គិតចាប់ពីថ្ងៃទី៣០ ខែកក្កដាឆ្នាំ២០២១ មានសាស្ត្រាចារ្យចំនួន ០៩ នាក់ និងនិស្សិតស្ម័គ្រចិត្តចំនួន ៥៤ នាក់មកពីមហាវិទ្យាល័យវេជ្ជសាស្ត្រ-ឱសថសាស្ត្រ និងមហាវិទ្យាល័យទន្ដវទនសាស្ត្រនៃសាកលវិទ្យាល័យត្រាវិញបានស្ម័គ្រចិត្តចូលរួមជួរមុខក្នុងការប្រយុទ្ធប្រឆាំងនឹងការរីករាលដាលនៃជំងឺកូវីដ-១៩នៅមន្ទីរពេទ្យបណ្ដោះអាសន្នលេខ១ និង លេខ២ និងនៅតាមមជ្ឈមណ្ឌលសុខាភិបាលស្រុក និងខេត្តត្រាវិញជាមួយនឹងការប្តេជ្ញាចិត្តរួមគ្នាដើម្បីប្រយុទ្ធប្រឆាំងនឹងការរីករាលដាលនៃជំងឺកូវីដ-១៩។
ក្នុងការជួយឧបត្ថម្ភលើកនេះ ក្រុមសាស្ត្រាចារ្យនឹងជួយឧបត្ថម្ភនៅមន្ទីរពេទ្យបណ្តោះអាសន្នលេខ១ (មន្ទីរពេទ្យរបេងខេត្តត្រាវិញ) និងមន្ទីរពេទ្យណ្តោះអាសន្នលេខ២ (មជ្ឈមណ្ឌលសុខាភិបាលស្រុកចូវថាញ់) រីឯក្រុមនិស្សិតវិញគឺជួយឧបត្ថម្ភនៅតាមមជ្ឈមណ្ឌលសុខាភិបាលស្រុកនានាក្នុងខេត្ត។
អ្នកស្ម័គ្រចិត្តទាំងអស់នេះត្រូវបានពិនិត្យ និងធ្វើតេស្តវីរុស SARS-CoV-2 និងបានទទួលការបណ្តុះបណ្តាលអំពីជំនាញសុវត្ថិភាព វិធានការ 5K និងចំណេះដឹងក្នុងការបង្ការជំងឺកូវីដ-១៩ ក៏ដូចជាការថែទាំអ្នកដែលផ្ទុកជំងឺកូវីដ-១៩ ដែលកំពុងទទួលការព្យាបាលនៅមន្ទីរពេទ្យបណ្តោះអាសន្ននានា។
ចាប់ពីថ្ងៃទី៥ ដល់ថ្ងៃទី៧ ខែសីហា ឆ្នាំ២០២១ មន្ទីរពេទ្យនៃសាកលវិទ្យាល័យត្រាវិញបានសហការជាមួយមជ្ឈមណ្ឌលសុខាភិបាលក្រុងត្រាវិញដើម្បី ផ្ដល់ជំនួយអំពីសម្ភារៈ និងបុគ្គលិកក្នុងការចាក់វ៉ាក់សាំងបង្ការជំងឺកូវីដ-១៩ ដល់កម្មាភិបាល និងបុគ្គលិកដែលធ្វើការនៅតាមទីភ្នាក់ងាររដ្ឋបាល និងអង្គភាពនានានៅខេត្តត្រាវិញ។
ហើយនៅក្នុងខែកក្កដា និងខែសីហា ឆ្នាំ២០២១ នេះផងដែរ បុគ្គលិក និងសាស្រ្តាចារ្យរបស់សាលាបានចូលរួមវិភាគទានជិត ២០០ លានដុងដើម្បីឧបត្ថម្ភដល់កិច្ចការប្រយុទ្ធប្រឆាំងនឹងជំងឺកូវីដ-១៩ និងកំពុងបន្តរួមវិភាគទានសម្រាប់ឧបត្ថម្ភបន្តទៀត។ លើកនេះផងដែរសាកលវិទ្យាល័យត្រាវិញបានឧបត្ថម្ភអង្ករចំនួន ០១ តោន និងបន្លែចំនួន ៥០០ គីឡូក្រាមសម្រាប់ប្រជាជននៅទីក្រុងហូជីមិញផងដែរ។
គ្រូបង្រៀន និងនិស្សិតនៃសាកលវិទ្យាល័យត្រាវិញសហការជាមួយសម្ព័ន្ធសហករណ៍ខេត្តត្រាវិញដើម្បីជួយទិញមៀនពីប្រជាកសិករនៅស្រុកកូវកែខេត្តត្រាវិញចំនួន ៥២.៤៤៥ គីឡូក្រាម
ចាប់ពីថ្ងៃទី១២ ខែកក្កដា ឆ្នាំ២០២១ រហូតមកដល់បច្ចុប្បន្ន គ្រូបង្រៀននិងនិស្សិតនៃមហាវិទ្យាល័យគ្រប់គ្រងកិច្ចការរដ្ឋបាលនិងការិយាល័យនៃសាកលវិទ្យាល័យត្រាវិញព្រមទាំងអ្នកស្ម័គ្រចិត្តបានផ្តល់អាហារដោយឥតគិតថ្លៃជាង ២៤.០០០ចំណែកដល់អ្នកជំងឺ មនុស្សចាស់ មាមីង បងប្អូន អ្នកលក់ឆ្នោត អ្នកប្រចាំការត្រួតពិនិត្យតាមកុងត្រូល និងអ្នកប្រចាំការនៅមណ្ឌលចត្តាឡីស័ក និងកម្មករ ពលករជាដើម ក្នុងគោលបំណងរួមចំណែកក្នុងការផ្សព្វផ្សាយនូវសេចក្ដីស្រឡាញ់រាប់អានគ្នាក្នុងគ្រាដែលស្ថានភាពនៃការរីករាលដាលដ៏ស្មុគស្មាញនៃជំងឺកូវីដ-១៩។
បុគ្គលិក សាស្ត្រាចារ្យ និងសប្បុរសជនទាំងឡាយបានឧបត្ថម្ភទឹកដោះគោចំនួន ៥ម៉ឺនប្រអប់ដល់កុមារដែលឋិតនៅក្នុងតំបន់ដែលរងផលប៉ះពាល់នៃជំងឺកូវីដ-១៩ ទូទាំងខេត្តត្រាវិញ។
ប្រែសម្រួលដោយ៖ Seha Thach