សាកលវិទ្យាល័យត្រាវិញចុះកិច្ចព្រមព្រៀងសហការជាមួយប្រៃសណីយ៍ខេត្ត
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 28 កក្កដា 2019
- ចុចដង៖ 533
(TVU) - នាថ្ងៃទី ១៨ ខែកក្កដា សាកលវិទ្យាល័យត្រាវិញ និប្រៃសណីយ៍ត្រាវិញបានចុះហត្ថលេខាលើកិច្ចព្រមព្រៀងសហប្រតិបត្តិការនៅសាកលវិទ្យាល័យត្រាវិញដោយមានសក្ខីនៃថ្នាក់ដឹកនាំ និងអង្គភាពក្រោមឱវាទ។
ខ្លឹមសារនៃកិច្ចព្រមព្រៀងសហប្រតិបត្តិការរវាងភាគីទាំងពីររួមមានការអនុវត្តមុខងារពាក់ព័ន្ធនឹងសកម្មភាពរបស់អង្គភាពការប្រើប្រាស់សេវារបស់ប្រៃសណីយ៍ក្នុងកិច្ចការជ្រើសរើសនិស្សិតនៃសាកលវិទ្យាល័យត្រាវិញបង្កើតឱកាសការងារសម្រាប់និស្សិត អាចក្លាយជាមជ្ឈដ្ឋានអនុវត្តល្អសម្រាប់សិស្សនិស្សិតក្នុងកម្មសិក្សា និងពង្រឹងទំនាក់ទំនងដើម្បីជំរុញការអភិវឌ្ឍរួមគ្នា។
អ្នកស្រី ថាច់ ធី យ៉ឹន សាកលវិទ្យាធិការរងបានឱ្យដឹងថា៖ កិច្ចព្រមព្រៀងនេះជាចំណុចចាប់ផ្តើម បើកចេញទំព័រថ្មីក្នុងចំណងសហការ។ អ្នកស្រីមានទំនុកចិត្តថា អង្គភាពក្រោមឱវាទនឹងយកចិត្តទុកដាក់ខ្ពស់ មានតួនាទីទំនាក់ទំនងល្អ និងអនុវត្តល្អនូវខ្លឹមសារដែលបានចំណារក្នុងកិច្ចព្រមព្រៀង។
លោក ហូ ថាញ់ ឡុង នាយករងនៃប្រៃសណីយ៍ខេត្តត្រាវិញបានមានប្រសាសន៍ថា៖ ប្រៃសណីយ៍ខេត្តត្រាវិញនឹងបង្កភាពងាយស្រួលដល់និស្សិតចង់មកកម្មសិក្សានៅអង្គភាពប្រៃសណីយ៍ខេត្ត ឧទ្ទេសនាម និងណែនាំអតិថិជនមានតម្រូវការប្រើប្រាស់សេវាកម្មក្នុងការជ្រើសរើសចុះឈ្មោះពិនិត្យសុខភាពលើកដំបូងនៅមន្ទីរពេទ្យសាកលវិទ្យាល័យត្រាវិញ។ ទន្ទឹមនឹងនោះ ផ្គត់ផ្គង់សេវាដឹកជញ្ជូន វេររហ័សសម្រាប់សាកលវិទ្យាល័យត្រាវិញ នៅក្នុងនិងក្រៅប្រទេសតាមស្តង់ដារធានាគុណភាពសេវាកម្ម។ ម្យ៉ាងវិញទៀត អង្គភាពទាំងពីរនឹងរួមដៃគ្នាបង្កើតការងារ ប្រាក់ចំណូលដល់សិស្សានុសិស្សតាមរយៈការសហការនិងការផ្គត់ផ្គង់ផលិតផលនិងសេវាកម្មរបស់ប្រៃសណីយ៍។