណាង និងបេក្ខជនថតរូបអនុស្សាវរីយ៍
ពិធីប្រឡងបានរៀបចំឡើងអាស្រ័យដោយសហភាពអង្គការមិត្តភាពទីក្រុងដាណាំងសមាគមមិត្តភាពវៀតណាម - ចិនទីក្រុងដាណាំងរួមសហការជាមួយស្ថានអគ្គកុងស៊ុលចិនប្រចាំនៅទីក្រុងដាណាំងសាកលវិទ្យាល័យភាសាបរទេស (សាកលវិទ្យាល័យដាណាំង) និងមជ្ឈមណ្ឌលទូរទស្សន៍វៀតណាម(VTV8)។
បេក្ខជនចាប់លេខរៀងសម្រាប់ការប្រឡងវោហាសាស្រ្ត
វគ្គប្រឡងវោហាសាស្រ្ត
នេះជាពិធីប្រឡងថ្នាក់ជាតិត្រូវបានចាត់តាំងឡើងជារៀងរាល់ឆ្នាំ ក្នុងគោលបំណងលើកកម្ពស់តួនាទី និងការទទួលខុសត្រូវ របស់យុវជនក្នុងដំណើរការសមាហរណកម្មអន្តរជាតិរបស់វៀតណាម រួមចំណែកសម្រេចបាននូវសេចក្តីប្រាថ្នាកសាង និងអភិវឌ្ឍប្រទេសប្រកបដោយវិបុលភាព និងសុភមង្គល។ តាមរយៈនោះ បង្កលក្ខណៈឱ្យយុវជនយល់កាន់តែច្បាស់ពីតួនាទីរបស់ខ្លួន ហើយខិតខំក្នុងការសិក្សា ស្រាវជ្រាវ និងបង្កើនចំណេះដឹង ជាពិសេសសមិទ្ធិផលនៃវិទ្យាសាស្ត្រ និងបច្ចេកវិទ្យា ចូលរួមយ៉ាងសកម្ម និងម្ចាស់ការក្នុងដំណើរការកិច្ចសហប្រតិបត្តិការអន្តរជាតិ ដោះស្រាយបញ្ហាសាកលលោក និងចូលរួមក្នុងសកម្មភាពការទូតក្នុងស្ថានភាពថ្មី។
ពិធីករប្រកាសពានរង្វាន់
អស់រយៈពេលជាង១ខែចាត់តាំងពិធីប្រឡង គណៈកម្មាធិការរៀបចំទទួលបានការចូលរួមជាង៣០០អត្ថបទ មកពីសហភាពអង្គការមិត្តភាព សមាគមមិត្តភាពវៀតណាម - ចិននៃ២៥ខេត្ត ក្រុង និង៤៣អត្ថបទមកពីសាកលវិទ្យាល័យ វិទ្យាស្ថាន មជ្ឈមណ្ឌលភាសាចិនទូទាំងប្រទេសដូចជា៖ ទីក្រុងហាណូយ, ទីក្រុងហូជីមិញ, ដាណាំង, កឹនធើ, ឡាវកៃ, បាក់យ៉ាង, ថៃង្វៀន, ហាយយឿង, ភូថ័រ, ហាទិញ, ធឿធៀងហ្វេ, ប៊ិញឌិញ, ខាញ់ហ្វា, ប៊ិញយឿង, វុងតាវ, ដុងថាប, ត្រាវិញ។
គណៈកម្មការរៀបចំពិធីប្រឡើងជូនពានរង្វាន់ដល់បេក្ខជន
ឆ្លងកាត់ការប្រកួតជុំទី២ គណៈកម្មាធិការរៀបចំពិធីប្រឡងបានជ្រើសរើសបេក្ខជនចំនួន៣៥រូបក្នុងចំណោមបេក្ខជនទាំង៣០០រូប ចូលរួមប្រកួតវគ្គផ្ដាច់ព្រ័ត្រ។ បេក្ខនារី Nguyen Thi Ngoc Qui និស្សិតផ្នែកភាសាចិន នៃមហាវិទ្យាល័យភាសា - វប្បធម៌ - វិចិត្រសិល្បៈខ្មែរណាមបូ និងមនុស្សសាស្ត្រ នៃសាកលវិទ្យាល័យត្រាវិញមានកិត្តិយសដែលមានវត្តមាន ក្នុងការប្រឡងឆ្នាំនេះ ដោយការធ្វើបទបង្ហាញយ៉ាងល្អ ប្រកបដោយភាពជឿជាក់ និងទំនុកចិត្ត ប្អូនក៏បានទទួលពានរង្វាន់លឹកទឹកចិត្តក្នុងពិធីប្រឡងនេះ។
បេក្ខនារី Nguyen Thi Ngoc Qui
ក្នុងក្របខ័ណ្ឌនៃកម្មវិធី Ngoc Qui បានចូលរួមយ៉ាងសកម្មក្នុងសកម្មភាពសង្គមនៅមជ្ឈមណ្ឌលគាំទ្រជនរងគ្រោះ ដោយជាតិពិលពណ៌ទឹកក្រូច និងកុមារទុគ៌តនៅទីក្រុងដាណាំង និងបណ្ដាសកម្មភាពនានាទៀត ដើម្បីដឹងអំពី ការទទួលខុសត្រូវរបស់ខ្លួនក្នុងការជួយសហគមន៍ ក្លាយជាពលរដ្ឋមានប្រយោជន៍សម្រាប់គ្រួសារ ភូមិស្រុក ប្រទេសជាតិ និងសង្គម។
បេក្ខនារី និងលោកគ្រូ អ្នកគ្រូរួមអមដំណើរ
“ចូលរួមដើម្បីសាកសមត្ថភាព ដោះដូរ សិក្សារៀនសូត្រពីបទពិសោធន៍ និងបង្កើនទស្សនវិស័យ...។ ស្របឱកាសនេះដែរ នាងខ្ញុំសូមអរគុណដល់គណៈកម្មាធិការរៀបចំ បានរៀបចំពិធីប្រឡងដ៏ធំអស្ចារ្យ ហួសពីការស្មានរបស់នាងខ្ញុំ។ នាងខ្ញុំសូមថ្លែងអំណរគុណចំពោះគណៈគ្រប់គ្រងសាកលវិទ្យាល័យត្រាវិញ ដែលបាន បង្កលក្ខខណ្ឌល្អបំផុត ក៏ដូចជាផ្ញើបិយវាចារជូនពរ និងលើកទឹកចិត្ត សូមអរគុណដល់លោកគ្រូ អ្នកគ្រូ និង 'មិត្តរួមតុ' ដែលបានគាំទ្រ និងរួមដំណើរជាមួយនាងខ្ញុំនាពេលកន្លងមក។
អត្ថបទដោយ៖ Daisy Su
ប្រែសម្រួលដោយ៖ Van Thon
