ត្រាវិញ៖ ជម្រុញក្នុងការទាញយកផលប្រយោជន៍នៃសក្តានុពលសេដ្ឋកិច្ចសមុទ្រ និងអន្តរតំបន់
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 15 មករា 2020
- ចុចដង៖ 616
នាព្រឹកថ្ងៃទី ១៤ ខែមករា ឆ្នាំ ២០២០ នៅត្រាវិញមានរៀបចំសិក្ខាសាលាវិទ្យាសាស្ត្រស្តីពី «ការទាញយកផលប្រយោជន៍នៃសក្តានុពលសេដ្ឋកិច្ចសមុទ្ររបស់ខេត្តត្រាវិញ បង្កើតកម្លាំងចលករអភិវឌ្ឍនៅតំបន់វាលរាបទន្លេគឺវឡុងប្រកបដោយនិរន្តរភាព។» សិក្ខាសាលានេះត្រូវបានរៀបចំឡើងដោយគណៈកម្មាធិការប្រជាជនខេត្តត្រាវិញនិងសាកលវិទ្យាល័យត្រាវិញដើម្បីអបអរសាទរខួបលើកទី ១២០ នៃការបង្កើតខេត្តត្រាវិញ។
អង្គសិក្ខាសាលាបានទាក់ទាញការចូលរួមរបស់ថ្នាក់ដឹកនាំមកពីមជ្ឈិម បណ្តាខេត្ត អ្នកវិទ្យាសាស្ត្រ អ្នកឯកទេស អាជីវករជាង ៤០០ នាក់។ មានបទអន្តរាគមន៍ជាង ៣៦ និងគំនិតស្ថាបនាជាច្រើន ព្រមទាំងស្នើអោយមានគោលនយោបាយ ភារកិច្ច និងដំណោះស្រាយជុំវិញសក្តានុពលនៃការទាញយកផលចំណេញពីសេដ្ឋកិច្ចសមុទ្ររបស់ខេត្តត្រាវិញនិងក្នុងតំបន់នាពេលខាងមុខ។
លោក ឡេ វ៉ាន់ ហាំង អនុប្រធាននៃគណៈកម្មាធិការប្រជាជនខេត្តត្រាវិញមានប្រសាសន៍ថា៖ បច្ចុប្បន្នខេត្តត្រាវិញរក្សាអត្រាកំណើនប្រចាំឆ្នាំនាំមុខនៅតំបន់វាលរាបទន្លេគឺវឡុងដោយមានអត្រាជាមធ្យម ១២.០៦% ជាពិសេសនៅឆ្នាំ ២០១៩ កំណើន GRDP ឈានដល់ ១៤ , ៨៥% ។ គិតមកដល់ពេលនេះ ទំហំសេដ្ឋកិច្ចរបស់ខេត្តមានចំនួន ៥៩.៦៣៦ ពាន់លានដុង, GRDP សម្រាប់មនុស្សម្នាក់គឺ ៥៩,០៩ លានដុង / ម្នាក់ / ឆ្នាំ (ឈរនៅលំដាប់ទី ៣ បន្ទាប់ពីឡុងអាន និងកើងធើ) ។ សេដ្ឋកិច្ចសមុទ្រមានការរីកចម្រើនគួរសមក្នុងវិស័យកសិកម្ម ជលផល ដឹកជញ្ជូន ថាមពលកែច្នៃ ហេដ្ឋារចនាសម្ពន្ធ័ ឧស្សាហកម្មទេសចរណ៍… រហូតមកដល់ពេលនេះ តម្លៃផលិតផលសរុបនៅក្នុងតំបន់ឆ្នេរសមុទ្ររួមចំណែក ៥៩,៧៥% នៃផលិតផលសរុបរបស់ខេត្ត។
