គំរូហាងកាហ្វេអង់គ្លេសនិស្សិត
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 05 មករា 2021
- ចុចដង៖ 480
English Innovative Coffee (EIC Shop) គឺជាឈ្មោះនៃគំនិតផ្តួចផ្តើមមួយរបស់ក្រុមនិស្សិតមកពីសាកលវិទ្យាល័យត្រាវិញ។ EIC ជាហាងកាហ្វេដែលរួមផ្សំការបណ្តុះបណ្តាលភាសាអង់គ្លេសផ្សារភ្ជាប់នឹងលក់ភេសជ្ជៈ ដែលជាគំរូដ៏មានប្រយោជន៍នៃសហគមន៍ក្នុងការលើកកម្ពស់សមត្ថភាពនិយាយភាសាអង់គ្លេសសម្រាប់«អតិថិជន»។
EIC បង្កើតឡើងដោយក្រុមនិស្សិតរួមមាន មិត្តយឿង ធី មីក្វៀង ជាប្រធានក្រុម ព្រមទាំងសមាជិក ង្វៀនយឿងខាញ់ ហ្វិញង៉ុកលីញ សិក្សាមុខជំនាញភាសាអង់គ្លេសឆ្នាំ ២០១៧ និងមិត្តត្រឹង ក្វួកហ្វី សិក្សាមុខជំនាញព័ត៌មានវិទ្យាឆ្នាំ ២០១៨ ។
ប្រធានក្រុម មីក្វៀង ថ្លែងឱ្យដឹងថា EIC ជាគំរូផ្តួចផ្តើមអាជីវកម្មមួយដែលរួមផ្សំនូវការលត់ដំបំណិនភាសាអង់គ្លេសនិងធ្វើអាជីវកម្មកាហ្វេ។ វាជាទីកន្លែងមួយសម្រាប់បំប៉នបំណិនភាសាអង់គ្លេស។ EIC នឹងដំណើរការក្រោមយន្តការ «ទឹកចិត្ត - គុណភាព - សមត្ថភាព» ដែលមានន័យថាការបង្រៀនប្រកបដោយទឹកចិត្ត មានគុណភាពនិងបង្កើនសមត្ថភាពអនុវត្តភាសាអង់គ្លេស។
EIC ដំណើរការលក់កាហ្វេទន្ទឹមនឹងបង្រៀនភាសាអង់គ្លេស ដោយមានកាលវិភាគច្បាស់លាស់។ មានការរៀបចំពេលវេលាសមស្របទៅតាមម៉ោងកំណត់និងម៉ោងដាក់ពាក្យតាមតម្រូវការ។ លោកង្វៀន យឿងខាញ់ សមាជិកក្រុមស្រាវជ្រាវបានបញ្ជាក់ថា EIC ផ្តល់ភាពកក់ក្តៅនិងបទពិសោធន៍ថ្មីដល់អតិថិជនដែលចូលចិត្តនិយាយភាសាបរទេស បន្ថែមពីនោះគឺបង្កើនបំណិនទំនាក់ទំនងសម្រាប់អតិថិជន។
«ទីនេះក៏ជាកន្លែងបង្កើតឱកាសការងារក្រៅម៉ោងសម្រាប់សិស្សនិស្សិត និងជាបរិយាកាសជាក់ស្តែងសម្រាប់និស្សិតអនុវត្តបំណិនភាសាអង់គ្លេសដើម្បីអភិវឌ្ឍខ្លួនឯង។ មិនត្រឹមតែធ្វើអាជីវកម្មប៉ុណ្ណោះទេ តែ EIC ក៏មានគោលបំណងចូលរួមសកម្មភាពស្ម័គ្រចិត្ត និងជូនសារ «Start a new life with English» ដើម្បីផ្សព្វផ្សាយនិងលើកស្ទួយដល់អតិថិជនដែលជួបការលំបាកតែមានបំណងរៀនភាសាអង់គ្លេសដោយមិនគិតថ្លៃ។ នេះជាប្រសាសន៍របស់មិត្ត ហ្វិញ ង៉ុក លីញ សមាជិកម្នាក់របស់ ECI។
សមាជិក ECI មានប្រើបច្ចេកវិទ្យាក្នុងការគ្រប់គ្រងនិងចែកចាយផលិតផល។ ប្រើប្រាស់កម្មវិធីក្នុងការលក់និងទិញ រក្សាពិន្ទុ ទទួលរង្វាន់ និងអតិថិជនអាចវាយតម្លៃភេសជ្ជៈឬផ្តល់យោបល់ផងដែរ។
ECI បង្កើតបានភាពខុសគ្នារវាងហាងកាហ្វេដទៃនៅខេត្តត្រាវិញ។ ដោយគំនិតផ្តួចផ្តើមនេះ វាជាកន្លែងជួបជុំមួយសម្រាប់និស្សិតដែលមានចំណង់ចំណូលចិត្តនិយាយភាសាអង់គ្លេសដូចគ្នា។
