សាកលវិទ្យាល័យត្រាវិញ៖ ឆ្ពោះទៅការអប់រំនិស្សិតប្រកបដោយបរិយាប័ន្ននិងបើកទូលាយ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 30 មិថុនា 2019
- ចុចដង៖ 509
យកនិស្សិតជាស្នូលក្នុងការអប់រំប្រកបដោយបរិយាប័ន្ន
សាកលវិទ្យាល័យត្រាវិញមានដើមកំណើតជាមហាវិទ្យាល័យរងសហគមន៍ត្រាវិញ ស្ថាបនានៅថ្ងៃទី ០៣ ខែសីហា ឆ្នាំ២០០១។ នៅថ្ងៃទី ១៩ ខែមិថុនាឆ្នាំ២០០៦ នាយករដ្ឋមន្ត្រីបានចុះហត្ថលេខាលើសេចក្តីសម្រេចលេខ ១៤១/QĐ-TTgទទួលស្គាល់មហាវិទ្យាល័យរងសហគមន៍ត្រាវិញក្លាយជាសាកលវិទ្យាល័យត្រាវិញ។ ឆ្លងកាត់ស្ថាបនានិងអភិវឌ្ឍអស់រយៈពេល ១៨ ឆ្នាំ(ដំណាក់កាល ២០០១-២០០៦-២០១៩) សាកលវិទ្យាល័យត្រាវិញបានរក្សាបានគុណភាពនិងមានបរិស្ថានសិក្សាប្រកបដោយភាពសកម្មនិងទាក់ទាញ់អារម្មណ៍ដល់អតិថិជន។
ថ្មីៗនេះ នៅក្នុងខែធ្នូ ឆ្នាំ២០១៨ អង្គភាព UI GreenMetric World University Rankings បានដាក់បញ្ចូលសាកលវិទ្យាល័យត្រាវិញជាសាកលវិទ្យាល័យអភិវឌ្ឍនិរន្តភាពនិងសមស្របទៅនឹងបរិស្ថាននៅក្នុងចំណោមសាកលវិទ្យាល័យទាំង ៣០០ សាកលវិទ្យាល័យ។ ឆ្នាំ ២០១៨ TVU ស្ថិតក្នុងសាកលវិទ្យាល័យ ១០០ ដែលគួរសិក្សាបំផុតនៅក្នុងប្រទេស និងជាប់ចំណាត់ថ្នាក់ទី ២២ ដែលអង្គភាព Webometrics វាយតម្លៃ។
ដើម្បីទទួលបានទំនុកចិត្តនៃអង្គភាពវាយតម្លៃគុណភាពអប់រំថ្នាក់ជាតិនិងអន្តរជាតិ ក៏ដូចជាទំនុកចិត្តនៃនិស្សិតជ្រើសរើសចូលរៀនក្នុងរយៈពេលកន្លងមក សាស្រ្តចារ្យបណ្ឌិត ផាម ទៀត ខាញ់ - សាកលវិទ្យាធិការនៃសាកលវិទ្យាល័យត្រាវិញថ្លែងឱ្យដឹងថា៖ TVU តែងចាត់ទុកនិស្សិតជាអតិថិជនស្នូលនៃសកម្មភាពទាំងឡាយរបស់សាកលវិទ្យាល័យត្រាវិញ។ «ដំណើរការបណ្តុះបណ្តាល» ត្រូវបានចាត់ទុកជាដំណើរការស្នូល និងដំណើរផ្សេងៗគឺជាជំនួយការលើកកម្ពស់តម្លៃសម្រាប់«ដំណើរការបណ្តុះបណ្តាល»នេះ។ ក្នុងនោះ និស្សិត និងសាស្ត្រាចារ្យ កងគ្រូបង្រៀនទាំងឡាយបំពេញកិច្ចការស្រាវជ្រាវវិទ្យាសាស្ត្រជាចំណុចសំខាន់ក្នុងរាល់សកម្មភាពដើម្បីរួមចំណែកក្នុងវត្ថុបំណងរួមគឺផ្ទេរ«ដំណើរការបណ្តុះបណ្តាល»អោយក្លាយជាដំណើរការស្វ័យប្រវត្តិក្នុងនិស្សិត។ ជាពិសេស បំពាក់ឱ្យនិស្សិតទទួលបានលទ្ធភាពបំណិនវិជ្ជាជីវៈជាក់ស្តែង។ ម្យ៉ាងវិញទៀតបង្រៀននិស្សិតនូវរបៀបសិក្សា ររៀបត្រិះរិះ របៀបរស់នៅ ឆ្ពោះទៅអប់រំនិស្សិតប្រកបដោយបរិយាប័ន្ននិងសមាហរណកម្ម។
មួយជំហានៗ អភិវឌ្ឍនូវកម្មវិធីសិក្សាតាមទំនោរប្រកបដោយសកម្ម អន្តរវិស័យ តាមតម្រូវការបំណិនវិជ្ជាជីវៈនៃសង្គម កាត់បន្ថ័យទ្រឹស្តីបង្កើនម៉ោងអនុវត្ត។ ជំហានទីមួយគឺប្តូរពីអប់រំលត់ដំកាយសម្បទាផ្តោតទៅបំណិនទេពកោសល្យដើម្បីអភិវឌ្ឍទាំងកាយសម្បទានិងលទ្ធភាពវិញាណ។ ជាក់ស្តែងគឺសាកលវិទ្យាល័យត្រាវិញបានប្តូរមុខវិជ្ជាជ្រើសរើសដូចជាលត់ដំកាយសម្បទា សិល្បៈ សោភ័ណភាពចូលក្នុងកម្មវិធីសិក្សា។
