និស្សិតសាកលវិទ្យាល័យត្រាវិញទទួលអាហារូបករណ៍នៃក្រសួងវិទ្យាសាស្ត្រនិងវិចិត្រសិល្បៈរដ្ឋHessen និងអង្គការឧបត្ថម្ភបរិញ្ញាសហភាពអាឡាម៉ង់
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 03 ឧសភា 2013
- ចុចដង៖ 1711
ព្រឹកថ្ងៃទី ២៥ មេសា ២០១៣ ក្រសួងវិទ្យាសាស្ត្រនិងវិចិត្រសិល្បៈរដ្ឋ Hessen និងអង្គការឧបត្ថម្ភបរិញ្ញាសហភាពអាឡាម៉ង់ បានប្រគល់អាហារូបករណ៍ឱ្យនិស្សិតវៀតណាមរៀនពូកែតំបន់វាលរាបទន្លេគឺវឡុងនៅសាកលវិទ្យាល័យកឹងធើ និស្សិតសាកលវិទ្យាល័យត្រាវិញ មានកិត្តិយសទទួលអាហារូបករណ៍ចំនួន៣ចំណែកផងដែរ។ ចូលរួមមានបណ្ឌិត ប៊ូយកុងថ ប្រធានតំណាងការិយាល័យ Hessen នៅវៀតណាម សាស្ត្រាចារ្យបណ្ឌិត ត្រឹងធីថាញ់ហៀន សាកលវិទ្យាធិការរងនៃសាកលវិទ្យាល័យកឹងធើ ព្រមទាំងលោកគ្រូអ្នកគ្រូតំណាងសាកលវិទ្យាល័យទាំង៦ និងបេក្ខជន១៩រូបដែលទទួលអាហារូបករណ៍ខាងលើ។
បេក្ខជន១៩រូបនិងអ្នកតំណាងចូលរួម
លោកបណ្ឌិត ប៊ូយកុងថ បានផ្តាំផ្ញើនិងលើកទឹកចិត្តដល់ប្អូនៗ សូមព្យាយាមសិក្សាថែមទៀត បន្តឧទ្ទេសនាមកម្មវិធីអាហារូបករណ៍នៃអង្គការសប្បុរសធម៌អាឡាម៉ង់ បង្កលក្ខណៈឱ្យប្អូនៗ មានឱកាសទទួលអាហារូបករណ៍ផ្សេងៗទៀត។ ក្រៅពីការផ្តល់ជូនអាហារូបករណ៍ ក្រសួងវិទ្យាសាស្ត្រនិងវិចិត្រសិល្បៈរដ្ឋ Hessen និងអង្គការឧបត្ថម្ភបរិញ្ញាសហភាពអាឡាម៉ង់នៅមានជំនួយសកម្មភាពសិក្សាធិការរវាងអ្នកឯកទេសនិងកងជួរឯកទេសវៀត-អាឡាម៉ង់ អង្គសិក្ខាសាលា អង្គសន្និសីទ អាហារូបករណ៍ទៅរៀនក្រៅប្រទេស។ល។ លោកបណ្ឌិត បន្តទៀតថា ក្នុងក្របខណ្ឌមិត្តភាពរវាងវៀតណាម-អាឡាម៉ង់ ក្រសួងវិទ្យាសាស្ត្រនិងវិចិត្រសិល្បៈរដ្ឋ Hessen ឆ្លងតាមអង្គការឧបត្ថម្ភបរិញ្ញាសហភាពអាឡាម៉ង់រក្សាប្រភពផ្តល់អាហារូបករណ៍ឱ្យនិស្សិតវៀតណាមពូកែពីឆ្នាំ ១៩៩១ ដល់បច្ចុប្បន្ន។ ក្នុងឆ្នាំសិក្សា ២០១២-២០១៣ អង្គការនេះបានសហការជាមួយក្រសួងអប់រំនិងបណ្តុះបណ្តាលវៀតណាមជ្រើសរើសនិងផ្តល់អាហារូបករណ៍ចំនួន ១៥០ ចំណែកចំណុះសាកលវិទ្យាល័យទូទាំងប្រទេស។
តាមសាស្ត្រាចារ្យបណ្ឌិត ត្រឹងធីថាញ់ហៀន សាកលវិទ្យាធិការរងនៃសាកលវិទ្យាល័យកឹងធើ ភាគច្រើនបេក្ខជន គឺកូនរបស់គ្រួសារកសិករ មានជីវភាពលំបាក គួរមានការយកចិត្តទុកដាក់ ឧបត្ថម្ភនិងបង្កលក្ខណៈដើម្បីឱ្យប្អូនៗ ស្ងប់អារម្មណ៍ក្នុងការសិក្សា។ នេះគឺការជំនួយជាវិជ្ជមានមួយ នាំមកក្តីរីករាយ និងលើកទឹកចិត្តឱ្យប្អូនៗបន្តការសិក្សា និងខិតខំសិក្សាស្វែងយល់ដើម្បីក្លាយជាសសរទ្រួងនៃសេដ្ឋកិច្ចជាតិនិងក្រុមគ្រួសារ។
បេក្ខជនសាកលវិទ្យាល័យត្រាវិញទទួលអាហារូបករណ៍
ពីខាងស្តាំ ឡេវ៉ាន់លី ទី២ ហ្វាងវ៉ាន់ទីវ ទី៣ ង្វៀនង៉ុកកឹម ទី៤