(TVU) - យោងតាមព័ត៌មានពីថ្នាក់ដឹកនាំមហាវិទ្យាល័យសេដ្ឋកិច្ច និងនីតិសាស្ត្រនៃសាកលវិទ្យាល័យត្រាវិញ និងក្រុមហ៊ុនភាគហ៊ុនដំណោះស្រាយខ្សែសង្វាក់ផ្គត់ផ្គង់ Smartlog បានចុះហត្ថលេខាលើអនុស្សរណៈ អនុវត្តលើកម្មវិធីធ្វើត្រាប់តាមដោយភាពជាក់ស្ដែងសម្រាប់និស្សិតដែលសិក្សាមុខជំនាញគ្រប់គ្រងសេវាកម្ម Logistics បានប្រព្រឹត្តឡើងចុង ខែសីហា នាពេលកន្លងមក។
ដូច្នោះហើយ និស្សិតដែលសិក្សាមុខជំនាញគ្រប់គ្រងសេវាកម្ម Logistics នៃសាកលវិទ្យាល័យត្រាវិញ ត្រូវបានខិតជិតយ៉ាងពេញលេញ និងអនុវត្តដំណោះស្រាយធ្វើត្រាប់តាមផ្នែកទាំងពីរអំពីការគ្រប់គ្រងដឹកជញ្ជូន (STM) និងការគ្រប់គ្រងឃ្លាំងទំនិញ(SWM) របស់ Smartlog។
ផ្នែកទាំងពីរនៃដំណោះស្រាយធ្វើត្រាប់តាមអំពីការគ្រប់គ្រងដឹកជញ្ជូន (STM) និងការគ្រប់គ្រងឃ្លាំងទំនិញ(SWM) របស់ Smartlog សម្រាប់និស្សិតនៃសាកលវិទ្យាល័យត្រាវិញ កំពុងតែបានប្រើប្រាស់អាស្រ័យបណ្ដាសហគ្រាសធំៗនៅវៀតណាម ដែលមាននៅក្នុងបណ្តាផ្នែកទំនិញប្រើប្រាស់រហ័ស មានជាអាទិ៍៖ ម្ហូបអាហារ (F&B) ឱសថ (Pharmacy) សារធាតុគីមី (chemical) អេឡិចត្រូនិក (Electronic) វាយនភ័ណ្ឌ (Garment) ជាដើម។ ពេលអនុវត្តដំណោះស្រាយផ្នែកទាំងពីរនេះ និស្សិតនឹងបានធ្វើការប្រើប្រាស់កម្មវិធីដោយភាពជាក់សែ្ដង ផ្អែកទៅលើរាល់កាលៈទេសៈធ្វើត្រាប់តាមយ៉ាងសម្បូរបែបដែលគ្រូបានដាក់ចេញ ចាប់ផ្ដើមអនុវត្តនូវរាល់ការជំនាញ និងរាយការណ៍លទ្ធផលភ្លាមៗលើកម្មវិធី។
បណ្ឌិត សាស្រ្ដាចារ្យរង Diep Thanh Tung ព្រឹទ្ធបុរសនៃមហាវិទ្យាល័យសេដ្ឋកិច្ច និងនីតិសាស្ត្រ បានឱ្យដឹងថា៖ ការប្រើប្រាស់កម្មវិធីធ្វើត្រាប់តាមដោយភាពជាក់ស្ដែងនេះ គឺផ្ដោតទៅលើសមត្ថភាពអនុវត្តរបស់និស្សិតដែលសិក្សាផ្នែកសេដ្ឋកិច្ច និងមុខជំនាញគ្រប់គ្រងសេវាកម្ម Logistics ។ ទន្ទឹមនឹងនោះ សាកលវិទ្យាល័យត្រាវិញ បានអនុវត្តសកម្មភាពសហប្រតិបត្តិការជាមួយអង្គការនានាជាច្រើន និងសហគ្រាសដែលបានចូលរួមក្នុងរយៈពេលបណ្ដុះបណ្ដាលរួមមាន៖ តំណាងសាលាចូលរួមក្នុងនាមជាសមាជិក នៃគណៈកម្មការត្រួតពិនិត្យសមាគមអភិវឌ្ឍន៍ធនធានមនុស្ស Logistics ក្នុងវៀតណាម និងអនុវត្តចុះហត្ថលេខាលើកិច្ចព្រមព្រៀងជាច្រើនដែលបានបណ្ដុះបណ្ដាលតាមទម្រង់ Co-op ដើម្បីឱ្យនិស្សិតបានធ្វើការងារក្នុងបណ្ដាសហគ្រាសភ្លាមៗដែលឋិតក្នុងរយៈពេលកំពុងបណ្ដុះបណ្ដាល ។
