បើកវគ្គបំពាក់បំប៉នសម្រាប់គ្រូបង្រៀនភាសាខ្មែរនៅខេត្តត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 20 វិច្ឆិកា 2023
- ចុចដង៖ 30
(TVU) - នាថ្ងៃទី១៧ ខែវិច្ឆិកា មន្ទីរអប់រំនិងបណ្តុះបណ្តាលខេត្តត្រាវិញបានសហការជាមួយសាកលវិទ្យាល័យត្រាវិញបើកវគ្គបំពាក់បំប៉នសម្រាប់គ្រូបង្រៀនភាសាខ្មែរឆ្នាំ២០២៣នៅខេត្ត ត្រាវិញ។
សិក្ខាកាមថតរួបអនុស្សាវរីយ៍ជាមួយលោកគ្រូ អ្នកគ្រូ
អញ្ជើញចូលរួមបើកវគ្គសិក្សា មានលោក Ho Thanh Cong អនុប្រធានការិយាល័យអប់រំជនជាតិ - គ្រប់គ្រងពិន្ទុនិងពិនិត្យគុណភាពអប់រំ។ លោក Thach Đoi អ្នកឯកទេសការិយាល័យអប់រំជនជាតិ - គ្រប់គ្រងពិន្ទុនិងពិនិត្យគុណភាពអប់រំ។ បណ្ឌិត Nguyen Thi Hue នាយិការងនៃមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ និងមនុស្សសាស្ត្រ អនុបណ្ឌិត Phan Mai Bach និងអនុបណ្ឌិត Nhan Minh Phuc នាយករងនៃមជ្ឈមណ្ឌលភាសាបរទេសនិងព័ត៌មានវិទ្យា Victory ព្រមទាំងលោកគ្រូ អ្នកគ្រូ និងសិក្ខាកាមចំនួន៦០នាក់ចូលរួមផងដែរ។
ថ្លែងសុន្ទរកថាបើកវគ្គសិក្សា អនុបណ្ឌិត Nhan Minh Phuc បានអរគុណមន្ទីរអប់រំ និងបណ្តុះបណ្តាលខេត្តត្រាវិញ ដែលមានជំនឿទុកចិត្តសហការជាមួយសាលាបើកវគ្គវិក្រឹតការនេះ និងអរគុណមហាវិទ្យាល័យភាសា វប្បធម៌ វិចិត្រសិល្បៈខ្មែរណាមបូ និងមនុស្សសាស្ត្រ តែងតែចាត់ចែងគ្រូបង្រៀនគ្រប់សមត្ថភាព គាំទ្រសកម្មភាពបណ្តុះបណ្តាលផ្នែកភាសាខ្មែរ នាំឱ្យមជ្ឈមណ្ឌលភាសាបរទេសនិងព័ត៌មានវិទ្យា Victory ទទួលបានជោគជ័យគ្រប់ភារកិច្ច។ លោកមានប្រសាសន៍បន្ថែមថា កម្មវិធីសិក្សារួមមាន៦មុខវិជ្ជា ចំនួន១៦៥ម៉ោង និងសិក្សាក្នុងរយៈពេល៦សប្តាហ៍។
សិក្ខាកាម Thach Loi គ្រូបង្រៀនសាលាអនុវិទ្យាល័យហាមយ៉ាងស្រុកត្រាគូ បានអោយដឹងថា៖ វគ្គបំពាក់បំប៉ននេះគឺកិច្ចការដ៏សំខាន់ក្នុងការបង្កើនចំណេះដឹងជាក់ស្តែង ដើម្បីបម្រើការងាររបស់ខ្លួន។ លោកប្ដេជ្ញាចិត្តនឹងខិតខំប្រឹងប្រែងសិក្សាយ៉ាងយកចិត្តទុកដាក់ និងស្វ័យសិក្សាដោយខ្លួនឯងជាប្រចាំ ព្យាយាមអនុវត្តជំនាញភាសាខ្មែរអោយបានល្អ ដើម្បីឆ្លើយតបតាមតម្រូវការការងាររបស់ខ្លួន ក៍ដូចជាសិក្សាបន្តទៀតនាពេលអនាគត។
អត្ថបតដោយ៖ Tran Tram
ប្រែសម្រួលដោយ៖ Sa Phone
