អំ​ពីយើងខ្ញុំ

 សាកលវិទ្យាល័យ​ត្រាវិញ 

«នាំ​មក​នូវ​ឱកាស​សិក្សា​មានគុណ​ភាព​សម្រាប់​សហគមន៍» 

សាកលវិទ្យាល័យ​ត្រាវិញ​បាន​ស្ថាបនាឡើង​ពី​មហាវិទ្យាល័យ​រងសហគមន៍​ត្រាវិញ​។ អស់​រយៈពេល​​ ៥​ ឆ្នាំ​បង្កើត​គម្រោង​ការ​មហាវិទ្យាល័យ​ហគមន៍​វៀត​ណាម-កាណាដាដោយ​រដ្ឋាភិបាល​ កាណាដានិង​រដ្ឋាភិបាល​វៀត​ណាម​ឧបត្ថម្ភរួម​ជា​មួយតម្រូវការ​អំពី​អភិវឌ្ឍ​ខឿន​អប់រំនិង​បណ្តុះ​បណ្តាល​របស់​ខេត្តនិង​តម្រូវការ​ធន​ធាន​មនុស្សអនុវត្ត​យុទ្ធសាស្ត្រ​អភិវឌ្ឍ​សេដ្ឋកិច្ចវប្បធម៌សង្គមតំបន់វាល​រាប​ទន្លេគឺវ​ឡុង និង​ទូ​ទាំង​ប្រ​ទេស។ សាកលវិទ្យាល័យ​ត្រាវិញ​បង្កើត​ឡើងតាម​សេចក្តី​សម្រេច​លេខ 141/QĐ/2006-TTg ថ្ងៃទី 19/6/2006 របស់​នាយក​រដ្ឋ​មន្ត្រី និង​ក្លាយ​ជា​សាកលវិទ្យាល័យរដ្ឋ​ក្នុង​ប្រ​ពន្ធ​អប់រំ​សាកលវិទ្យាល័យ​វៀត​ណាម។ 

សាកលវិទ្យាល័យ​ត្រាវិញ​បាន​និង​កំពុង​ដំ​ណើរ​ការ​តាម​ទម្រង់បណ្តុះ​បណ្តាលច្រើន​កំ​រិត ច្រើន​មុខវិជ្ជា និង​ច្រើន​បែប​ពី​កំ​រិត​បរិញ្ញាបត្រ​រង​ រហូត​ដល់​បណ្ឌិត ជា​មួយ​តួ​នាទី​បណ្តុះ​បណ្តាល​និង​ផ្គត់​ផ្គង់ធន​ធាន​មនុស្ស​មាន​សមត្ថភាព​វិជ្ជាជីវៈ សមត្ថភាពស្រាវជ្រាវ​វិទ្យាសាស្ត្រ ផ្តល់​នូវ​សេវាកម្ម​រួម​ចំ​ណែកអភិវឌ្ឍខឿន​អប់រំ សេដ្ឋកិច្ច វប្បធម៌​សង្គម​នៅ​ត្រាវិញ និង​តំ​បន់​វាល​រាប​ទន្លេ​គឺវ​ឡុងនិយាយ​ដោយ​ឡែក និង​ទូទាំង​ប្រ​ទេស​និយាយ​រួម។

 ចក្ខុវិស័យ

ជាសាកលវិទ្យាល័យដែលផ្តោតទៅ​រក​ទំនោរ​​​អនុវត្តជាក់​ស្តែង​​​ និង​មាន​លក្ខណៈ​​ពិសេស។

បេសកកម្ម

សាកលវិទ្យាល័យត្រាវិញ​បណ្តុះបណ្តាលពហុមុខជំ​នាញ​ពហុកម្រិត​ និង​សិក្សា​បន្ត​ឡើង​​នៅ​​កម្រិត​ខ្ពស់​ជាង​ ​ដើម្បី​បំពេញ​នូវ​តម្រូវ​​ការ​នៃ​​អ្នកសិក្សា; អភិវឌ្ឍ​កម្មវិធី​សិក្សា​​ ផ្ទេរ​បច្ចេក​វិទ្យាផ្គត់​ផ្គង់​​សេវាកម្ម​សម្រាប់​សង្គម​ ​រួម​ចំណែក​ដ៏សំ​ខាន់​ក្នុង​ការ​បង្កើន​ឱកាស​ការងារ​ លើក​កម្ពស់​​ជីវភាព​​រស់​នៅ​របស់ប្រ​ជា​ជន​​ក្នុង​​សហគមន៍​ និង​ជំ​រុញ​ការ​អភិវឌ្ឍ​សេដ្ឋកិច្ច​-​​សង្គម​កិច្ច​​​នៅ​ថ្នាក់​​មូល​ដ្ឋាន​និងថ្នាក់​ជាតិ។​