បានដឹងថា Smartlog Academy គឺជាអង្គភាពមួយដែលឈានមុខ ក្នុងការបណ្ដុះបណ្ដាល និងអភិវឌ្ឍន៍ចំណេះដឹងជាមូលដ្ឋានអំពី Logistics និងខ្សែសង្វាក់ផ្គត់ផ្គង់។ ទន្ទឹមនឹងនោះ បានអនុវត្តរាល់កម្មវិធី Logistics ដែលបានផ្គត់ផ្គង់ដោយក្រុមហ៊ុន Smartlog ដើម្បីផ្ដល់ឱ្យអ្នកសិក្សាមាននូវចំណេះដឹងពីមូលដ្ឋានដល់ការធ្វើត្រប់តាមនូវសកម្មភាពយ៉ាងជាក់ស្ដែង។ ចាប់តាំងពីនោះមក ជួយឱ្យរយៈពេល បណ្តុះបណ្តាលក្លាយជាស្តង់ដារវិជ្ជាជីវៈនិងអនុវត្តបាន។
ដំណោះស្រាយគ្រប់គ្រងដឹកជញ្ជូន (STM, Smartlog Transport Management System) គឺជាលទ្ធផលដែលបាន Smartlog អភិវឌ្ឍន៍ ដើម្បីត្រួតពិនិត្យ តាមដានគ្រប់គ្រងសកម្មភាពដឹងជញ្ជូន ជំនួយដល់ប្រតិបត្តិករមានភាពងាយស្រួលជាង និងកាត់បន្ថយនូវកំហុស។ ដំណោះស្រាយគ្រប់គ្រងឃ្លាំងទំនិញ (SWM, Smartlog Warehouse Management System) គឺកម្មវិធីដ៏វៃឆ្លាត ដើម្បីបង្កើនដំណើរការរបស់ឃ្លាំងទំនិញប្រកបដោយប្រសិទ្ធភាព និងមជ្ឈមណ្ឌលចែកចាយធ្វើការត្រួតពិនិត្យតាមដានដំណើរការមានភាពងាយស្រួល និងកាត់បន្ថយនូវកំហុស។
រយៈពេលកន្លងមកនេះ សាកលវិទ្យាល័យត្រាវិញបានអនុវត្តនូវកម្មវិធីសិក្សាជាច្រើនតាមទម្រង់ Co-op ក្នុងនោះ ផ្នែកសេដ្ឋកិច្ចដែលមានមុខជំនាញគ្រប់គ្រងសេវាកម្ម Logistics គឺជំនាញថ្មីមួយដែលកំពុងបានអនុវត្តតាមទម្រង់នេះ។ ហើយនេះក៏ជាកម្មវិធីមួយដែលបានតភ្ជាប់ការបណ្ដុះបណ្ដាលជាមួយបណ្ដាសហគ្រាសធំៗក្នុងមុខជំនេញ ហើយក្នុង១/៣ នៃពេលវេលាបណ្ដុះបណ្ដាលអាចឱ្យនិស្សិតធ្វើការនៅតាមបណ្ដាសហគ្រាសដូចបុគ្គលិកហាត់ការ ប្រការនេះនឹងជួយឱ្យនិស្សិតទទួលបានលទ្ធផលល្អក្នុងជំនាញវិជ្ជាជីវៈដោយជាក់ស្ដែងនៅទីកន្លែងដែលកំពុងធ្វើការ ទន្ទឹមនោះផងដែរ នឹងលើកកម្ពស់នូវឱកាសការងារសម្រាប់និស្សិតបន្ទាប់ពីបញ្ចប់ការសិក្សា។
មុខជំនាញគ្រប់គ្រងសេវាកម្ម Logistics (តាមទម្រង់ Co-op) ជាមួយមុខជំនាញសេដ្ឋកិច្ច ពាណិជ្ជកម្មបរទេស និងគ្រប់គ្រងសេដ្ឋកិច្ចដែលចំណុះលេខកូដផ្នែកសេដ្ឋកិច្ចដែលមានលេខកូដគឺ 7310101 នឹងជម្រើសនិស្សិតទូទាំងប្រទេសជាមួយលេខកូដរបស់សាលា DVT តាមរយៈជម្រើសនិស្សិតតាមបែបបទចំនួន៤គឺ៖ លទ្ធផលសិក្សាវិទ្យាល័យ(សិក្ខាគារិក) លទ្ធផលប្រឡងវិទ្យាល័យ លទ្ធផលប្រឡងវាយតម្លៃសមត្ថភាពរបស់សាកលវិទ្យាល័យជាតិហូជីមិញ និងការជម្រើសផ្ទាល់។ ជាមួយការរួមបញ្ចូលនៃមុខវិជ្ជាដែលត្រូវជម្រើស A00(គណិតវិទ្យា រូបវិទ្យា គីមីវិទ្យា) A01(គណិតវិទ្យា រូបវិទ្យា អង់គ្លេស) C01(អក្សរសាស្រ្ដ គណិតវិទ្យា រូបវិទ្យា) និង D01(អក្សរសាស្រ្ដ គណិតវិទ្យា អង់គ្លេស)។
ប្រែដោយ៖ Seha Thach