និស្សិតសហគ្រិនភាព៖ ផ្តួចផ្តើមគំនិតរហូតក្លាយទៅជាការពិត
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 29 សីហា 2018
- ចុចដង៖ 452
សេចក្តីសម្រេចលេខ ៣៥ នៃរដ្ឋាភិបាលស្តីអំពីប្រទេសជាតិសហគ្រិនភាពក៏បានក្រសួងអប់រំនិងបណ្តុះបណ្តាលចាប់អារម្មណ៍និងអនុវត្តជាធរមាននៃកម្មវិធីឧបត្ថម្ភនិស្សិតសហគ្រិនភាព។ សាកលវិទ្យាល័យត្រាវិញក៏នៅក្នុងទំនោរនេះដែរ ថ្នាក់ដឹកនាំសាកលវិទ្យាល័យបានយកចិត្តទុកដាក់និងសហការជាមួយបណ្តាសហគ្រាសក្នុងការបណ្តុះបណ្តាលនិងស្រាវជ្រាវវិទ្យាសាស្ត្រ។ សាកលវិទ្យាល័យបានត្រួតពិនិត្យ វិនិច្ឆ័យច្បាស់លាស់បញ្ចូលកម្មវិធីសហគ្រិនភាពទៅក្នុងកម្មវិធីសិក្សា កសាងគម្រោងការណ៍តូចៗ សម្រាប់និស្សិតផ្តួចផ្តើមគំនិតធ្វើអាជីវកម្ម។
ជាមួយទិសស្លោក ៖ «សិក្សាពិត អនុវត្តពិត ឈ្មោះពិត ការងារពិត» សាកលវិទ្យាល័យត្រាវិញមិនត្រឹមតែជាគ្រឹះស្ថានបណ្តុះបណ្តាលចំណេះវិជ្ជា ថែមទាំងជាថ្នាលបណ្តុះគ្រាប់ពូជដោយនវានុវត្តន៍ ច្នៃប្រឌិត ។
នៅថ្ងៃទី ១៥ សីហា ២០១៨ សាកលវិទ្យាល័យត្រាវិញបានរៀបចំវគ្គបំប៉នបំណិនផ្តួចផ្តើមគំនិតសហគ្រិនភាពសម្រាប់និស្សិតជាង ៣០ នាក់។
អ្នកស្រី ង្វៀន ធី ទ្វី អនុប្រធានអចិន្ត្រៃយ៍នៃក្រុមប្រឹក្សាភិបាលឧបត្ថម្ភសហគ្រិនភាពប្រចាំការនៅភូមិភាគខាងត្បូង គាត់បានបើកបង្ហាញអំពីស្ថានភាពសហគ្រិនភាពសម្រាប់និស្សិតនាពេលបច្ចុប្បន្ន។ អ្នកស្រីថ្លែងថា ៖ «និស្សិតគប្បីមានគំនិតផ្តួចផ្តើមធ្វើអាជីវកម្មតាំងពីពេលនេះទៅ ស្វែងរកនូវគំនិតថ្មីពិសេស បើគំនិតនោះអាចអនុវត្តទៅរួចគួរបន្តអភិវឌ្ឍវាឱ្យក្លាយចេញជាសមិទ្ធផលនាំមកផលប្រយោជន៍ដល់សង្គមជាតិ ។»
មិត្ត ត្រឹង មីញ ទ្រុង ជាសមាជិកនៃគម្រោងអាជីវកម្ម «កាហ្វេ-សៀវភៅផ្សារភ្ជាប់នឹងល្បែងកំសាន្ត» ឱ្យដឹងថា ៖ ទោះបីវគ្គបំប៉នប្រព្រឹត្តឡើងតែមួយថ្ងៃប៉ុន្តែមានសារប្រយោជន៍ខ្លាំងណាស់ ក្រៅពីបំពាក់បំប៉នចំណេះវិជ្ជា និងបំណិនថ្មី និស្សិតនៅបានសំណេះសំណាលដោះដូរបទពិសោធជាក្រុម បើកចេញនូវទិដ្ឋិសម្បត្តិផ្តួចផ្តើមគំនិតធ្វើអាជីវកម្ម ។»