តម្លៃ​ស្នូល

អស់​ពីចិត្ត​-តម្លាភាព​-​នវានុវត្ត-​ស្និទ្ធ​ស្នាល

ទស្សន​អប់រំ

«ផ្អែកលើមូលដ្ឋានជាក់ស្តែងប្រកបដោយក្រមសីលធម៌ទំនួល​ខុសត្រូវ​សមត្ថភាព​បណ្តុះ​បណ្តាល​អ្នក​សិក្សាជា​មួយ​នឹងអភិវឌ្ឍបុគ្គលនិងសង្គមឱ្យកាន់​តែប្រសើរ»

សាកលវិទ្យាល័យត្រាវិញជឿជាក់ថាការអប់រំ​និ​បណ្តុះបណ្តាលគឺជាមូលដ្ឋានគ្រឹះ​នៃសង្គម​លទ្ធផល​នៃ​ការ​អប់រំ​ និង​ការ​បណ្តុះ​បណ្តាល​មិន​ត្រឹម​តែ​ធ្វើឱ្យ​មានការ​អភិវឌ្ឍ​ផ្ទាល់ខ្លួនឱ្យ​​ជីវិត​កាន់​តែ​ប្រសើរ​ប៉ុណ្ណោះ​ទេ​ ថែមទាំង​លើកកម្ពស់​អភិវឌ្ឍ​ទាំងមូល​ទៀតផង។​ កម្មវិធី​បណ្តុះ​បណ្តាល​របស់​សាកល​វិទ្យាល័យ​ត្រូវ​បាន​រៀប​ចំនិង​បង្កើត​ឡើង​ក្នុង​ទិស​ដៅ​បណ្តុះ​បណ្តាល​សមត្ថភាព​អ្នក​សិក្សា ​​ជាមួយ​នឹង​កម្រិត​​ចំណេះ​ដឹង​ ជំនាញនិងឥរិយាបថដែលទទួល​​ពិគ្រោះ​យោបល់​ពី​​ភាគី​ពាក់ព័ន្ធ (រួម​មាន​សហគ្រាស​ និយោជកអ្នកជំនាញអ្នកវិទ្យាសាស្ត្រសាស្ត្រាចារ្យនិង​និស្សិត​ជា​ដើម) ដើម្បី​ធានា​ថាអ្នកសិក្សាទទួល​បាន​​សមត្ថភាព​គ្រប់​គ្រាន់ដើម្បី​​ចូលរួមជា​កម្លាំងធន​ធាន​មនុស្ស​​នៃ​ការងារសង្គម។សាកល​វិទ្យាល័យ​ជឿជាក់ថាការ​កសាង​ប្រព័ន្ធ​សិក្សា​រៀន​សូត្រ​​ដោយ​ផ្អែក​លើ​​​កត្តាយក​អ្នក​សិក្សា​​​​​ធ្វើ​ជា​ស្នូល​(Student – Centered)​​ នឹង​ផ្តល់​អាទិភាព​ដល់​​និស្សិត​ក្នុង​សកម្ម​ភាព​រៀប​ចំ​ផែន​ការ​សិក្សាដ៏​សមស្របដើម្បី​លើកកម្ពស់​សក្តានុពលភាពរបស់ពួកគេ​ក៏​ដូច​​ជា​​​ជំរុញ​ដំណើរ​ការ​នៃការសិក្សា​ដោយ​ស្វ័យ​ភាព​មាន​ការ​ទទួល​ខុស​ត្រូវ​ចំពោះ​ការរៀន​សូត្រ​ផ្ទាល់​ខ្លួន។​ឆ្លង​តាម​ទង្វើ​នោះ​ពួក​គេ​មាន​សញ្ញាណ​មនសិការ​​និងមាន​លទ្ធភាព​សិក្សា​​មួយ​​ជីវិត។ ​