លោក ថាច់ ភឿក ប៊ិញ សមាជិករដ្ឋសភាខេត្តត្រាវិញមានប្រសាសន៍ថា៖ ខេត្តត្រាវិញដើរតួនាទីយ៉ាងសំខាន់ជាមជ្ឈមណ្ឌលដោយមានលក្ខណៈអំណោយផលដល់ការអភិវឌ្ឍផ្នែកកំពង់ផែ ដឹកជញ្ជូនទំនិញ ពាណិជ្ជកម្ម សេវាកម្មទេសចរណ៍ និងផ្លាស់ប្តូរវប្បធម៌ជាមួយតំបន់ទាំងអស់នៅក្នុងប្រទេសនិងអន្តរជាតិ។ នេះជាគុណសម្បត្តិមិនមែនគ្រប់ខេត្តទាំងអស់ក្នុងតំបន់ដែលមាននោះទេ។ ជាពិសេសត្រាវិញជាតំបន់មួយក្នុងចំណោមតំបន់ចំនួន ២ ដែលត្រូវបានជ្រើសរើសដោយរដ្ឋាភិបាលដើម្បីបង្កើតតំបន់សេដ្ឋកិច្ច។ នោះគឺជាតំបន់សេដ្ឋកិច្ចឌិញអាន និងក្រុងយ្វៀនហាយ។ នេះជាតំបន់សេដ្ឋកិច្ចឆ្នេរសមុទ្រពហុវិស័យរួមមានឧស្សាហកម្ម - ពាណិជ្ជកម្ម - សេវាកម្ម - ទេសចរណ៍ - ទីប្រជុំជន និងកសិកម្ម - ព្រៃឈើ - នេសាទ។
ទទួលស្គាល់ដោយសត្យានុម័តនៃលក្ខណៈអំណោយផល និងការប្រឈមរបស់ខេត្តត្រាវិញ។ លោកសាស្ត្រាចារ្យ បណ្ឌិត ប៊ូយ អាញ់ ទ្វឹង សាកលវិទ្យាធិការនៃសាកលវិទ្យាល័យពាណិជ្ជកម្មក្រៅប្រទេស បានស្នើឡើងនូវដំណោះស្រាយរួមមាន៖ វិត្ថារូបនីយកម្មនូវសេចក្តីសម្រេចលេខ ៣៦ របស់បក្សស្តីពីការអភិវឌ្ឍសេដ្ឋកិច្ចសមុទ្រ អភិវឌ្ឍថាមពលកកែច្នៃ។ កែលម្អប្រព័ន្ធកំពង់ផែ និងដឹកជញ្ជូនយ៉ាងឆាប់រហ័សដើម្បីអភិវឌ្ឍគម្រោងដែលបានអនុម័ត និងទៅថ្ងៃខាងមុខ។ ជំរុញការផ្សព្វផ្សាយដើម្បីទាក់ទាញវិនិយោគក្នុងការអភិវឌ្ឍតំបន់ឧស្សាហកម្មកំពង់ផែ។ កសាងប្រព័ន្ធផ្គត់ផ្គង់ការនាំចេញគំរូរបស់ខេត្តនិងអនុតំបន់។ វិនិយោគនិងអភិវឌ្ឍធនធានមនុស្ស។ សហការជាមួយបណ្តាខេត្តជិតខាង។ល។
ស្របទៅនឹងគំនិតខាងលើ អ្នកស្រាវជ្រាវជាច្រើនក៏ជឿជាក់ដែរថាត្រាវិញនៅតែមានសក្តានុពលជាច្រើនដែលត្រូវការធ្វើអាជីវកម្ម ជាពិសេសក្នុងការអភិវឌ្ឍវប្បធម៌និងទេសចរណ៍ដោយផ្សារភ្ជាប់ជាមួយការធ្វើអាជីវកម្មសេដ្ឋកិច្ចសមុទ្រក្នុងតំបន់។ ដោយហេតុនេះ ស្នើនូវដំណោះស្រាយជាក់លាក់មួយចំនួនដើម្បីជំរុញការវិនិយោគលើហេដ្ឋារចនាសម្ព័ន្ធទេសចរណ៍សមុទ្រ។ ពង្រឹងការតភ្ជាប់ដើម្បីទាក់ទាញដើមទុនវិនិយោគធ្វើពិពិធកម្មផលិតផលទេសចរណ៍តាមសមុទ្រ និងគោលដៅផលិតផលមានតម្លៃខ្ពស់ជំរុញការបណ្តុះបណ្តាលនិងអភិវឌ្ឍធនធានមនុស្សដែលមានគុណភាពខ្ពស់និងលើកកម្ពស់ការគ្រប់គ្រងប្រកបដោយប្រសិទ្ធភាព។ បន្តសហប្រតិបត្តិការក្នុងវិស័យនានាពង្រីកកិច្ចសហប្រតិបត្តិការក្នុងតំបន់ និងកិច្ចសហប្រតិបត្តិការអន្តរជាតិលើកកម្ពស់សកម្មភាព វិស័យទេសចរណ៍សមុទ្រដោយផ្សារភ្ជាប់នឹងការអភិរក្សធនធានធម្មជាតិនិងបរិស្ថានសមុទ្រ។