នាថ្ងៃទី ២០ ខែកក្កដា មជ្ឈមណ្ឌលសេវាកម្មការងារនៃសាកលវិទ្យាល័យត្រាវិញ បានឲ្យដឹងថាទិវាប្រឹក្សាអាជីពនិងការងារឆ្នាំ ២០២០ ត្រៀមរៀបចំឡើងនៅថ្ងៃទី ២៤ ខែកក្កដា សហគ្រិនត្រូវការជ្រើសរើសបុគ្គលិកជាង ១.០០០ នាក់ដែលជានិស្សិតបញ្ចប់ការសិក្សានៅសាកលវិទ្យាល័យត្រាវិញ និងកម្មករដែលមានចំណាប់អារម្មណ៍។
ចូលរួមក្នុងទិវាពិព័រណ៍ការងារនេះ និស្សិតមានឱកាសស្វែងរកព័ត៌មានការងារ ដាក់ពាក្យសម្ភាសន៍ និងសំណេះសំណាលផ្ទាល់ជាមួយសហគ្រិនមកពីបណ្តាក្រុមហ៊ុនធំៗ ដូចក្រុមហ៊ុន THADI ភាគហ៊ុនផលិតកម្មកែច្នៃនិងចែកចាយ ព្រមទាំងសហគ្រាសជាច្រើននៅក្នុងនីងក្រៅខេត្ត។
យោងតាមប្រសាសន៍របស់បណ្ឌិត ហ្វិញ មី ភឿង នាយកមជ្ឈមណ្ឌលសេវាកម្មការងារនៃសាកលវិទ្យាល័យត្រាវិញបានឱ្យដឹងថា ពិព័រណ៍ការងារឆ្នាំនេះត្រូវបានចែកចេញជាពីរលើកគឺនៅខែកក្កដាដោយផ្តោតលើការជ្រើសរើសនិស្សិតបញ្ចប់ការសិក្សាជំនាញផ្នែក៖ កសិកម្ម ជលវប្បកម្ម វិស្វកម្មនិងបច្ចេកវិទ្យា សេដ្ឋកិច្ច-ច្បាប់ ការិយាល័យរដ្ឋបាល វប្បធម៌-សិល្បៈនិងវប្បធម៌ខ្មែរណាមបូ។ ដំណាក់កាលទី ២ នឹងរៀបចំសម្រាប់ឯកទេសដែលនៅសល់មកក្នុងខែសីហា។
នេះជាកាលានុវត្តន៍សម្រាប់សហគ្រិនសម្ភាសន៍ដោយផ្ទាល់និងវាយតម្លៃសមត្ថភាពបេក្ខជនស្របតាមតម្រូវការរបស់ពួកគេ នាំមកនូវការងារដល់និស្សិតភ្លាមៗក្រោយពេលបញ្ចប់ការសិក្សា។