សាកលវិទ្យាល័យត្រាវិញជូនអំណោយ និងសម្ភារៈប្រើប្រាស់ចាំបាច់ដើម្បីជួយដល់ប្រជាជនដែលកំពុងរស់នៅក្នុងតំបន់ត្រូវបិទខ្ទប់ និងធ្វើចត្តាឡីស័កដោយសារផលប៉ះពាល់ពីការរីករាលដាលនៃជំងឺ covid-19
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 17 សីហា 2021
- ចុចដង៖ 465
ចាប់ពីថ្ងៃទី១៣ ដល់ថ្ងៃទី១៦ ខែសីហា សាកលវិទ្យាល័យត្រាវិញបានបង្កើតគណៈប្រតិភូដើម្បីទៅសួរសុខទុក្ខ និងចែកអំណោយជាសម្ភារៈប្រើប្រាស់ចាំបាច់ចំនួន ៣១០ ដល់ប្រជាជនដែលកំពុងរស់នៅក្នុងតំបន់ត្រូវបិទខ្ទប់ និងធ្វើចត្តាឡីស័កដោយសារផលប៉ះពាល់ពីការរីករាលដាលនៃជំងឺកូវីដ-១៩ នៅក្នុងស្រុកថ្កូវ ស្រុកយ្វៀនហាយ ស្រុកកូវកែនិង និងសង្កាត់ចំនួន០៣ នៃទីក្រុងត្រាវិញ។
លោកស្រី Quach Thi Vu Hue ប្រធានសហជីពមូលដ្ឋាននៃសាកលវិទ្យាល័យត្រាវិញបាន ឲ្យដឹងថា ចំនួនអំណោយដែលបានផ្តល់ជូនក្នុងលើកនេះមានតម្លៃជាង ៨៥លានដុង ហើយថវិកានេះជាការរួមវិភាគទានពីបុគ្គលិក សមាជិកសហជីព និងអ្នកធ្វើការដែលកំពុងបំពេញការងារនៅសាកលវិទ្យាល័យត្រាវិញ។
អំណោយចំនួន ២៤០ ត្រូវបានផ្តល់ជូនគ្រួសារដែលជួបការលំបាកហើយដែលកំពុងរស់នៅក្នុងតំបន់ត្រូវបិទខ្ទប់ និងធ្វើចត្តាឡីស័កដោយសារផលប៉ះពាល់ពីការរីករាលដាលនៃជំងឺកូវីដ-១៩ នៅក្នុងស្រុកចំនួន០៣របស់ខេត្តត្រាវិញ។ ព្រមទាំងផ្ដល់ជូនសម្ភារៈប្រើប្រាស់ចាំបាច់ចំនួន ៧០ ដល់ប្រជាជនក្រីក្រនិងជួបការលំបាកក្នុងសង្កាត់ចំនួន០៣ របស់ទីក្រុងត្រាវិញ។ ក្នុងពេលជាមួយគ្នានេះផងដែរ សាកលវិទ្យាល័យត្រាវិញក៏បានផ្តល់អំណោយចំនួន ០៨ ជូនដល់វេជ្ជបណ្ឌិត និងអ្នកជំងឺនៅមន្ទីរពេទ្យបណ្ដោះអាសន្នចំនួន ០៧ និងមណ្ឌលចត្តាឡីស័កនៃខេត្តត្រាវិញផងដែរ។
ប្រគល់អំណោយជូនថ្នាក់ដឹកនាំនៃគណៈកម្មាធិការប្រជាជនឃុំថាញ់សឺន ស្រុកថ្កូវ
ប្រគល់អំណោយជូនមន្ទីរពេទ្យបណ្ដោះអាសន្នចំនួន០៧ និងមណ្ឌលចត្តាឡីស័កនៃខេត្តត្រាវិញ
សកម្មភាពទាំងនេះគឺជាសកម្មភាពដ៏មានអត្ថន័យរបស់សាកលវិទ្យាល័យត្រាវិញក្នុងគោលបំណងជួយឱ្យមូលដ្ឋានមានធនធានកាន់តែច្រើនថែមទៀត ប្រឈមមុខនឹងស្ថានភាពកាន់តែស្មុគស្មាញនៃការរីករាលដាលនៃជំងឺកូវីដ-១៩ ។
ប្រែដោយ៖ Se Ha