លោក ផាម វ៉ាន់ បែ សៅរ៍ នាយករងនៃគម្រោងការណ៍ SME ត្រាវិញ ឱ្យដឹងថា ៖ គម្រោងការណ៍ SME ត្រាវិញបង្កើតឡើងក្នុងគោលបំណងឧបត្ថម្ភ និងអភិវឌ្ឍបណ្តាសហគ្រាសតូចនិងមធ្យមនៅត្រាវិញ។ វគ្គបំប៉ននេះមានវត្ថុបំណងបំផុសស្មារតីនិស្សិត ផ្តល់ព័ត៌មានសំខាន់ៗជុំវិញបញ្ហាសហគ្រិនភាព។ លោកបន្ថែមទៀតថាក្រោយវគ្គសិក្សានេះ បើនិស្សិតណាមានគំនិតផ្តួចផ្តើមអាជីវកម្មសមស្របជាក់ស្តែងស្ថានភាពនៅត្រាវិញ អង្គភាព SME ត្រាវិញនឹងជំនួយមួយភាគដើម្បីអនុវត្តគម្រោងអាជីវកម្មនោះរួមចំណែកជំរុញសេដ្ឋកិច្ចខេត្តរីកចំរើនទៅមុខ។
ទម្រង់សហគ្រិនភាពមួយចំនួនដែលនិស្សិតសាកលវិទ្យាល័យត្រាវិញអនុវត្តនាំមកប្រសិទ្ធភាព
លោក ង្វៀន វ៉ាន់ វូ អាន នាយកនៃមជ្ឈមណ្ឌលសហគ្រិនភាពនៃសាកលវិទ្យាល័យត្រាវិញឱ្យដឹងថា តាំងពីឆ្នាំ២០១៦ សាកលវិទ្យាល័យត្រាវិញបានជំរុញសកម្មភាពឧបត្ថម្ភនិស្សិតផ្តួចផ្តើមគំនិតធ្វើអាជីវកម្ម និងផែនការណ៍ជំរុញកិច្ចការស្រាវជ្រាវ អនុវត្ត សហគ្រិនភាពមានប្រសិទ្ធភាពថែមទៀត។ ទម្រង់សហគ្រិនភាពបានអនុវត្តនៅសាកលវិទ្យាល័យត្រាវិញរួមមាន ៖ ហាងយុវជនសហគ្រិនភាព ប្រព័ន្ធដាំបន្លែតាមបែបជលាវប្បកម្ម ប្រព័ន្ធស្រោចស្រពប្រិតសំចៃទឹក ហាងកាហ្វេនិស្សិត សមូហភាពនិស្សិតសហគ្រិនភាពដើម្បីបើកទូលាយនិងផ្គត់ផ្គង់បណ្តាសេវាកម្មផ្សេងៗនៅក្នុងនិងក្រៅសាលា។ល។ បណ្តាទម្រង់ទាំងនោះគឺការខិតខំប្រឹងប្រែងសម្រាប់និស្សិតខិតជិតទៅនឹងគំនិតផ្តួចផ្តើមធ្វើអាជីវកម្មនិងគ្រប់គ្រងអាជីវកម្មតាំងពីពេលកំពុងសិក្សា។
រួមជាមួយសកម្មភាពនេះដែរ នៅព្រឹកថ្ងៃទី ២៦ សីហា នៅវិថី D5 អាហារដ្ឋានរបស់សាកលវិទ្យាល័យត្រាវិញ គឺជាគម្រោងសហគ្រិនភាពរបស់និស្សិតមានឈ្មោះថា កាហ្វេមនោសញ្ចេតនាត្រាវិញបានបើកនិងបម្រើអតិថិជននូវប្រភេទភេសជ្ជៈ អាហារពេលព្រឹក និងបណ្តាអាហារលក្ខណៈខ្មែរគ្រប់ប្រភេទផ្សេងទៀត ។ល។
ហ្វិញ សាង