សាកលវិទ្យាល័យត្រាវិញកំណត់ការបណ្តុះបណ្តាល​ជំនាញ​ដល់អ្នកសិក្សាដូចតទៅ៖សមត្ថភាព​របស់​អ្នក​សិក្សា​នឹង​ត្រូវ​បាន​បង្កើត​ឡើង​ជា​បន្ត​បន្ទាប់​តាម​រយៈ​ការ​រៀន​សូត្រ ​និង​អនុវត្ត​ជំនាញ​វិជ្ជា​ជីវៈ​ជាមួយ​ប្រព័ន្ធ​អនុវត្ត​ការពិសោធន៍នៅក្រុម​ហ៊ុនសហគ្រាសស្ថាប័ន​​នានា​ទៅ​តាម​កម្មវិធី​សិក្សានៃ​ទម្រង់​CO-OP។ ​លើសពីនេះដើម្បី​លើក​កម្ពស់​សមត្ថភាព​សិក្សា​របស់​បេក្ខសិស្ស​​ប្រ​កប​ដោយ​ភាព​​វិជ្ជមាន​​ សាកលវិទ្យាល័យ​ត្រាវិញ​​មាន​​គោល​ការណ៍​​​ឧបត្ថម្ភចេញ​​​ពី​​សប្បុរសធម៌​សាស្ត្រាចារ្យ​​នា​នា​​​​ ដោយ​​​ការគាំទ្រ​​ថវិកា​ដល់​​និស្សិតក្នុង​ការ​​សិក្សា​ស្រាវ​ជ្រាវ​​ទៅ​តាម​ឯក​ទេស​ដែលបានសិក្សា​ហើយ​ទទួលបាន​ចំណេះ​ដឹង​បំណិន​ជាក់​ស្តែង​​​​នៃ​​បញ្ហា​​កើត​មាន​ក្នុង​សង្គម ​អភិវឌ្ឍកិច្ច​ការ​ស្រាវ​ជ្រាវ​​វិទ្យាសាស្ត្របច្ចេក​វិទ្យានិង​បញ្ហាប្រឈមនានា​នា​សម័យ​បច្ចុប្បន្ន​​។ល។​ព្រម​ទាំង​​ចូល​រួម​សកម្ម​ភាព​​​បម្រើ​សេវា​កម្ម​សហគមន៍​។

ទន្ទឹម​នឹង​ការ​អភិវឌ្ឍ​ជំនាញ​​វិជ្ជាជីវៈ​ បញ្ហា​​ដែល​លត់​ដំ​បំ​ណិន​​សីលធម៌វិជ្ជាជីវៈនិង​ទំនួល​ខុស​ត្រូវ​ក្នុង​សហគមន៍​គឺ​មានសារៈសំខាន់ណាស់។សាកលវិទ្យាល័យត្រាវិញជឿជាក់ថាចំ​ណុច​ទាំង​អស់​នេះ​ជា​ឧបករណ៍​ចាំបាច់ ​​ជា​ស្ពាន​សម្រាប់​អ្នកសិក្សា​​​ផ្សារ​ភ្ជាប់​​នឹង​​​សង្គម​ គឺ​បាន​​អនុវត្ត​ចំណេះ​ដឹង ​និង​បំណិន​​វិជ្ជាជីវៈ​ក្នុង​សកម្មភាព​ការ​ងារ​។ហេតុ​ដូច្នេះ ​បំ​ណិន​វិជ្ជាជីវៈ​​សីលធម៌​ និង​ទំនួល​ខុសត្រូវ​ក្នុង​ការ​ងារ​​ត្រូវ​បាន​សាកលវិទ្យាល័យ​ដាក់​បញ្ចូល​​ទៅក្នុងកម្មវិធីសិក្សា​ទាំង​ឡាយ​។

