កិច្ចសហប្រតិបត្តិការរវាងសាកលវិទ្យាល័យត្រាវិញនិងវិទ្យាស្ថានប៉ាស្ទ័រនៅទីក្រុងហូជីមិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 05 មេសា 2019
- ចុចដង៖ 424
(TVU) - នៅថ្ងៃទី ២១ ខែមីនា ឆ្នាំ ២០១៩ សាកលវិទ្យាល័យត្រាវិញមានកិច្ចប្រជុំ និងពិភាក្សាការងារជាមួយវិទ្យាស្ថានប៉ាស្ទ័រនៅទីក្រុងហូជីមិញ។
នៅអង្គប្រជុំ តំណាងភាគីទាំងពីរបានសំណេះសំណាលលើខ្លឹមសារទាក់ទងដល់សកម្មភាពបណ្តុះបណ្តាល អនុវត្ត ស្រាវជ្រាវវិទ្យាសាស្ត្រ ដោះដូរសាស្ត្រាចារ្យ និងអ្នកជំនាញផ្នែកសុខាភិបាល។
លោក វ៉ ហ្វាង ខាយ សាកលវិទ្យាធិការរងអោយដឹងថា៖ បច្ចុប្បន្នភាពនេះ សាកលវិទ្យាល័យត្រាវិញបាន និងកំពុងវិនិយោគនិងអភិវឌ្ឍមហាវិទ្យាល័យវេជ្ជសាស្ត្រ-ឱសថ មន្ទីរពេទ្យសាកលវិទ្យាល័យត្រាវិញ និងមជ្ឈមណ្ឌលបណ្តុះបណ្តាលធនធានមនុស្សផ្នែកសុខាភិបាលតាមតម្រូវការសង្គម។ ចំពោះកិច្ចការថែទាំសុខភាពប្រជាជន សាកលវិទ្យាល័យតែងយកចិត្តទុកដាក់ទាំងធនធានមនុស្ស និងសម្ភារៈ។ ដោយភាគីទាំងពីរមានសក្តានុពល និងតម្រូវការដូចគ្នា លោកសង្ឃឹមមានការជជែកគ្នាលំអិតនិងឈានទៅចុះកិច្ចព្រមព្រៀងរួមនាពេលខាងមុខ។
បណ្ឌិត ហ្វាង ក្វួក កឿងនាយករងនៃមជ្ឈមណ្ឌលបណ្តុះបណ្តាល នៃវិទ្យាស្ថានប៉ាស្ទ័រថ្លែងថា៖ ទ្យាស្ថានប៉ាស្ទ័រមានជំនាញលេចធ្លោក្នុងកិច្ចការបណ្តុះបណ្តាលស្រាវជ្រាវអំពីជីវសាស្ត្រ អតិសុខុមប្រាណ ជំងឺរាតត្បាត ឱសថបង្ការ។ល។ លើមូលដ្ឋាននោះវិទ្យាស្ថានប៉ាស្ទ័រអាចសហការបណ្តុះបណ្តាលជាមួយសាកលវិទ្យាល័យត្រាវិញនៅមុខជំនាញមួយចំនួនដូចជា៖ សុខាភិបាលសាធារណៈ ឱសថ និងបច្ចេកទេសធ្វើតេស្ត។
សាស្ត្រាចារ្យ បណ្ឌិត ផាម ថេ ហៀន នាយកមជ្ឈមណ្ឌលបណ្តុះបណ្តាលធនធានមនុស្សសុខាភិបាលតាមតម្រូវការសង្គមនៃសាកលវិទ្យាល័យត្រាវិញថ្លែងថា៖ ការបណ្តុះបណ្តាលធនធានមនុស្សសុខាភិបាលសម្រាប់ខេត្តត្រាវិញនិយាយដោយឡែកនិងតំបន់វាលរាបទន្លេគឺវឡុងនិយាយរួមជាតម្រូវការចាំបាច់។ កិច្ចសហប្រតិបត្តិការរវាងអង្គភាពទាំងពីរក្នុងការបើកវគ្គសិក្សាខ្លីគឺមានសារៈសំខាន់និងឆ្លើយតបតម្រូវការនៃអ្នកសិក្សានៅទីនេះក្នុងតំបន់។
