សាកលវិទ្យាល័យត្រាវិញទទួលនិងជួបពិភាក្សាជាមួយនឹងរោងចក្រស្បែកជើងមីផុង
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 06 ឧសភា 2013
- ចុចដង៖ 1616
រសៀលថ្ងៃ ០២/០៥/២០១៣លោកអនុបណ្ឌិត ង្វៀនតៀនយុង សាកលវិទ្យាធិការរងរួមនឹងបណ្ដាថ្នាក់គ្រប់គ្រងដែលចំណុះសាលាបានទទួលនិងជួបពិភាក្សាជាមួយនឹងលោក ឡឹមហៀងហ្វឹងប្រធានគ្រប់គ្រងផ្នែកធនធានមនុស្សនៃរោងចក្រស្បែកជើងមីផុង តំណាងការិយាល័យបុគ្គលិកព្រមទាំងផ្នែកជ្រើសរើសបុគ្គលិករបស់រោងចក្រ។
នៅអង្គពិភាក្សា លោក ឡឹមហៀងហ្វឹង បានសំដែងមនោសញ្ចេតនាពេញចិត្តសហការយូរអង្វែងនឹងសាលាក្នុងការបណ្ដុះបណ្ដាលធនធានមនុស្សដល់រោងចក្រក៏ដូចជាការផ្សារភ្ជាប់សម្ព័ន្ធមិត្តភាពរវាងអង្គភាពទាំងពីរ ជាមួយនឹងយុទ្ធសាស្រ្តពង្រីកអភិវឌ្ឍយូរអង្វែង និង រឹងមាំនៅខេត្តត្រាវិញ។ បច្ចុប្បន្នរោងចក្រមានកម្មករចំនួន២០ ០០០រូប និងកំពុងតែអនុវត្តការពង្រីកបន្ថែម ដូច្នេះហើយការបណ្ដុះបណ្ដាលប្រព័ន្ធធនធានមុស្ស ពិសេសបណ្ដាផ្នែកគ្រប់គ្រងជាបញ្ហាអាទិភាពនិងចាំបាច់ជាទីបំផុត។ ចំណែកខាងសាលា លោកអនុបណ្ឌិត ង្វៀនតៀនយុងខួសបញ្ជាក់ថា៖ សាកលវិទ្យាល័យត្រាវិញ បានផ្ដល់នូវឱកាសសិក្សាមានគុណភាពសម្រាប់សហគមន៍ ជាមជ្ឈមណ្ឌលចម្បងបណ្ដុះបណ្ដាលពលករមានចំណេះដឹងខ្ពស់សម្រាប់ខេត្ត។ ហេតុនេះសាលាតែងយកចិត្តទុកដាក់សហការនាំនិស្សិតទៅអនុវត្តជាក់ស្តែងនៅរោងចក្រដើម្បីពង្រឹងសមត្ថភាពការងារ អនុវត្តផ្ទាល់ជាមួយតថភាពពិត ឆ្លងតាមការនោះនិស្សិតបានលត់ដំបំណិនការងារ សិក្សាបទពិសោធ និងអាចវិលត្រឡប់មកបំរើការងារនៅពេលបញ្ចប់វគ្គសិក្សា។
ម្យ៉ាងវិញទៀតភាគីទាំងពីរនឹងឈានទៅចុះហត្ថលេខាលើអនុស្សរណៈ ដើម្បីបណ្ដុះបណ្ដាលពលករបច្ចុប្បន្នរបស់រោងចក្រអំពីភាសាបរទេស បច្ចេកទេសចិញ្ចឹមសត្វ និងដំណាំ ជម្រើសនិស្សិតថ្មី ជាពិសេសអាទិភាពដល់និស្សិតដែលចេះស្ទាត់ជំនាញភាសាអង់គ្លេស និង ភាសាចិន។ អនុស្សរណៈនឹងបានពិនិត្យឯកភាពចុះហត្ថលេខានៅរោងចក្រមីផុង ក្នុងដំណើរនាំនិស្សិតទៅអនុវត្តជាក់ស្តែងនាពេលខាងមុខនេះ។