សាកលវិទ្យាល័យត្រាវិញអបអរទិវាគ្រូបង្រៀនវៀតណាម ២០ វិច្ឆិកា
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 25 វិច្ឆិកា 2018
- ចុចដង៖ 495
នៅល្ងាចថ្ងៃទី ២០ វិច្ឆិកា សាកលវិទ្យាល័យត្រាវិញបានប្រារព្ធពិធីជួបជុំខួបអនុស្សាវរីយ៍ ៣៦ ឆ្នាំនៃទិវាគ្រូបង្រៀនវៀតណាម (២០/១១/១៩៨២-២០/១១/២០១៨)។
ក្នុងបរិយាកាសដ៏ស្និទ្ធស្នាលនិងយ៉ាងកក់ក្តៅ លោកសាស្ត្រាចារ្យ បណ្ឌិត ផាម ទៀត ខាញ់ សាកលវិទ្យាធិការនៃសាកលវិទ្យាល័យត្រាវិញ បានថ្លែងសារជូនពរ ស្វាគមន៍ភ្ញៀវកិត្តិយសជិតឆ្ងាយ និងមានបាឋកថាគូសបញ្ជាក់នូវសមិទ្ធផលសម្រេចបាននៃសាកលវិទ្យាល័យត្រាវិញក្នុងឆ្នាំកន្លង។
លោកថ្លែងថា៖ សាកលវិទ្យាល័យត្រាវិញបច្ចុប្បន្នភាពនេះមិនត្រឹមតែជាគ្រឹះស្ថានបណ្តុះបណ្តាល ស្រាវជ្រាវតែប៉ុណ្ណោះទេ ថែមទាំងជាបរិស្ថានវិនិយោគសហការផ្សារភ្ជាប់រវាងសហគ្រាស ជាមជ្ឈមណ្ឌលផ្លាស់ប្តូរនវានុវត្ត ជំរុញស្មារតីសហគ្រិនភាពក្នុងនិស្សិតឆ្ពោះទៅគោលដៅបណ្តុះបណ្តាលធនធានពលកម្មឆ្លើយតបតម្រូវការអភិវឌ្ឍសង្គមជាតិ។
ក្នុងបរិស្ថានវិទ្យាសាស្ត្រាបច្ចេកវិទ្យាទំនើប និស្សិតមានភាពជឿនលឿន សកម្ម ស្វែងរកចំណេះដឹងថ្មី។ល។ ហេតុដូច្នោះសាកលវិទ្យាធិការស្នើអោយសាស្ត្រាចារ្យទាំងឡាយត្រូវមានលក្ខណៈសម្បត្តិគ្រប់គ្រាន់ លត់ដំបំណិន សមត្ថភាពជំនាញឯកទេស វិក្រឹតការ ស្រាវជ្រាវវិទ្យាសាស្ត្រ លើកកម្ពស់សមត្ថភាពភាសាអង់គ្លេស ដើម្បីក្រេបយកចំណេះវិជ្ជាអោយទូលំទូលាយនិងស៊ីជម្រៅជាពិសេសមានវិធានការប្រើប្រាស់បច្ចេកវិទ្យាក្នុងការបង្ហាត់បង្រៀន។ល។
ក្នុងឱកាសនេះដែរ សមូហភាពសាស្ត្រាចារ្យនៃសាកលវិទ្យាល័យត្រាវិញមានកិត្តិយសទទួលបានប័ណ្ណសរសើរពីនាយករដ្ឋមន្ត្រី និងសមាជិក ៦នាក់ទៀត។ ទន្ទឹមនឹងនោះសាកលវិទ្យាល័យត្រាវិញប្រគល់សេចក្តីសម្រេចទទួលស្គាល់លោកបណ្ឌិត ផាម ថេ ហៀន ជាសាស្ត្រាចារ្យរង និងអញ្ជើញបណ្ឌិត វូ ង៉ុក កូង បណ្ឌិត ទ្រឿង ទ្រី វូ ជាសាស្ត្រាចារ្យបង្រៀនប្រចាំនៅសាកលវិទ្យាល័យត្រាវិញ។
ក្នុងគោលជំហររក្សាប្រពៃណីគោរពឧបការគុណចំពោះគ្រូនិងតម្លៃសីលធម៌ នៅព្រឹកថ្ងៃទី ២០វិច្ឆិកា ថ្នាក់ដឹកនាំនិងសាស្ត្រាចារ្យសាកលវិទ្យាល័យត្រាវិញបានទៅគោរពនិងជូនបាច់ផ្កាចំពោះអាស្រម ទៀន វ៉ាង ដែលជាបេតិកភណ្ឌប្រវត្តិសាស្ត្រស្ថិតនៅសាលាបឋមសិក្សា ឡេ វ៉ាន់ តាម ទីក្រុងត្រាវិញ ខេត្តត្រាវិញ។
នៅក្នុងរដូវទិវាគ្រូបង្រៀនវៀតណាម សិស្ស-និស្សិតនិងសាស្ត្រាចារ្យនៃសាកលវិទ្យាល័យត្រាវិញមានសកម្មភាពជាច្រើន បង្កើតបាននូវបរិយកាសសប្បាយរីករាយ បង្ហាញនូវស្មារតីសាមគ្គីភាពប្តេជ្ញាចិត្តលើកកម្ពស់ប្រពៃណីដ៏ល្អប្រពៃក្នុងការប្រកួតប្រណាំងក្នុងការងារបង្រៀនប្រពៃសិក្សាប្រពៃ ព្យាយាមនិងប្តេជ្ញាចិត្តសម្រេចភារកិច្ចឆ្នាំសិក្សា ២០១៨-២០១៩ កសាងសាកលវិទ្យាល័យត្រាវិញក្លាយជាគ្រឹះស្ថានបណ្តុះបណ្តាលមានកិត្តិសព្ទក្នុងតំបន់និងលើឆាកអន្តរជាតិ។
សិស្ស-និស្សិតនិងសាស្ត្រាចារ្យនៃសាកលវិទ្យាល័យត្រាវិញអញ្ជើញទៅគោរពនិងជូនកម្រងផ្កាដល់អាស្រម ទៀន វ៉ាង ដែលជាបេតិកភណ្ឌប្រវត្តិសាស្ត្រ
សមូហភាពសាកលវិទ្យាល័យត្រាវិញមានកិត្តិយសទទួលប័ណ្ណសរសើរពីថ្នាក់នាយករដ្ឋមន្ត្រី
សាស្ត្រាចារ្យនៃសាកលវិទ្យាល័យត្រាវិញទាំង ៦ នាក់ទទួលប័ណ្ណសរសើររពីនាយករដ្ឋមន្ត្រី
លោកបណ្ឌិត ផាម ថេ ហៀន ទទួលសេចក្តីសម្រេចមានងារជាសាស្ត្រាចារ្យរង
និស្សិតគោរពជូនបាច់ផ្កាដល់លោកគ្រូអ្នកគ្រូ
ហ្វិញ សាង
