រាត្រីសិល្បៈអំណរបុណ្យអកអំបុកសំពះព្រះខែនិងសកម្មភាពទិវាគ្រូបង្រៀន
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 25 វិច្ឆិកា 2018
- ចុចដង៖ 430
នៅថ្ងៃទី១៨ ខែវិច្ឆិកា មហាវិទ្យាល័យភាសា - វប្បធម៌ - វិចិត្រសិល្បៈខ្មែរណាមបូបានរៀបចំនូវកម្មវិធីអបអរសាទរទិវាគ្រូបង្រៀនវៀតណាម ២០ វិច្ឆិកា និងសកម្មភាពសិល្បៈអំណរបុណ្យអកអំបុកសំពះព្រះខែនៃជនរួមជាតិខ្មែរណាមបូ។
បណ្តាសកម្មភាពនោះចាប់ផ្តើមឡើងតាំងពីព្រឹករហូតដល់យប់រួមមានកម្មវិធីប្រឡង «រំលឹកនូវគុណគ្រូ» កម្មវិធីសិល្បៈ «អំណរទិវាគ្រូបង្រៀននិងអំណរបុណ្យអកអំបុកសំពះព្រះខែឆ្នាំ២០១៨»។
អ្នកស្រី ថាច់ ធី យ៉ឹន សាកលវិទ្យាធិការរងព្រមទាំងសាស្ត្រាចារ្យ សិស្ស-និស្សិតទាំងឡាយបានចូលរួមទស្សនាកម្មវិធីសម្តែងសិល្បៈ និងទស្សនាការប្រារព្ធឡើងវិញនូវកម្មវិធីសែនព្រះខែអបអរបុណ្យអកអំបុកសំពះព្រះខែនៃជនរួមជាតិខ្មែរណាមបូ។
អ្នកស្រី ង្វៀន ធី ធូ ហឿង ព្រឹទ្ធបុរសរងនៃមហាវិទ្យាល័យភាសា - វប្បធម៌ - វិចិត្រសិល្បៈខ្មែរណាមបូឱ្យដឹងថា សម័យប្រឡងរំលឹកនូវគុណគ្រូ បានទាក់ទាញការចាប់អារម្មណ៍និងការគាំទ្រនៃសំណាក់សិស្ស-និស្សិតជាច្រើន រួមមានក្រុមសម្ព័ន្ធយុវជនទាំង ១១ ចូលរួមស្មើនឹង ១១ វណ្ណកម្ម។ វណ្ណកម្មទាំងនោះប្រៀបបានដូចជាផ្ទាំងទស្សនីយភាពឆ្លុះបញ្ចាំងតថភាពក្នុងជីវិតដែលក្រុមចូលរួមស្តែងចេញពីទឹកចិត្តស្មោះសរផ្ញើជូនលោកគ្រូអ្នកគ្រូ។
បណ្តាស្នាដៃទាំងនោះបានបង្ហាញអោយឃើញនូវស្មារតីមុតមាំ ភាពច្នៃប្រឌិត និងសាមគ្គីភាពនៃក្រុមនីមួយៗ ហើយស្នាដៃទាំងនោះក៏ជាកាដូដែលមានតម្លៃសម្រាប់និស្សិតតបស្នងចំពោះសាស្ត្រាចារ្យដែលបានបង្ហាត់បង្រៀន មានគុណូបការៈធំធេងបំផុត។