 វត្ថុបំណង


សាកលវិទ្យាល័យ​ត្រាវិញ​ផ្តល់​កម្មវិធី​បណ្តុះ​បណ្តាលច្រើន​កំ​រិត ច្រើន​មុខ​វិជ្ជា និង​សម្បូរបែប​សម្រាប់​មនុស្ស​គ្រប់​វ័យ​ មាន​ការ​យក​ចិត្ត​ទុក​ដាក់​ចំ​ពោះ​ស្ត្រី​ភេទ ជន​ជាតិភាគតិច ឆ្លើយ​តប់​តម្រូវ​ការ​របស់​អ្នក​រៀន​ពេញ​មួយ​ជីវិត ផ្សារ​ភ្ជាប់​យ៉ាង​ជិត​ស្និទ្ធ​ជា​មួយ​សហគ្រិន​ អង្គ​ភាព​ប្រើ​ប្រាស់ពល​កម្ម សកម្ម​ក្នុង​ការ​បម្រើ​សង្គម​ឆ្លង​តាម​សកម្មភាព​ស្រាវ​ជ្រាវ​ ផ្ទេរ​បច្ចេកទេស​ ផលិតផលសម្រាប់​តម្រូវ​ការ​សង្គម រួម​ចំ​ណែក​អភិវឌ្ឍ​ខឿន​សេដ្ឋកិច្ច​របស់​ខេត្ត​និយាយ​ដោយ​ឡែក តំ​បន់​វាល​រាប​ទន្លេគឺវ​ឡុង​និយាយ​រួម។

កម្មវិធី​សិក្សា

សាកលវិទ្យាល័យ​ត្រាវិញ​ជា​សាកលវិទ្យាល័យ​រដ្ឋ​ ចំ​ណុះ​តំ​បន់​វាល​រាប​ទន្លេ​គឺវ​ឡុង​ បាន​ក្រ​សួង​អប់រំ​និង​បណ្តុះ​បណ្តាល​ផ្តល់​សេចក្តី​សម្រេច​ឱ្យ​ជ្រើស​រើស​និស្សិត​ទូទាំង​ប្រ​ទេស​មាន កំ​រិត​ក្រោយ​បរិញ្ញាបត្រ​ចំ​នួន ១៨ បរិញ្ញាបត្រ​ ៣៩ និង​ បរិញ្ញាបត្រ​រង ២៦​ មុខជំ​នាញ។

យន្តការ សម្ភារៈ​ឧបទេសនិង​ធន​ធាន​មនុស្ស​

សាកលវិទ្យាល័យ​ត្រាវិញ​មានមហាវិទ្យាល័យ​ចំនួន ១២ គឺ៖ មហាវិទ្យាល័យ​កសិកម្ម ជលវប្បកម្ម មហាវិទ្យាល័យ​បច្ចេកទេស​និង​បច្ចេកវិទ្យា មហាវិទ្យាល័យវិជ្ជសាស្ត្រ​-ឱសថ មហាវិទ្យាល័យសេដ្ឋកិច្ច-ច្បាប់ មហាវិទ្យាល័យភាសាបរទេស មហាវិទ្យាល័យគីំមីអនុវត្ត មហាវិទ្យាល័យវិទ្យាសាស្ត្រ​មូល​ដ្ឋាន មហាវិទ្យាល័យ​គរុកោសល្យ មហាវិទ្យាល័យ ភាសា - វប្បធម៌ - វិចិត្រ​សិល្បៈ​ខ្មែរ​ណាម​បូ មហាវិទ្យាល័យគ្រប់​គ្រង​ការិយាល័យ វៀតណាម​វិទ្យា និង​បណ្ណាល័យ មហាវិទ្យាល័យ​ទ្រឹស្តីនយោបាយ និង​មហាវិទ្យាល័យ​បម្រុង។

មាន​ការិយាល័យ​ទាំង​១២​ មជ្ឈមណ្ឌល ១១ ​ក្រុម​ប្រឹក្សា​ភិបាល​ ៣ និង​អង្គ​ភាព​មួយ​ចំ​នួន​ទៀតដូច​ជា៖​វិទ្យាស្ថានអភិវឌ្ឍធន​ធាន​មនុស្ស សាលា​អនុវត្ត​គរុកោសល្យ ទស្សាវដ្តីវិទ្យាសាស្ត្រ បណ្ណាល័យ អន្តេវាសិក​ដ្ឋាន។ សាកលវិទ្យាល័យ​ត្រាវិញ​មាន​មណ្ឌល​៣ ទីស្នាក់​ការ​កណ្តាល​នៅ​វិថី ១២៦ ង្វៀន ធៀង ថាញ សង្កាត់ទី៥ ទីក្រុង​ត្រាវិញ។​ ក្រៅ​ពី​នោះ​សាកលវិទ្យាល័យត្រាវិញ​មាន​សាខា​ពីរ​ទៀត​នៅ​ស្រុក​យ្វៀន​ហាយ និង​ស្រុក​កូវ​ង៉ាង។


