មហិច្ឆតាធ្វើអាជីវកម្មផ្តើមដោយគំនិតសាមញ្ញនិងខុសពីគ្នា
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 30 តុលា 2019
- ចុចដង៖ 664
ដោយមានគំនិតចង់ស្រាវជ្រាវនិងបំណងធ្វើអាជីវកម្មរបស់ខ្លួនស្របនឹងជីវភាពពិតប្រចាំថ្ងៃនិស្សិតជាច្រើននៃសាកលវិទ្យាល័យត្រាវិញបានចូលរួមជាមួយកសិករបង្កើតផលិតផលដែលមានគុណភាពខ្ពស់។
ផលិតផលជីវសាស្ត្រណាណូ ZnO
នេះគឺជាគម្រោងរបស់ក្រុមអ្នកស្រាវជ្រាវ ផាម អានយឿងខាង ដែលជានិស្សិតជំនាញផ្នែកបច្ចេកវិទ្យាជីវសាស្ត្រ ប្អូនង្វៀន វ៉ាន់ភឿង អតីតនិស្សិតបច្ចេកវិទ្យាជីវសាស្ត្រ និងប្អូនលឿង មាញ់យឿង អតីតនិស្សិតគ្រប់គ្រងពាណិជ្ជកម្ម។
គម្រោងនេះក្រុមស្រាវជ្រាវមានបំណងផលិតនិងផ្គត់ផ្គង់នូវផលិតផលជីវសាស្ត្រណាណូ ZnO ដើម្បីបង្ការនូវបណ្តារោគផ្សិត និងមេរោគផ្សេងៗ នៅលើដើមឈើហូបផ្លែ។ ផលិតផលមានឈ្មោះ NOZ ត្រូវបានដាក់ដបដែលមានចំណុះ ៥០០ ml។
ប្អូន ផាម អានយឿងខាង ប្រធានគម្រោងបានមានប្រសាសន៍ថា៖ តំបន់តៃណាមបូគឺជាតំបន់ដាំឈើហូបផ្លែច្រើន ប្រជាជនតែងប្រើផលិតផលជីវសាស្ត្រដើម្បីបង្ការរោគផ្សិតនិងមេរោគនានា ប៉ុន្តែត្រូវសម្របនឹងបរិស្ថានផងដែរ តម្លៃសមរម្យមិនប៉ះពាល់ដល់សុខភាពអ្នកប្រើប្រាស់។
«ដើម្បីឱ្យផលិតផលមានប្រសិទ្ធិភាពបំផុត ក្នុងកំឡុងពេលអនុវត្តនិងដំណើរការសាកល្បងក្រុមស្រាវជ្រាវបានចុះណែនាំផ្ទាល់នូវរៀបប្រើប្រាស់ដល់ប្រជាជន” លោកខាងបានឱ្យដឹងដូច្នោះ។
ការវាយតម្លៃដំបូងរបស់កសិករបន្ទាប់ពីបានប្រើផលិតផលជីវសាស្ត្រមានផ្ទុកជាតិណាណូ ZnO បង្ហាញឱ្យឃើញថាផលិតផលនេះអាចការពារនិងបង្ការរោគផ្សិតនៅលើរុក្ខជាតិយ៉ាងមានប្រសិទ្ធភាពតាមរយៈសកម្មភាពប្រឆាំងអុកស៊ីតកម្មរបស់ស្លឹកនិង លក្ខណៈសម្បត្តិជាក់លាក់ (ចុណ្ណភាគណាណូ) មិនគ្រោះថ្នាក់ដល់អ្នកប្រើប្រាស់ និងមិនប៉ះពាល់ដល់បរិស្ថាន។
រួមដំណើរជាមួយកសិករចិញ្ចឹមបង្គា
ពីស្ថានភាពនៃការបើកនិងបិទកង្ហារទឹកដើម្បីបង្កើតអុកស៊ីសែនសម្រាប់បង្គា ជាទូទៅគឺប្រើដោយដៃហើយដំណើរការតំឡើងមិនត្រឹមត្រូវតាមបច្ចេកទេសដូច្នេះវាបណ្តាលឱ្យមានគ្រោះថ្នាក់អគ្គីសនីគួរឱ្យសង្វេគ អ្នកស្រាវជ្រាវបានបង្កើតផលិតផលបញ្ជានិងត្រួតពិនិត្យកង្ហារដោយស្វ័យប្រវត្តិនៅស្រះចិញ្ចឹមបង្គាឧស្សាហកម្ម។
