ជូនអំណោយដល់និស្សិតកម្ពុជានិងនិស្សិតខ្មែរកំពុងសិក្សានៅសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 19 មេសា 2020
- ចុចដង៖ 596
ព្រឹកថ្ងៃទី ១៦ ខែមេសា សាកលវិទ្យាធិការនៃសាកលវិទ្យាត្រាវិញគឺសាស្ត្រាចារ្យ បណ្ឌិត ផាម ទៀត ខាញ់ បានទៅសួរសុខទុក្ខនិងជូនអំណោយដល់និស្សិតកម្ពុជា និងនិស្សិតខ្មែរដែលកំពុងសិក្សានិងស្នាក់នៅអន្តេវាសិកដ្ឋាននៃសាកលវិទ្យាល័យត្រាវិញ។
ទាយទានមានដូចជាជូនអាំងប៉ាវ អង្ករ មី ជាដើម។ ដោយសារឱកាសបុណ្យចូលឆ្នាំថ្មីប្រពៃណីជាតិស្ថិតក្នុងដំណាក់កាលអនុវត្តនៃការបង្ខាំងនិងធានាគម្លាតសង្គមដើម្បីទប់ស្កាត់ការរីករាយដាលជំងឺកូវីដ១៩។ ហេតុដូច្នោះ សាកលវិទ្យាល័យត្រាវិញមិនរៀបចំកម្មវិធីជួបជុំដូចរៀងរាល់ឆ្នាំ។ ប៉ុន្តែជំនួសមកវិញ គឺថ្នាក់ដឹកនាំសាកលវិទ្យាល័យបានចុះសួរសុខទុក្ខនិងជូនអំណោយដល់ប្អូនៗដែលកំពុងស្នាក់រៀននៅអន្តេវាសិកដ្ឋាន។
ទន្ទឹមនឹងនោះ សាកលវិទ្យាល័យត្រាវិញបានគាងគរសប្បុរសជនឧបត្ថម្ភប្រាក់ចំណាយ និងអំណោយនានា មានតម្លៃឡើងទៅដល់ ៤៥ លានដុងសម្រាប់សិស្សនិងនិស្សិតប្រមាណជិត ១០០ នាក់ ដែលកំពុងស្នាក់នៅអន្តេវាសិកដ្ឋាន។
ព័ត៌មានបន្ថែមដែលបានជ្រាប ក្នុងស្ថានការណ៍ជំងឺរាតត្បាតបច្ចុប្បន្ន សាកលវិទ្យាល័យបានដាក់ចេញវិធានការឧបត្ថម្ភបញ្ចុះតម្លៃសិក្សាដល់និស្សិត។ សាស្ត្រាចារ្យ បណ្ឌិត ផាម ទៀត ខាញ់ សាកលវិទ្យាធិការនៃសាកលវិទ្យាយល័យត្រាវិញថ្លែងថា៖ «និស្សិតមកពីខេត្តនានាជាច្រើននៅទូទាំងប្រទេស ភាគច្រើនគឺនិស្សិតក្រីក្រជំនះឧបសគ្រ និងនិស្សិតជនជាតិខ្មែរ។ ទស្សនៈរបស់សាកលវិទ្យាល័យត្រាវិញគឺប្អូនៗនិស្សិតសុទ្ធសឹងត្រូវការទំនុកបំរុងដើម្បីរួមចំណែកជាមួយអាណាព្យាបាលឆ្លងកាត់នូវឧបសគ្រក្នុងគ្រាជំងឺរាតត្បាតនេះ។ ហេតុដូច្នោះ សាកលវិទ្យាល័យត្រាវិញបានសម្រេចចុះតម្លៃសិក្សា ៣០% សម្រាប់ប្អូនៗ។ ការកាត់បន្ថយនេះនឹងជះឥទ្ធិពលយ៉ាងខ្លាំងដល់ចំណូលនិងសកម្មភាពរបស់សាលា តែយើងខ្ញុំលើកទឹកចិត្តកងជួរបុគ្គលិកថាអ្វីៗសម្រាប់ប្អូនៗនិស្សិត កាត់បន្ថយការចំណាយផ្សេងៗ ចែករំលែកនិងយល់អារម្មណ៍ចំពោះការលំបាករបស់និស្សិតគឺជាកត្តាចាំបាច់ហើយគួរតែអនុវត្តនៅពេលនេះ។»
