និស្សិតសាកលវិទ្យាល័យត្រាវិញទទួលអាហារូបករណ៍ចំនួន២០ចំណែកពីអង្គការ«ដើម្បីសំឡេងនិងសិទ្ធិរបស់ស្ត្រី»
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 21 កញ្ញា 2020
- ចុចដង៖ 449
(TVU) – ចាប់ពីឆ្នាំ ២០១៥ មកទាល់ពេលបច្ចុប្បន្ន អង្គការ WEAV នៃសហរដ្ឋអាម៉េរិកបានប្រគល់អាហារូបករណ៍ដល់និស្សិតដែលជាស្រីភេទរបស់ TVU។ នេះជាសកម្មភាពមនុស្សធម៌ដែលអនុវត្តជារៀងរាល់ឆ្នាំនៅ TVU និងឆ្នាំនេះជាលើកទី៦ហើយ។ អាហារូបរកណ៍មិនត្រឹមតែមានន័យជាតម្លៃទឹកប្រាក់ប៉ុន្តែវាជាកម្លាំងចលករជំរុញទឹកចិត្តប្អូនៗនិស្សិតស្រីបន្តជំនះនូវឧបសគ្គក្នុងជីវភាពរស់នៅនិងការសិក្សានៅសាកលវិទ្យាល័យ។
ឆ្នាំ ២០២០ WEAV ប្រគល់អាហារូបករណ៍ដល់និស្សិតស្រីចំនួន ២០នាក់ ដែលមានទឹកប្រាក់សរុប ៥០ លានដុង។
អ្នកស្រី ង្វៀន ធី ម៉ាយ ខាញ់ ប្រធានការិយាល័យនៃការបរទេសនិងជំរុញគម្រោងការ TVU មានសេចក្តីរីករាយនិងថ្លែងអំណរគុណដល់អង្គការ WEAV និងលោកបណ្ឌិត Lois Testa Vietri ដែលជាស្ថាបនិកនិងជានាយកប្រតិបត្តិនៃ WEAV នៅសហរដ្ឋអាម៉េរិក ព្រោះតែជំងឺ Covid-19 លោកមិនបានមកចូលរួមក្នុងពិធីប្រគល់អាហារូបករណ៍ឆ្នាំនេះ។
តំណាងអង្គការ WEAV លោកKenneth Liffiton ចែករំលែកបន្ថែមអំពីកម្មវិធីអាហារូបករណ៍នេះ។ លោកមានប្រសាសន៍ថា «កម្មវិធីនេះមានគោលបំណងផ្តល់សិទ្ធិដល់ស្ត្រីវៀតណាម ជាពិសេសនិស្សិតស្រីដែលាពួកគេអាចមានសំឡេងក្នុងសង្គម ដើម្បីជួយបង្កើនជីវភាពគ្រួសារនិងវិបុលភាព។» លោក Kenneth បានបន្ថែមថា «អង្គការ WEAV នឹងបន្តអភិវឌ្ឍកម្មវិធីនេះនិងរក្សាទំនាក់ទំនងជិតស្និទ្ធជាមួយសាកលវិទ្យាល័យត្រាវិញ។»
តំណាងនិស្សិតទាំង ២០នាក់ ប្អូនស្រី កឿង ធី ធូថាវ និស្សិតភាសាអង់គ្លេស ២០១៧ បានថ្លែងអំណរគុណយ៉ាងជ្រាលជ្រៅចំពោះការយកចិត្តទុកដាក់របស់ TVU និងការជំនួយពីអង្គការ WEAV ដែលបានឧបត្ថម្ភអាហារូបករណ៍ដល់និស្សិតស្រីយើងខ្ញុំ។ នេះជាការលើកទឹកចិត្តយ៉ាងធំធេងឱ្យពួកខ្ញុំខិតខំរៀនសូត្រ។