ផលិតផលត្រូវបានគេរំពឹងថានឹងបង្កើតសុវត្ថិភាពសម្រាប់អ្នកប្រើប្រាស់សូម្បីតែនៅក្នុងអាកាសធាតុមេឃភ្លៀង ក្តៅ ឬពេលយប់។ ក្នុងពេលជាមួយគ្នានោះ គឺកាត់បន្ថាយនូវកម្លាំងពលកម្ម បន្ថាយចំណាយនិងអាចអនុវត្តទូលំទូលាយនៃប្រព័ន្ធបំពេញតម្រូវការស្វ័យប្រវត្តិនៅក្នុងតំបន់ផ្សេងទៀត។
ចែករំលែកប្រសិទ្ធភាពនៃគម្រោង លោកត្រឹងភឿកដាតនិស្សិតសាកលវិទ្យាល័យគ្រប់គ្រងនិងស្វ័យប្រវត្តិកម្មឆ្នាំ ២០១៥ បានថ្លែងថា៖ វត្ថុធាតុដើមប្រើប្រាស់ក្នុងគម្រោងនេះគឺមានតម្លៃថោក សម្បូរច្រើន និងមានស្រាប់នៅទីកន្លែង។ លើសពីនេះទៅទៀត គម្រោងទទួលបានការគាំទ្រពីបងៗរៀមច្បងក្នុងផ្នែកបច្ចេកទេស ហើយទទួលបានបច្ចេកវិទ្យាថ្មី បំពេញលក្ខណៈស្តង់ដារនៃក្របខ័ណ្ឌត្រួតពិនិត្យគុណភាព។
លោកង្វៀន វ៉ាន់ វ៉ូអាន អនុលេខាធិការនៃសម្ព័ន្ធយុវជនសាកលវិទ្យាល័យត្រាវិញមានប្រសាសន៍ថា៖ ប្រធានបទទាំងពីរគឺផលិតផលជីវសាស្រ្តណាណូ ZnO ព្រមទាំងឧបករណ៍បញ្ជានិងត្រួតពិនិត្យដោយស្វ័យប្រវត្តិនូវកង្ហារស្រះទឹកបង្គាឧស្សាហកម្ម គឺត្រូវបានជាប់ទៅវគ្គប្រកួតប្រជែងបញ្ចប់នៃសម័យប្រឡងផ្តើមគំនិតធ្វើអាជីវកម្មសម្រាប់និស្សិត។ ទាំងនេះគឺជាផលិតផលចំនួន ០២ ក្នុងចំណោម ៥០ ផលិតផលនៅទូទាំងប្រទេសក្នុងជុំចុងក្រោយនៃការប្រកួតប្រជែង SV.STARTUP ឆ្នាំ ២០១៩ ដែលរៀបចំឡើងដោយក្រសួងអប់រំនិងបណ្តុះបណ្តាលនៅដើមខែតុលាឆ្នាំ ២០១៩ ។ ជាពិសេសផលិតផលដែលមានសារធាតុណាណូ ZnO ឈ្នះរង្វាន់លេខ៣ នៃសម័យប្រឡងស្វែងរកទេពកោសល្យផ្តើមធ្វើអាជីវកម្ម ផ្លាស់ប្តូរនវានុវត្តនៅតំបន់ដីសណ្តទន្លេគឺវឡុងនៅថ្ងៃទី ២២ ខែតុលាឆ្នាំ ២០១៩ និងបង្ហាញផលិតផលរបស់ពួកគេនៅក្នុងមហោស្រព Techfesh ទីក្រុងក្វាងនិញចាប់ពីថ្ងៃទី ៤ ដល់ថ្ងៃទី ៦ ខែធ្នូឆ្នាំ ២០១៩ ខាងមុខ។
សម្បូរបែនៃផលិតផលរបស់និស្សិត
ផលិតផលតែរុក្ខជាតិ Lam Yến ORGANIC ដោយលោកង្វៀនហៀនដាក់ អតីតនិស្សិតផ្នែកព័ត៌មានវិទ្យាផលិតតែមួយប្រភេទផ្សំពីផ្កាពារាំង ព្រមទាំងតែធម្មជាតិ និងសំបុកសត្វត្រចៀកកាំមួយចំនួនទៀត។
ផលិតផលស្រាដូង NgọcTửu និងផលិតផលពីប្រេងដូង លោកលឿង ម៉ាញ យឿង អតីតនិស្សិតគ្រប់គ្រងពាណិជ្ជកម្ម។
ផលិតផលតែស្លឹកក្រខុប របស់លោកហូរ ង្វៀនអាញ់ត្រៃ ជានិស្សិតបច្ចេកវិទ្យាគីមីសាស្ត្រ ២០១៥ បានស្រាវជ្រាវរកឃើញនិងផលិតបានតែដ៏មានគុណភាពសម្រាប់សុខភាពមនុស្ស។
មានគំរូផ្តើមធ្វើអាជីវកម្មជាច្រើនទៀតរបស់និស្សិតពេលដែលកំពុងសិក្សា និងទទួលបានការលើកទឹកចិត្តពីសាស្ត្រាចារ្យ។