សាកលវិទ្យាល័យត្រាវិញរីករាយស្វាគមន៍និស្សិតថ្មីឆ្នាំ២០២០
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 22 តុលា 2020
- ចុចដង៖ 388
រាត្រីថ្ងៃទី ១៥ ខែតុលា នៅមហាសាលសហសិក្សាD៥ សាកលវិទ្យាល័យត្រាវិញ បានរៀបចំឡើងនូវកម្មវិធីប្រគំតន្ត្រីស្វាគមន៍និស្សិតថ្មីឆ្នាំ២០២០ ក្នុងបរិយាកាសរីករាយស្និទ្ធស្នាល ដែលមាននិស្សិតថ្មីចូលរួមយ៉ាងកុះករជាង ១០០០ នាក់ និងមានវត្តមានរបស់លោកបណ្ឌិត ង្វៀន មិញហ្វា ដែលជាសាកលវិទ្យាធិការរងនៃសាកលវិទ្យាល័យត្រាវិញអញ្ជើញចូលរួមនិងមានប្រសាសន៍ជនពរ។
កម្មវិធីនេះបានប្រព្រឹត្តទៅប្រកបដោយភាពរំភើបរីករាយជាមួយនឹងសកម្មភាព ច្រៀងរាំ របាំ ផ្លាស់ប្តូរវប្បធម៌ ល្បែងកម្សាន្ត ឆ្លើយសំនួរទទួលរង្វាន់ សំណេះសំណាលពិគ្រោះយោបល់ជាមួយសាស្ត្រាចារ្យ និងអ្នកដឹកនាំនៃមហាវិទ្យាល័យចំណុះ។
ក្នុងឱកាសនេះ លោកបណ្ឌិត ង្វៀន មិញហ្វា បានអបអរសាទរដល់និស្សិតថ្មីដែលបានប្រឡងជាប់មធ្យមសិក្សាទុតិយភូមិដោយជោគជ័យ និងបានចុះឈ្មោះចូលរៀនជាផ្លូវការនៅសាកលវិទ្យាល័យត្រាវិញ។ ទន្ទឹមនឹងនោះ លោកបណ្ឌិតថ្លែងសារជនពរដល់និស្សិតទាំងឡាយ មានរាត្រីប្រគំតន្ត្រីដ៏មានន័យជាទីបំផុត។
និស្សិត ដង វៀតហាជានិស្សិតថ្មីសិក្សាជំនាញព័ត៌មានវិទ្យាឆ្នាំ២០២០ មានចំណាប់អារម្មណ៍ថា៖ ការប្រគំតន្រ្តីពិតជារំភើបរីករាយ និងជំរុញទឹកចិត្តសម្រាប់និស្សិតយើងខ្ញុំ ផ្តើមឆ្នាំសិក្សាថ្មីពោរពេញដោយថាមពល ស្រឡាញ់ការសិក្សានិងលត់ដំបំណិនស្រាវជ្រាវ។
ក្នុងឱកាសនេះដែរ សមាគមនិស្សិតនៃសាកលវិទ្យាល័យត្រាវិញបានប្រគល់រង្វាន់អំពីការរចនាsticker zalo រួមមានរង្វាន់លេខមួយ ១ រង្វាន់ លេខពីរ ១ រង្វាន់ លេខបី ១ រង្វាន់ និងរង្វាន់លើកទឹកចិត្តចំនួន ៤ រង្វាន់ដល់និស្សិតដែលមានស្នាដៃឆ្នើម។