សាកលវិទ្យាល័យត្រាវិញទទួលគណៈប្រតិភូមកពីសាកលវិទ្យាល័យពហុបច្ចេកទេសសាកាឆេវ៉ាន់ប្រទេសកាណាដា
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 30 តុលា 2019
- ចុចដង៖ 574
(TVU) - នាថ្ងៃទី ១០ ខែតុលា លោកសាស្ត្រាចារ្យបណ្ឌិតផាមទៀតខាញ់ សាកលវិទ្យាធិការនៃសាកលវិទ្យាល័យត្រាវិញ និងជាប្រធានសមាគមន៍មហាវិទ្យាល័យសហគមន៍វៀតណាម (VACC) បានស្វាគមន៍និងធ្វើការជាមួយលោកបណ្ឌិត Larry Rosie សាកលវិទ្យាធិការនៃសាកលវិទ្យាល័យពហុបច្ចេកវិទ្យាសាកាឆេវ៉ាន់ប្រទេសកាណាដា។
ក្នុងដំណើរទស្សនកិច្ចនិងធ្វើការនៅសាកលវិទ្យាល័យត្រាវិញភាគីទាំងពីរបានពិចារណាជំរុញការអនុវត្តខ្លឹមសារនៃអនុស្សរណៈដែលបានចុះហត្ថលេខាកាលពីខែមីនាកន្លង។
លោកបណ្ឌិតAngela តំណាងសាកលវិទ្យាល័យពហុបច្ចេកវិទ្យាសាកាឆេវ៉ាន់បានមានប្រសាសន៍ថា៖ សាកលវិទ្យាល័យពហុបច្ចេកទេសសាកាឆេវ៉ាន់គឺជាសមាជិកនៃសាកលវិទ្យាល័យពហុបច្ចេកទេសកាណាដា។ បច្ចុប្បន្នមាននិស្សិតវៀតណាមប្រមាណ ២០ នាក់កំពុងសិក្សានៅសាលានេះ។ គុណប្រយោជន៍របស់សាលាគឺមានកម្មវិធីបណ្តុះបណ្តាលជាច្រើន គំរូសិក្សាផ្សារភ្ជាប់នឹងការអនុវត្តជាក់ស្តែងនៅក្នុងសហគ្រាស។ សាកលវិទ្យាល័យពហុបច្ចេកវិទ្យាសាកាឆេវ៉ាន់មានទំនាក់ទំនងល្អ ជាដៃគូរឹងមាំជាមួយប្រទេសវៀតណាមតាមរយៈគម្រោងគាំទ្រសេដ្ឋកិច្ច។ ឥឡូវសាលានេះជាសមាជិកកិត្តិយសនៃសមាគមមហាវិទ្យាល័យសហគមន៍វៀតណាម។
ក្នុងឱកាសនេះភាគីទាំងពីរបានបន្តឯកភាពគ្នាធ្វើកិច្ចសហប្រតិបត្តិការលើបញ្ហាសំខាន់ចំនួន ៣ រួមមានជំរុញកិច្ចសហប្រតិបត្តិការលើវិស័យផ្លាស់ប្តូរសាស្ត្រាចារ្យនិងនិស្សិត។ អនុវត្តគម្រោងសិក្សាស្រាវជ្រាវវិទ្យាសាស្ត្រសកម្មភាពសហគមន៍មួយចំនួនពាក់ព័ន្ធនឹងនិស្សិតនិងសាស្រ្តាចារ្យនៃសាកលវិទ្យាល័យទាំងពីរ។ និងការតំរង់ទិសនាពេលខាងមុខភាគីទាំងពីរធ្វើការជាមួយគ្នាដើម្បីបង្កើតកម្មវិធីបណ្តុះបណ្តាលរួមគ្នាមួយសម្រាប់វិទ្យាសាស្ត្រសុខាភិបាលជាពិសេសមុខជំនាញថែទាំជំងឺ។
គណៈប្រតិភូក៏បានពិភាក្សានិងធ្វើការដោយផ្ទាល់ជាមួយនាយកនៃមហាវិទ្យាល័យសហគមន៍ជាសមាជិកដូចជា៖ ដាក់ណុង ភូអៀន សុខត្រាំង មហាវិទ្យាល័យរងវិជ្ជាជីវៈត្រាវិញ។ល។ ដើម្បីបន្តស្វែងរកឱកាសសហប្រតិបត្តិការនាពេលអនាគត។
ក្នុងនាមជាប្រធានសមាគម VACC លោកសាស្ត្រាចារ្យបណ្ឌិតផាមទៀតខាញ់និងលោកបណ្ឌិត Larry Rosie បានចុះហត្ថលេខាលើអនុស្សរណៈនៃកិច្ចសហប្រតិបត្តិការក្នុងវិស័យបណ្តុះបណ្តាល ការផ្លាស់ប្តូរសាស្រ្តាចារ្យ និស្សិត និងការស្រាវជ្រាវវិទ្យាសាស្ត្ររវាងសាកលវិទ្យាល័យចំណុះ VACC និងសាកលវិទ្យាល័យពហុបច្ចេកវិទ្យាសាកាឆេវ៉ាន់ក្រោមការធ្វើជាសាក្សីរបស់ថ្នាក់ដឹកនាំនៃបណ្តាសមាជិក VACC។
