តាំងពិព័រណ៍ផែនទីនិងការបង្ហាញឯកសារ៖ «ហ្វាងសា, ទ្រឿងសារបស់វៀតណាម - ភ័ស្តុតាងប្រវត្តិសាស្ត្រនិងនីតិសាស្ត្រ»
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 22 តុលា 2020
- ចុចដង៖ 482
នាព្រឹកថ្ងៃទី ១៩ ខែតុលា នៅសាកលវិទ្យាល័យត្រាវិញមានការតាំងពិព័រណ៍ផែនទីនិងបង្ហាញឯកសារ៖ «ហ្វាងសា, ទ្រឿងសារបស់វៀតណាម - ភ័ស្តុតាងប្រវត្តិសាស្ត្រនិងនីតិសាស្ត្រ»។ កម្មវិធីនេះត្រូវបានរៀបចំរួមគ្នាដោយនាយកដ្ឋានព័ត៌មានមូលដ្ឋានចំណុះក្រសួងព័ត៌មាននិងទំនាក់ទំនង។
កម្មវិធីត្រូវបានប្រារព្ធឡើងនៅសាកលវិទ្យាល័យត្រាវិញ ដែលមានការចូលរួមពីថ្នាក់ដឹកនាំនៃនាយកដ្ឋានព័ត៌មានមូលដ្ឋានចំណុះក្រសួងព័ត៌មាននិងទំនាក់ទំនង ថ្នាក់ដឹកនាំមន្ទីរព័ត៌មានត្រាវិញ ថ្នាក់ដឹកនាំសាកលវិទ្យាល័យត្រាវិញ អង្គភាពពាក់ព័ន្ធមួយចំនួន ព្រមទាំងនិស្សិតជាង ១០០០ នាក់។
ថ្លែងកថាបើកនៃកម្មវិធីតាំងពិព័រណ៍ អ្នកស្រីត្រឹន ធី ក្វួកហៀន នាយិការងនៃនាយកដ្ឋានព័ត៌មានមូលដ្ឋាននៃក្រសួងព័ត៌មាននិងទំនាក់ទំនង មានប្រសាសន៍ថា៖ សមុទ្រនិងកោះគឺជា«សាច់ឈាម»ដែលមិនអាចកាត់ផ្តាច់ចេញពីមាតុភូមិវៀតណាមរបស់យើងបានឡើយ។ សមុទ្រនិងកោះមានតួនាទីយ៉ាងសំខាន់ក្នុងដំណើរការកសាងនិងការពារប្រទេសក៏ដូចជាការអភិវឌ្ឍន៍សេដ្ឋកិច្ចនិងសន្តិសុខជាតិ។ល។
មនសិការនិងការយល់ដឹងអំពីសក្តានុពល គុណសម្បត្តិនិងយុទ្ធសាស្ត្រនៃសមុទ្រនិងកោះរបស់វៀតណាម មានឥទ្ធិពលយ៉ាងខ្លាំងដល់បុព្វហេតុការពារសិទ្ធិនិងផលប្រយោជន៍របស់វៀតណាមនៅសមុទ្រខាងកើតលើការអភិវឌ្ឍសេដ្ឋកិច្ចប្រកបដោយចីរភាព។
ការណែនាំនិងផ្សព្វផ្សាយឯកសារភ័ស្តុតាងប្រវត្តិសាស្រ្តនិងនីតិសាស្ត្របញ្ជាក់អធិបតេយ្យភាពរបស់វៀតណាមចំពោះប្រជុំកោះទាំងពីរគឺ ហ្វាងសា និង ទ្រឿងសា តាមរយៈការតាំងពិព័រណ៌ផែនទីនិងបង្ហាញឯកសារ «ហ្វាងសា និងទ្រឿងសា - ភ័ស្តុតាងប្រវត្តិសាស្ត្រនិងនីតិសាស្ត្រ» ដែលរៀបចំឡើងនៅទីនេះជាសកម្មភាពមួយយ៉ាងសំខាន់ ផ្តល់ព័ត៌មាននិងការផ្សព្វផ្សាយទូលំទូលាយដល់សាស្ត្រាចារ្យនិងនិស្សិតនៅសាកលវិទ្យាល័យត្រាវិញ ក្នុងគោលបំណងអប់រំឱ្យមានសេចក្តីស្រឡាញ់ចំពោះមាតុភូមិនិងប្រទេស បង្កើនការយល់ដឹង ការទទួលខុសត្រូវនិងសកម្មភាពរបស់សាស្រ្តាចារ្យនិងនិស្សិតសម្រាប់បុព្វហេតុនៃការកសាងនិងការពារជាតិ។
ការតាំងពិព័រណ៍នេះ បានប្រព្រឹត្តទៅចាប់ពីថ្ងៃទី ១៩ ដល់ថ្ងៃទី ២១ ខែតុលាដោយមានសំណុំឯកសាររូបភាពឯកសារឌីជីថលជាង ១៥០ ឈុតស្តីពី «ហ្វាងសា, ទ្រឿងសា - ភ័ស្តុតាងប្រវត្តិសាស្ត្រ” នៃប្រជុំកោះទាំងពីរនេះជារបស់វៀតណាមដើម្បីភ្ញៀវទេសចរទស្សនា។
ការតាំងពិព័រណ៍រួមមានក្រុមឯកសារគំនូរ «ប្រវត្តិសាស្ត្រវៀតណាម» ឯកសារសរសេររបស់រាជវង្សវៀតណាមឯកសារបុរាណនិងគន្ថនិទ្ទេសបង្ហាញយ៉ាងច្បាស់ថារាជវង្សវៀតណាមបានប្រារព្ធធ្វើជាប្រចាំនូវសកម្មភាពស្រាវជ្រាវស្វែងយល់ កសាងសមិទ្ធផល បញ្ជាក់អធិបតេយ្យភាពលើប្រជុំកោះទាំងពីរគឺ ហ្វាងសា និងទ្រឿងសា។ល។
ឯកសារមួយចំនួន វត្ថុបុរាណនិងរូបភាពទាក់ទងនឹងដំណើរការតស៊ូការពារអធិបតេយ្យភាពលើសមុទ្រនិងកោះក្នុងប្រវត្តិសាស្ត្រ។ ជាពិសេសការបង្ហាញឌីជីថល 3D ដោយប្រើបច្ចេកវិទ្យាព័ត៌មានទំនើបលើកុំព្យូទ័របន្ទះ។