មានផ្ទៃ​ដី​ចំ​នួន​ ៥៣ ហែកតា​សាកលវិទ្យាល័យ​ត្រាវិញ​រួម​មាន​អាគារដូច​ជា៖ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​អាគារ​សិក្សា អាគារ​មហាវិទ្យាល័យ អាគារ​វិទ្យាស្ថាន មជ្ឈមណ្ឌល សាលាអនុវត្ត​គរុកោសល្យ​ អន្តេវាសិកដ្ឋាន បណ្ណាល័យ សាល​ប្រជុំ អាគារ​អនុវត្ត ពិសោធ ។ល។​បាន​ថ្នាក់​ដឹក​នាំ​សាកលវិទ្យាល័យ​ត្រាវិញ​និង​អាជ្ញាធ័រ​ខេត្ត​ដាក់​គម្រោង​សាង​សង់ និង​បាន​សម្រេច​ជា​ស្ថាពរដាក់​ឱ្យ​ប្រើប្រាស់។

កង​ជួរ​គ្រូ​បង្រៀន​ចូល​រួម​កិច្ច​ការ​បង្ហាត់​បង្រៀន​ ​ពី​ឆ្នាំ ២០០៦ មាន​ ៣៦៩ រូប​ រហូត​មក​ទល់​ពេល​នេះ​គឺ​មាន​ជាង ១០០០​ រូប។ ជា​មួយ​ស្មារតី​សាមគ្គីភាព​ សកម្មក្នុង​ការ​ងារកង​ជួរ​គ្រូ​បង្រៀន​បាន​ខិត​ខំ​ស្រាវ​ជ្រាវ បង្រៀន​បណ្តើរ​ស្រាវជ្រាវ​បណ្តើរ​ជំ​រុញ​ការសិក្សា​នៅ​ក្រៅ​ប្រ​ទេស​ និង​បច្ចុប្បន្ន​សាកលវិទ្យាល័យ​ត្រាវិញ​ ឆ្លើយ​តប់​តម្រូវ​ការ​របស់​ក្រសួង​អប់រំ​និង​បណ្តុះ​បណ្តាល​អំពី​សមត្ថភាព​បណ្តុះ​បណ្តាល​របស់​សាលា។

ស្រាវជ្រាវ​វិទ្យាសាស្ត្រ

កិច្ច​ការ​ស្រាវជ្រាវ​វិទ្យាសាស្ត្រ​បាន​សាកលវិទ្យាល័យ​យក​ចិត្ត​ទុក​ដាក់​ខ្ពស់។ ក្នុង​៥​ឆ្នាំ​កន្លង​ កិច្ច​ការ​ស្រាវជ្រាវ​​វិទ្យាសាស្រ្ត​វិវិត្ត​ន៍​ទៅ​រក​ភាព​ជឿន​លើន​ សាកលវិទ្យាល័យ​ត្រាវិញ​បាន​អនុវត្ត​ប្រធាន​បទ​ស្រាវជ្រាវ​ចំ​នួន​ ១០០ លើ​គ្រប់​វិស័យ។ ក្នុង​នោះ​មាន​អត្ថបទ​មួយ​ចំ​នួន​បាន​ផ្ទេរ​ជូន​សហគមន៍ដូច​ជា៖ ទម្រង់​ផលិត​ស្រូវ​តាម​ស្តង់​ដា VietGap ទម្រង់​កាត់​ពូជ​ដូង​ខ្ទិះ​ ទម្រង់​ដាំ​បន្លេ​សុវត្ថិភាព ទម្រង់​ដាំ​ឱឡឹក​និស្សិត​ថែ​ទាំ ទម្រង់​ដាំ​ផ្សិត​ ទម្រង់​ចិញ្ចឹម​ក្តាម​សមុទ្រនៅ​យ្វៀន​ហាយ។ល។ បាន​រួម​ចំ​ណែក​ក្នុង​ការ​ផលិត​ផល​បង្កើន​កំ​ណើន​​សេដ្ឋកិច្ច​របស់​ខេត្ត។ មាន​រាប់​រាយ​អត្ថបទ​ស្រាវជ្រាវ​វិទ្យាសាស្ត្រ​របស់​សាស្ត្រចារ្យ​បាន​ចេញ​ផ្សាយ​នៅ​ទស្សាវដ្ដីក្នុង​និង​ក្រៅ​ប្រ​ទេស។ ពី​ឆ្នាំ ២០១១​សាកលវិទ្យាល័យ​ត្រាវិញ​បាន​ក្រ​សួង​សារព័ត៌មាន​និង​ទូរគមនាគមន៍​ផ្តល់​លិខិត​ផលិត​ទស្សាវដ្តី​វិទ្យាសាស្ត្រ​មាន​លេខ​កូដ្ឋ ISSN:1859-4816។ បច្ចុប្បន្ន ទស្សាវដ្តី​បាន​ក្រុម​ប្រឹក្សា​ភិបាល​ទទួល​ស្គាល់​ថា​ ជា​ទស្សាវដ្តី​វិទ្យាសាស្ត្រ​បាន​គិត​ពិន្ទុ​សម្រាប់​វិស័យ​វប្បធម៌​វិទ្យា​និង​អក្សរសិល្ប៍។

