ថ្ងៃទី ២១ ខែតុលា ឆ្នាំ២០១៨ សាកលវិទ្យាល័យត្រាវិញសហការជាមួយសាកលវិទ្យាល័យគឺវឡុងរៀបចំកម្មវិធីប្រឡង «ចំណេះដឹងទេសចរណ៍លើកទី ៨ ឆ្នាំ២០១៨» បានទាក់ ទាញនិស្សិតជាច្រើនក្រុមចូលរួម។
លោក បណ្ឌិត ង្វៀន តឹន ថាញ់ ប្រធានដេប៉ាតឺម៉ង់ទេសចរណ៍នៃសាកលវិទ្យាល័យត្រាវិញនិងអ្នកស្រី ឌីញ ធី ប៊ិច ចូវ សាស្ត្រាចារ្យនៃសាកលវិទ្យាល័យគឺវឡុងរួមជាមួយនិស្សិតជាង ១០០នាក់អញ្ជើញចូលរួម។
ក្នុងវត្ថុបំណងគឺជំរុញស្មារតីស្នេហាមាតុភូមិ មោទកភាពអំពីប្រវត្តិសាស្ត្រជាតិ ខឿនវប្បធម៌ជាតិ និងដើម្បីទាក់ទាញនិស្សិតស្រឡាញ់មុខជំនាញទេសចរណ៍និងស្មារតីពេញចិត្តស្វែងយល់ចំណេះដឹងទេសចរណ៍វៀតណាម។ ជាពិសេសគឺបង្កើតទីលានដ៏មានប្រយោជន៍ដើម្បីនិស្សិតសិក្សាឈ្វេងយល់និងផ្សារភ្ជាប់សាមគ្គីភាពរវាងនិស្សិតនៃសាកលវិទ្យាល័យទាំងពីរ។
សម័យប្រឡងរួមមានពីរដំណាក់កាល ដំណាក់កាលទី១ និស្សិតត្រូវឆ្លងកាត់នូវការឧទ្ទេសនាម បញ្ចេញលទ្ធភាពចំណេះដឹងជំនាញក្រោមប្រធានបទ «ប្រជុំនៃភាពអាច្ឆរិយ» ឆ្លើយសំណួរនិងបើកបន្ទះរូបដើម្បីស្វែងរកពាក្យគន្លឹះបង្កប់នៅក្នុងរូបភាព។
ទីបញ្ចប់សាកលវិទ្យាល័យត្រាវិញមាននិស្សិត៤ក្រុម និងសាកលវិទ្យាល័យគឺវឡុងមាននិស្សិត ២ក្រុមបានបន្តឈានចូលវគ្គផ្តាច់ព្រ័ត្រ។ វគ្គផ្តាច់ព្រ័ត្រនឹងតម្រូវរៀបចំប្រកួតនៅសាកលវិទ្យាល័យគឺវឡុងនាថ្ងៃទី ៣១ ខែតុលាខាងមុខ។