Baby Sharks, no more bags – សារដ៏មានសារៈពីរាត្រី Get together ២០១៩
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 31 ធ្នូ 2019
- ចុចដង៖ 637
នាល្ងាចថ្ងៃទី ១៩ ខែធ្នូ កម្មវិធីរាត្រី Get Together ប្រចាំឆ្នាំលើកទី ១៦ ធ្វើឡើងដោយមហាវិទ្យាល័យភាសាបរទេសចំណុះសាកលវិទ្យាល័យត្រាវិញបានទាក់ទាញសិស្សនិស្សិតនិងលោកគ្រូអ្នកគ្រូចូលរួមយ៉ាងឱឡារិក។
Get Together ឆ្នាំនេះមានការចូលរួមពីសិស្សានុសិស្សមកពីវិទ្យាល័យ វូ ឌីញ ឡីវ វិទ្យាល័យ ង្វៀង ដាំងនិងនិស្សិតជាង ១០០ នាក់នៃមហាវិទ្យាល័យភាសាបរទេស ព្រមទាំងសាស្រ្តាចារ្យនិងអ្នកស្ម័គ្រចិត្តមកពីសហរដ្ឋអាមេរិក ប្រទេសបារាំង។ ពួកគាត់បានរួមចំណែកក្នុងការរៀបចំនិងអនុវត្តកម្មវិធី Get Together ផ្ទាល់ជាលើកទី ១៦ ដោយមានការសម្តែងយ៉ាងពិសេសបំផុត។
ភាពចម្រុះវប្បធម៌នៃមុខជំនាញភាសាបរទេស កម្មវិធីបាននាំមកនូវការសម្តែងយ៉ាងសម្បូរបែប មានភាសាអង់គ្លេស ចិន និងបារាំង។
ការសម្តែងមិនត្រឹមតែបង្ហាញសមត្ថភាពភាសាបរទេសរបស់និស្សិតប៉ុណ្ណោះ ប៉ុន្តែថែមទាំងនាំឱ្យទស្សនិកជនកាន់តែជិតស្និទ្ធនឹងលក្ខណៈវប្បធម៌នៃបណ្តាប្រទេសទាំងនោះផងដែរ។
ថ្លែងមតិនៅរាត្រីបើកការប្រគំតន្ត្រី សាកលវិទ្យាល័យធិការរងនៃសាកលវិទ្យាល័យត្រាវិញលោកបណ្ឌិត ង្វៀន មិញ ហ្វា មានប្រសាសន៍ថា៖ «រៀងរាល់ឆ្នាំនិស្សិតមហាវិទ្យាល័យភាសាបរទេសតែងតែរៀបចំការប្រគំតន្ត្រី Get Together ដោយមានការគាំទ្រពីសាស្រ្តាចារ្យ និងអ្នកស្ម័គ្រចិត្តមកពីបរទេស។»
ថ្នាក់ដឹកនាំទទួលស្គាល់ពីការខិតខំប្រឹងប្រែងរបស់មនុស្សគ្រប់គ្នានិងជូនពរឱ្យរាត្រីប្រគំតន្ត្រីទទួលបានជោគជ័យ។ លើសពីនេះលោកសូមផ្ញើសារជូនពរដល់សាស្រ្តាចារ្យអ្នកស្ម័គ្រចិត្តនិងនិស្សិតទាំងឡាយទទួលបុណ្យណូអែលសប្បាយរីករាយនិងសូមស្វាគមន៍ឆ្នាំថ្មី ២០២០ ។
ដោយប្រធានបទ « Baby Sharks, no more bags» ឆ្ពោះទៅរកបរិស្ថានរស់នៅពណ៌បៃតងដោយនិយាយថាមិនត្រូវចោលសំរាមប្លាស្ទិក អ្នកស្ម័គ្រចិត្តមកពីសហរដ្ឋអាមេរិកលោក Jim Vaughn បានមានប្រសាសន៍ថា «ខ្ញុំពិតជាពេញចិត្តប្រធានបទនេះប្រកបដោយអត្ថន័យ និងរាល់ឈុតសម្តែងមានលក្ខណៈពិសេស ធ្វើឱ្យទស្សនិកជនជក់ចិត្តជក់អារម្មណ៍ ខ្ញុំពិតជាមានការភ្ញាក់ផ្អើលជាមួយនឹងការសម្តែងរបស់ពួកគេ។»
ឈុតច្រៀងជាក្រុម Rudolph the Red- Nosed Reindeer សម្តែងយ៉ាងពិសេសដោយមានការចូលរួមរបស់ព្រឹទ្ធបុរស - បណ្ឌិតង្វៀន ធី ភឿង ណាម ព្រមទាំងសាស្រ្តាចារ្យ និងអ្នកស្ម័គ្រចិត្តបរទេសជាច្រើននាក់។
យោងតាមអ្នករៀបចំកម្មវិធី៖ ជោគជ័យនៃកម្មវិធីនេះគឺដោយសារតែការខិតខំប្រឹងប្រែងរបស់សិស្សក្នុងការហាត់សមអស់រយៈពេលជាង ៣ ខែនិងទទួលបានការគាំទ្រពីសាស្រ្តាចារ្យនិងអ្នកស្ម័គ្រចិត្តយ៉ាងយកចិត្តទុកដាក់បំផុត។