សហប្រតិបត្តិការ

លើ​មូលដ្ឋាន​សមិទ្ធិផល​ពី​គម្រោង​មហាវិទ្យាល័យ​រង​សហគមន៍​វៀតណាម-កាណាដា រួម​ជា​មួយ​ទិស​ដៅ​អភិវឌ្ឍ​កម្មវិធី​សិក្សា​តាម​ស្តង់​ដា​អន្តរជាតិ គួស​បញ្ជាក់​សហប្រតិបត្តិការ​អន្តរជាតិ​ជា​ភារកិច្ច​ចម្បង​ក្នុង​យុទ្ធសាស្ត្រ​អភិវឌ្ឍ​របស់​សាកលវិទ្យាល័យ​​ សាកលវិទ្យាល័យ​ត្រាវិញ​បាន​សកម្ម ក្នុង​ការ​ចង​សម្ពន្ធ​មិត្តភាព​រវាង​បណ្តា​ដៃ​គូនិង​បាន​ចុះ​ហត្ថលេខា​សហប្រតិបត្តិការ​ជិត ១០០​ដៃ​គូ​ក្រៅ​ប្រទេស​ចំណុះ​ ១៨ ប្រទេស​ទូទាំង​ពិភព​លោក សហការ​លើ​វិស័យ​ជាក់​ស្តែងដូចជា៖ សហការ​បណ្តុះ​បណ្តាល ស្រាវជ្រាវ​វិទ្យាសាស្ត្រ រៀប​ចំ​អង្គ​សិក្ខា​សាលា ទទូល​អ្នក​ឯក​ទេស​ស្មគ្រ​ចិត្ត​ មក​សិក្សា​ស្រាវជ្រាវ បណ្តា​គម្រោង​ការ​ពី​អង្គ​ការ​ក្រៅ​រដ្ឋាភិបាល។

សាកលវិទ្យាល័យ​ត្រាវិញ
១២៦ វិថី ង្វៀន ធៀន ថាញ់ សង្កាត់ទី ៥ ទី​ក្រុង​ត្រាវិញ
ទូរសព្ទ: (+84).294.3855246 ទូរសារ: (+84).294.3855217 
ទំ​នាក់​ទំ​នងមក៖  អាសយដ្ឋាន​អ៊ីមែល​នេះ​ត្រូវ​បាន​ការពារ​ពី​បណ្ដា​យន្ត​ផ្ញើ​សារ​រំខាន ។ អ្នក​ត្រូវ​ការ​បើក​ប្រើ JavaScript ដើម្បី​មើល​វា ។ ; or  អាសយដ្ឋាន​អ៊ីមែល​នេះ​ត្រូវ​បាន​ការពារ​ពី​បណ្ដា​យន្ត​ផ្ញើ​សារ​រំខាន ។ អ្នក​ត្រូវ​ការ​បើក​ប្រើ JavaScript ដើម្បី​មើល​វា ។