សមាហរណកម្មនិងផ្សារភ្ជាប់ក្នុងការបណ្តុះបណ្តាលឆ្ពោះទៅរកភាពជោគជ័យរបស់និស្សិត
ប្រឈមនឹងការផ្លាស់ប្តូរយ៉ាងឆាប់រហ័សនៃការជឿនលឿនខាងវិទ្យាសាស្ត្រនិងបច្ចេកវិទ្យានៅលើពិភពលោក។ TVUត្រូវការធាតុផ្សំនៃការធ្វើសមាហរណកម្មនិងការផ្សារភ្ជាប់ជាធាតុសំខាន់នៃកម្មវិធីបណ្តុះបណ្តាល។ TVUបានកសាងកម្មវិធីសិក្សា Coopនិងអនុវត្តចាប់ពីឆ្នាំ ២០០៧ មកដល់បច្ចុប្បន្ន។ នេះជាកម្មវិធីបណ្តុះបណ្តាលមួយដែលមានការទំនាក់ទំនងជាមួយអាជីវកម្មនៅក្នុងនិងក្រៅប្រទេស ហើយនិស្សិតទទួលបានបទពិសោធន៍ការងារជាក់ស្តែង រៀនបណ្តើរធ្វើការបណ្តើរនិងទទួលបានបា្រក់ខែ។
កម្មវិធី Coop នេះបានចាប់ផ្តើមពីវិស័យកសិកម្មនិងជលផលរួមជាមួយអាជីវកម្មនៅតាមតំបន់ក្នុងប្រទេសរហូតសហការជាមួយប្រទេសអ៊ីស្រាអែល។ បន្ទាប់មកបើកទូលាយដល់វិស័យថែទាំជំងឺ(សហការជាមួយប្រទេសជប៉ុន) បច្ចេកទេស បច្ចេកវិទ្យា សេដ្ឋកិច្ច ច្បាប់ វិទ្យាសាស្ត្រសុខាភិបាល។ល។ នៅពេលនោះកម្មវិធីបណ្តុះបណ្តាលរបស់សាលានីមួយៗត្រូវបានបង្កើតឡើងនិង ធ្វើបច្ចុប្បន្នភាពជាទៀងទាត់តាមរយៈក្រុមប្រឹក្សាពិគ្រោះយោបល់នៃកម្មវិធី រួមទាំងអ្នកតំណាងពេញលេញនៃសមាសភាគដូចជា៖ អាជីវកម្ម អ្នកឯកទេស អ្នកជំនាញ អ្នកវិទ្យាសាស្រ្ត វិស្វករ អ្នកបច្ចេកទេស។
ទន្ទឹមនឹងកិច្ចការរៀបចំត្រួតពិនិត្យគុណភាពអប់រំនិងបណ្តុះបណ្តាលរបស់សាកលវិទ្យាល័យដោយក្រសួងអប់រំនិងបណ្តុះបណ្តាលបញ្ញត្តិ។ TVU ចូលរួមយ៉ាងសកម្មក្នុងការពិនិត្យផ្ទៀងផ្ទាត់កម្រិតអន្តរជាតិដូចជា៖ FIBBA (Foundation for International Business Administration Accreditation –ជាអង្គភាពធានានិងអភិវឌ្ឍគុណភាពអប់រំរបស់អឺរុប) សម្រាប់មុខជំនាញគណនេយ្យ គ្រប់គ្រងពាណិជ្ជកម្ម សេដ្ឋកិច្ច ហិរញ្ញវត្ថុនិងធនាគារ។ ក្នុងរយៈពេលខាងមុខគឺបន្តពង្រីកត្រួតពិនិត្យគុណភាពតាមស្តង់ដា AUN (ប្រព័ន្ធនៃសាកលវិទ្យាល័យអាស៊ីអាគ្នេស៍) សម្រាប់មុខជំនាញពេទ្យសត្វ វារីវប្បកម្ម។ ស្តង់ដា ABET (អង្គភាពទទួលស្គាលគុណភាពរបស់អាមេរិក)នៃបណ្តាកម្មវិធីសិក្សាផ្នែកបច្ចេកវិទ្យាដូចជា៖ មុខជំនាញព័ត៌មានវិទ្យា អគ្គីសនី អេឡិចត្រូនិក។ល។
ម្យ៉ាងវិញទៀត កម្មវិធីផ្លាស់ប្តូរវប្បធម៌ សិក្សាអប់រំ ឧបត្ថម្ភគាំទ្រការបង្កើតគំនិតផ្តើមអាជីវកម្មថ្មី លើកកម្ពស់លទ្ធភាពស្រាវជ្រាវវិទ្យាសាស្ត្រអនុវត្ត។ល។ បានលើកស្ទួយដល់និស្សិតបង្កើតសមត្ថភាពស្រាវជ្រាវក្នុងការសិក្សា ធ្វើអាជីវកម្ម និងក្នុងការរស់នៅ នៃសម័យសមាហរណកម្មនេះ។
