សាកលវិទ្យាល័យសង្គមសាស្ត្រនិងមនុស្សសាស្ត្រទីក្រុងហូជីមិញទស្សនាកិច្ចនៅសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 18 ធ្នូ 2015
- ចុចដង៖ 1116
(TVU) - ថ្ងៃទី ១២ ធ្នូ លោក បណ្ឌិត ហ្វិញ ធី ហុង ហាញ់ អនុប្រធានសហជីពនៃសាកលវិទ្យាល័យសង្គមសាស្ត្រ និងមនុស្សស្ត្រ ទីក្រុងហូជីមិញ ដឹកនាំគណប្រតិភូមកទស្សនកិច្ចនៅសាកលវិទ្យាល័យត្រាវិញ។ លោក ជំទាវ ថាច់ ធី យ៉ឹន សាកលវិទ្យាធិការីរងទទួលបដិសណ្ឋរៈ។
នេះជាដំណើរទស្សនកិច្ច ស្វែងយល់អំពីវប្បធម៌ខ្មែរណាមបូរបស់គណប្រតិភូបុគ្គលិក គ្រូបង្រៀននៃសាកលវិទ្យាល័យសង្គមសាស្ត្រនិងមនុស្សសាស្ត្រ ទីក្រុងហូជីមិញ។
លោកបណ្ឌិត ហ្វិញ ធី ហុង ហាញ់ ថ្លែងថា «យើងខ្ញុំរីករាយដែលបានមកទស្សនានៅសាកលវិទ្យាល័យត្រាវិញ ជាសាកលវិទ្យាល័យមួយឈានមុខគេវិស័យបណ្តុះបណ្តាលធនធានមនុស្សខាង ភាសា វប្បធម៌ វិចិត្រសិល្បៈខ្មែរណាមបូ។ ម្យ៉ាងវិញទៀត យើងខ្ញុំក៏បានទស្សនាផ្ទាល់នូវរបាំ ការប្រគំតន្ត្រីប្រពីណៃខ្មែរ និងបានស្លៀកបំពាក់អាវខោខ្មែរដោយស្រស់ស្អាត និងគាប់ចិត្ត។»ទន្ទឹមនឹងនោះ កងបុគ្គលិក គ្រូបង្រៀនសាកលវិទ្យាល័យខាងលើ ក៏បានដោះដូរការប្រគំតន្ត្រី និងសិក្សាក្បាច់រាំប្រជាប្រិយខ្មែរ ជាមួយនិស្សិតនិងគ្រូបង្រៀនសាកលវិទ្យាល័យត្រាវិញ ហើយបានទស្សនាបន្ទប់តាំងវត្ថុបុរាណខ្មែរ។
លោកជំទាវ ថាច់ ធី យ៉ឹន ថ្លែងអំណរគុណនិងជូនពរដំណើរគណប្រតិភូទទួលបានលទ្ធផលខ្ពស់និងមានខ្លឹមសារជ្រាវជ្រៅ។ លោកជំទាវមានទំនុកចិត្តថាស្មារតីសហការស្រាវជ្រាវនិងបណ្តុះបណ្តាលលើវិស័យភាសា វប្បធម៌ វិចិត្រសិល្បៈខ្មែរណាមបូ រវាងសាកលវិទ្យាល័យទាំងពីរនឹងកាន់តែជិតស្និទ្ធ ស្ថេរភាព។
បន្តសកម្មភាព គណប្រតិភូបានទៅទស្សនានៅវត្តអារាមខ្មែរមួយចំនួននៅត្រាវិញផងដែរ។
