(TVU) – កម្មវិធីសិល្បៈប្រពៃណី Get Together លើកទី ២០ ក្រោមប្រធានបទ “The Harmonie We” បានប្រព្រឹត្តឡើងនៅរាត្រីថ្ងៃទី១៤ ខែធ្នូ នៅសាកលវិទ្យាល័យត្រាវិញ បានទាក់ទាញគ្រូឧទ្ទេស និស្សិត និងអ្នកស្ម័គ្រចិត្តអន្តរជាតិ អ្នកគាំទ្រចូលរួមយ៉ាងច្រើនកុះករ។
អញ្ជើញចូលរួមក្នុងកម្មវិធីនេះ មានសាស្ត្រាចារ្យរង បណ្ឌិត Diep Thanh Tung សាកលវិទ្យាធិការរងនៃសាកលវិទ្យាល័យត្រាវិញ ថ្នាក់ដឹកនាំមហាវិទ្យាល័យភាសា - វប្បធម៌ - វិចិត្រសិល្បៈខ្មែរណាមបូ និងមនុស្សសាស្ត្រ ព្រមទាំងម្ចាស់ឧបត្ថម្ភ លោកគ្រូអ្នកគ្រូ អ្នកស្ម័គ្រចិត្ត អតីតនិស្សិត និងនិស្សិតជិត ១.០០០នាក់ ចូលរួមនិងតាមដានផ្ទាល់តាមរយៈទំព័រសង្គមរបស់សាកលវិទ្យាល័យត្រាវិញ។
រាត្រីសិល្បៈGet Together ក្រោមប្រធានបទ "The Harmonie We" បង្ហាញពីភាពសមសួនគ្នា នៃបណ្តាជនជាតិ រវាងលោកគ្រូអ្នកគ្រូជាមួយនិស្សិត គោរពសមូហភាពនាំមកនូវសាមគ្គីភាព និងឯកភាព។
សាស្ត្រាចារ្យរង បណ្ឌិត Diep Thanh Tung ថ្លែងថា៖ បន្តបន្ទាប់១៩ឆ្នាំកន្លង Get Together បានក្លាយជារាត្រីសិល្បៈប្រពៃណីរបស់មហាវិទ្យាល័យភាសាបរទេស គឺជាសកម្មភាពមួយបង្កើតភាពស្និទ្ធស្នាលផ្សារភ្ជាប់ក្នុងការសិក្សា ដោះដូរបទពិសោធន៍ រវាងសិស្ស និស្សិត ជាមួយគ្រូឧទ្ទេស អ្នកស្ម័គ្រចិត្ត និងអ្នកជំនាញទាំងឡាយ។ ទន្ទឹមនឹងនោះ នៅជាឱកាសសម្រាប់និស្សិតបង្ហាញនូវវោហារកោសល្យ បន្ទាប់ពីបានសិក្សារៀនសូត្រ លត់ដំបំណិន ឆ្លងតាមឈុតសម្តែងជាច្រើនដូចជា ច្រៀង រាំបែបទំនើប រាំបែបប្រពៃណី សម្លៀកបំពាក់បង្ហាញម៉ូដ និងការសម្តែងនានាដោយប្រើប្រាស់ច្រើនភាសា។
ក្នុងបរិយាកាសរីករាយនៃរដូវបុណ្យណូអែល ជារៀងរាល់ឆ្នាំGet Together តែងនាំមកនូវកម្មវិធីរាត្រីសិល្បៈ ដោយឈុតឆាកស្អិតស្អាងយ៉ាងផ្ចិតផ្ចង់ សម្រាប់ការប្រគំតន្ត្រីរបស់និស្សិត មានឈុតសម្តែងល្ខោននិយាយ ច្រៀង រំទំនើបបែបសម័យ ជាភាសាអង់គ្លេស កូរ៉េ និងចិន បង្ហាញវប្បធម៌សម្បូរបែបនៃលក្ខណៈវិសេសនៃជនជាតិនីមួយៗ នេះជាឱកាសសម្រាប់និស្សិត លត់ដំបំណិត សិក្សាបទពិសោធដោះដូរវប្បធម៌ បង្ហាញពីភាពស្វាហាប់ សមាហរណកម្ម ក៏ដូចជាទេពកោសល្យរបស់និស្សិតនៃសាកលវិទ្យាល័យត្រាវិញ។ កម្មវិធីមានឈុតសម្តែងបង្ហាញសម្លៀកបំពាក់ចម្រុះ ដោយប្រើវត្ថុធាតុដើមកែច្នៃ ដែលរំលេចសារថា "យុវជនសាកលវិទ្យាល័យត្រាវិញ ព្រួតដៃគ្នាការពារបរិស្ថាន"។
ប្អូន Nguyen Chi Thien ជានិស្សិតភាសាចិន ជំនាន់២០២១ ចែករំលែកថា “នេះជាកម្មវិធីដ៏មានអត្ថន័យចំពោះនិស្សិតមហាវិទ្យាល័យភាសាបរទេស ឆ្លងរយៈកម្មវិធីនេះ និស្សិតទាំងឡាយ បានចម្រើនវិជ្ជា បង្កើនមិត្តជាច្រើន មានចំណងស្និទ្ធស្នាលជាមួយនិស្សិតជំនាន់មុនៗ និងមិត្តភ័ក្តិនិស្សិតថ្មី និងមានឱកាសសិក្សាផ្លាស់ប្តូរបទពិសោធជាមួយគ្នា នាពេលសម្រាកលំហែកាយក្រោយពីការសិក្សា។”
ក្នុងកម្មវិធីនេះ ធនាគារពាណិជ្ជកម្មភាគហ៊ុនវិនិយោគនិងអភិវឌ្ឍន៍វៀតណាមសាខាត្រាវិញ បានផ្តល់ជូនអាហារូបករណ៍ចំនួន៣០ចំណែក ក្នុងមួយចំណែកមានតម្លៃ៥លានដុង ក្រុមសហជីពលេខ៣ បានផ្តល់អាហារូបករណ៍ចំនួន៣ចំណែក ក្នុងមួយចំណែកមានតម្លៃ២លានដុង និងលោក O Dan Phat ក៏ប្រគល់ជូន១៥ចំណែក ក្នុងមួយចំណែកៗមានតម្លៃ២លានដុង សម្រាប់និស្សិតសាកលវិទ្យាល័យត្រាវិញ៕
អត្ថបទដោយ៖ Hoang Nam – Huu Day
ប្រែសម្រួលដោយ៖ So Phune