សម័យប្រកួតប្រជែងឈ្វេងយល់អំពីច្បាប់ឆ្នាំ ២០១៩
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 11 វិច្ឆិកា 2019
- ចុចដង៖ 596
(TVU) - នាថ្ងៃទី ៥ ខែវិច្ឆិកាឆ្នាំ ២០១៩ និស្សិតច្បាប់ជាង ៤០០ នាក់បានចូលរួមសម័យប្រកួតប្រជែងឈ្វេងយល់«យុវជនសាកលវិទ្យាល័យត្រាវិញជាមួយច្បាប់លើកទី ៦» ដែលប្រព្រឹត្តទៅនៅទីស្នាក់ការកណ្តាលនៃសាកលវិទ្យាល័យ។
ការប្រលងនេះគឺជាផ្នែកមួយនៃសកម្មភាពដើម្បីអបអរសាទរទិវានៃច្បាប់វៀតណាម (៩ វិច្ឆិកា) ដែលរៀបចំឡើងដោយដេប៉ាតឺម៉ង់ច្បាប់សហការជាមួយការិយាល័យអធិការកិច្ច-ច្បាប់។ អ្នកស្រី ថាច់ ធី យ៉ឹន សាកលវិទ្យាធិការរងនៃសាកលវិទ្យាល័យត្រាវិញអញ្ជើញចូលរួមនិងថ្លែងសុន្ទរកថាបើក។
សម័យប្រលងនេះ បានទាក់ទាញក្រុមនិស្សិតចំនួន ១២ ក្រុមមកពីមហាវិទ្យាល័យសេដ្ឋកិច្ចនិងច្បាប់។ ក្រុមនីមួយៗ បានឆ្លងកាត់វិញ្ញាសាចំណេះដឹងឯកទេស និងទេពកោសល្យឈុតឆាកសម្តែងប្រកបដោយខ្លឹមសារលើវិស័យច្បាប់ដែលក្រុមរៀបចំនិងសម្តែងផ្ទាល់។
អ្នកស្រី ថាច់ ធី យ៉ឹន បានមានប្រសាសន៍ថា៖ សម័យប្រកួតប្រជែងនេះគឺជាវេទិកាមួយដែលមានប្រយោជន៍និងមានអត្ថន័យពីព្រោះនិស្សិតទទួលបានជំនាញវិជ្ជាជីវៈផ្នែកច្បាប់ និងអនុវត្តផ្ទាល់នូវជំនាញដែលបានសិក្សា។ ទន្ទឹមនឹងនោះ នេះក៏ជាបរិយាកាសនិងកាលានុវត្តសម្រាប់និស្សិតបញ្ចេញទេពកោសល្យនិងសមត្ថភាពរបស់ពួកគេផងដែរ។
មិត្ត ង្វៀន កាវ ចាញ់ ជានិស្សិតជំនាញនីតិសាស្ត្ររដ្ឋប្បវេណីឆ្នាំ ២០១៨ ទទួលបានចំណាត់ថ្នាក់ជាអ្នកសម្តែងឆ្នើម លោកមានទឹកចិត្តរំភើបឱ្យដឹងថា៖ «ការប្រលងដូចនេះ គឺជាទីលានមួយសម្រាប់និស្សិតច្បាប់មានឱកាសផ្លាស់ប្តូរ សិក្សារៀនសូត្រ និងចែករំលែកមិនត្រឹមតែចំណេះដឹងផ្នែកច្បាប់ប៉ុណ្ណោះទេថែមទាំងជាឱកាសដើម្បីបង្ហាញទេពកោសល្យរបស់ពួកគេ»។