សាកលវិទ្យាល័យត្រាវិញចូលរួមអង្គសិក្ខាសាលាស្ដីពីការកសាងនូវវប្បធម៌នៃសាលារៀន នៅប្រទេសវៀតណាម
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 15 តុលា 2021
- ចុចដង៖ 445
TVU – ថ្ងៃទី ១៧ ខែកញ្ញាឆ្នាំ ២០២១ - បណ្ឌិត Nguyen Minh Hoa សាកលវិទ្យាធិការរងនៃសាកលវិទ្យាល័យត្រាវិញ និងគ្រូបង្រៀនរបស់សាលាបានចូលរួមអង្គសិក្ខាសាលាតាមអនឡាញក្រោមប្រធានបទ៖ «ទម្រង់នៃវប្បធម៌សាកលវិទ្យាល័យនៅប្រទេសវៀតណាមក្នុងដំណាក់កាលអភិវឌ្ឍន៍និងសមាហរណកម្ម» រៀបចំឡើងដោយសាកលវិទ្យាល័យវិទ្យាសាស្ត្រសង្គមនិងមនុស្សសាស្ត្រនៃ សាកលវិទ្យាល័យជាតិវៀតណាមទីក្រុងហូជីមិញ។
អង្គសិក្ខាសាលានេះមានការចូលរួមពីតំណាងដែលអញ្ជើញមកពី៖ សាកលវិទ្យាល័យត្រាវិញ សាកលវិទ្យាល័យញ៉ាត្រាង សាកលវិទ្យាល័យអន្តរជាតិមៀនឌុង និងអង្គភាពរៀបចំអង្គសិក្ខាសាលាគឺសាកលវិទ្យាល័យវិទ្យាសាស្ត្រសង្គមនិងមនុស្សសាស្ត្រ។
ខ្លឹមសារដែលបានលើកយកមកពិភាក្សានៅក្នុងអង្គសិក្ខាសាលារួមមានជាច្រើនដែលក្នុងនោះទាក់ទងនឹងការកសាងវប្បធម៌នៃសាលារៀននៅប្រទេសវៀតណាមដូចជា៖ វប្បធម៌នៃសាកលវិទ្យាល័យនៅប្រទេសវៀតណាមក្នុងដំណាក់កាលអភិវឌ្ឍន៍និងសមាហរណកម្ម។ ការអភិវឌ្ឍបរិយាកាសសិក្សាឆ្ពោះទៅរកការអប់រំនាសម័យកាល៤.០។ល។
ផ្នែកខាងសាកលវិទ្យាល័យត្រាវិញ បណ្ឌិត Nguyen Minh Hoa និងក្រុមអ្នកសរសេរបានធ្វើបទបង្ហាញស្ដីពី «លក្ខណៈពិសេសមួយចំនួននៃវប្បធម៌សាលារៀននៅសាកលវិទ្យាល័យត្រាវិញពីទស្សនៈនៃការឥទ្ធិពលពីថ្នាក់ដឹកនាំ»។
ព្រមជាមួយនេះផងដែរ បណ្ឌិត Nguyen Minh Hoa បានចែករំលែកអំពីទិសដៅយុទ្ធសាស្ត្រនៃការអភិវឌ្ឍសម្រាប់បណ្ដាឆ្នាំបន្តបន្ទាប់។ ជាក់ស្ដែងគឺសាកលវិទ្យាល័យត្រាវិញបានប្តេជ្ញាបន្តរក្សាយ៉ាងខ្ជាប់ខ្ជួននូវកត្តាទាំង៤យ៉ាងគឺ៖ វប្បធម៌នៃការបណ្តុះបណ្តាលនិងឱ្យតម្លៃចំពោះអ្នកមានសមត្ថភាពខ្ពស់ វប្បធម៌នៃការស្តាប់និងមានអាកប្បកិរិយាដើម្បីរីកចម្រើន វប្បធម៌ទូកងនិងរួសរាយរាក់ទាក់ វប្បធម៌នៃការឆ្ពោះទៅកាន់សហគមន៍ ដោយមានការសម្របសម្រួលទៅតាមស្ថានភាពជាក់ស្ដែថក្នុងស្មារតីប្ដេជ្ញាចិត្តយ៉ាងខ្លាំងនិងដើម្បីការរីកចម្រើន។
