នវានុវត្តន៍ជាមួយកង់អគ្គិសនីបង្កើតដោយនិស្សិតសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 15 កញ្ញា 2020
- ចុចដង៖ 588
(TVU) - កង់អគ្គិសនី ដ៏ល្អឥតខ្ចោះនិងគួរឱ្យចាប់អារម្មណ៍បំផុតដែលមានម៉ូដែល BMW HP Kunst Hydrogen Concept ត្រូវបានរចនាឡើងដោយនិស្សិតផ្នែកវិស្វកម្មមេកានិកនៅសាកលវិទ្យាល័យត្រាវិញ។
មិត្ត ផាម ឡឹមវូ បានបញ្ចប់ការសិក្សាផ្នែកវិស្វកម្មមេកានិកនៅឆ្នាំ ២០១៩ ដោយចំណាយពេលជាង ៨ ខែ ក្នុងការរចនាកង់អគ្គិសនីដើម្បីបំពេញចំណង់ចំណូលចិត្តរបស់ខ្លួន។
មិត្ត ផាម ឡឹមវូ បាននិយាយថា៖ កង់នេះគឺផ្អែកលើការរចនាគំរូរបស់ BMW HP Kunst Hydrogen Concept ដែលគំនិតនេះត្រូវបានបង្ហាញកាលពីទសវត្សរ៍មុន ដោយនិស្សិតនៅសាលារចនាបារាំងល្បីឈ្មោះមួយគឺ ISD Rubika ។
ប្តាជ្ញាចិត្តអនុវត្តជាក់ស្តែងនូវគំនិតលើក្រដាស
ដោយមានចំណង់ចំណូលចិត្តចំពោះការរចនានិងចំណេះដឹងដែលបានសិក្សាមក មិត្ត ផាម ឡឹមវូ មានការចាប់អារម្មណ៍គំរូកង់អគ្គិសនីដោយមើលឃើញគំរូនេះតាមអ៊ិនធឺណេត។ មិត្ត វូ បានលះបង់ពេលវេលានិងចំណាយដើមទុនជាច្រើនដើម្បីធ្វើឱ្យបានសម្រេចនូវក្តីសុបិននេះ។ យោងទៅតាមមតិ វូ ប្រសិនបើចំណង់ចំណូលចិត្តមាន ផ្សំនឹងការប្តេជ្ញាចិត្ត ព្រមទាំងមានផែនការវិធីសាស្ត្រត្រឹមត្រូវ គង់នឹងទទួលជោគជ័យ។
វូ ចំណាយពេលវេលា ថវិកាពីគ្រួសារនិងសន្សំផ្ទាល់ខ្លួនដើម្បីទិញគ្រឿងបន្លាស់ មករចនា និងដំឡើងគ្រឿងយន្តដោយខ្លួនឯងផ្ទាល់។ លោកបានបញ្ជាក់ថា កង់នេះដំឡើងសម្រេចដោយចំណាយថវិកាអស់ជិត ៣.០០០ ដុល្លារស្មើនឹងជាង ៦០ លានដុង។
ដើម្បីធ្វើបាន វូ ត្រូវសិក្សានិងអានឯកសារជាច្រើននៅលើអ៊ិនធឺណេតរួមជាមួយនឹងចំណេះដឹងផ្នែកមេកានិកដែលបានសិក្សានៅសាលា ជាពិសេសគឺការប្តេជ្ញាចិត្តដើម្បីសម្រេចនូវក្តីសុបិនដែលមាន «ម៉ូដ» គួរឱ្យចាប់អារម្មណ៍នេះ។
អាគុយនិងផលិតភាពល្បឿន ប្រើបានរហូតដល់ ៨០ គីឡូម៉ែត្រ
កង់ដែល វូ បង្កើតបាននេះ ដំណើរការលើម៉ូទ័រអេឡិចត្រិច (ថាមពល ២០០០ វ៉ាត់) ល្បឿនអតិបរមាអាចឡើងដល់ ៨៥ គីឡូម៉ែត្រក្នុងមួយម៉ោង។ លើសពីនេះទៀត អាគុយ lithium-ion អាចជួយឱ្យកង់ធ្វើដំណើរបាន ៨០ គីឡូម៉ែត្រដោយបញ្ចូលពេញម្តង។
ដោយឃើញពីភាពជាក់ស្តែង យើងអាចគូសបញ្ជាក់ថា កង់នេះត្រូវបានរចនាដោយល្អិតល្អន់ មានប៉ារ៉ាម៉ែត្រ គ្រឿងបន្លាស់លំអិតច្បាស់លាស់។
“ នៅពេលដែលខ្ញុំបានឃើញរូបភាពនៃយានយន្តនេះដែលបានចែកចាយនៅលើគេហទំព័រខ្ញុំពិតជាមិនគិតថានេះជាផលិតផលដែលផលិតដោយវិស្វករវៀតណាមទេ វាពិតជាអស្ចារ្យណាស់។ សង្ឃឹមថាមានក្រុមហ៊ុនផលិតណាមួយ "ចាប់អារម្មណ៍" ជាមួយគម្រោងនេះហើយធ្វើពាណិជ្ជកម្មវានៅថ្ងៃណាមួយមិនឆ្ងាយទេនាពេលអនាគត "។ អ្នកសរសេរប្លក់ម្នាក់នៅលើប្រព័ន្ធផ្សព្វផ្សាយសង្គមបានចែករំលែក។
នៅពេលសរសេរអត្ថបទនេះ យើងបានអញ្ជើញមិត្ត វូ ចូលរួមក្នុងការត្រួតពិនិត្យមើលផលិតភាព និងដំណើរការនៃយានយន្តនេះ ដោយរត់សាកល្បងមួយជុំនៃសាកលវិទ្យាល័យត្រាវិញដែលមានចម្ងាយជាង ២០ គីឡូម៉ែត្រ។ លទ្ធផលឃើញថាអាគុយរបស់កង់នៅដដែល ហើយអាចនិយាយបានថា ប្រព័ន្ធអគ្គិសនីសម្រាប់យានយន្តបំពេញបានតម្រូវការជាក់ស្តែង។ ចំណុចមួយគួរឱ្យចាប់អារម្មណ៍នោះគឺ កង់អាចបើកថយក្រោយបាន និងដំណើរការយ៉ាងរលូន អាចបង្កើនល្បឿនដល់ទៅ ៨៥ គីឡូម៉ែត្រក្នុងមួយម៉ោង។
គ្រឿងបន្លាស់នៃយានយន្តដោយមានរចនាយ៉ាងវិចិត្រ