២០វិច្ឆិកាជាទិវាដ៏ពិសេសសម្រាប់គ្រូនិងសិស្សនៃសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 24 វិច្ឆិកា 2021
- ចុចដង៖ 437
ខែវិច្ឆិកាបានមកដល់ ទោះបីជាមិនមានភាពអ៊ូអរដូចសព្វដងដោយសារតែអាសន្នរោគកូវីដ-១៩នៅលើភូមិសាស្ត្រខេត្តមានភាពស្មុគស្មាញ ប៉ុន្តែគ្រូនិងសិស្សនៃសាកលវិទ្យាល័យត្រាវិញនៅតែឈ្លាសវៃក្នុងការចាត់តាំងនូវបណ្ដាសកម្មភាពដើម្បីអំណរទិវាគ្រូបង្រៀនវៀតណាមប្រកបដោយអត្ថន័យនិងសុវត្ថិភាព។
ព្រឹកថ្ងៃទី២០វិច្ឆិកា ឆ្នាំ២០២១ ក្រុមសម្ព័ន្ធយុវជនទាំងអស់នៃសាលាបានបង្ហោះរូប សរសេរសំបុត្រជូនពរនាឱកាសខួបអនុស្សាវរីយ៍ទី៣៩ឆ្នាំ ទិវាគ្រូបង្រៀនវៀតណាម (២០ វិច្ឆិកា ១៩៨០ - ២០ វិច្ឆិកា ២០២១)។
ប្អូន Quach Tan Tai និស្សិតជំនាញខាងវេជ្ជសាស្ត្របានចែករំលែកថា ចាប់តាំងពីថ្ងៃដំបូងឈានជើងចូលសាកលវិទ្យាល័យត្រាវិញ ប្អូនទទួលបាននូវការស្រឡាញ់ រាប់អានយ៉ាងកក់ក្ដៅពីសំណាក់លោកគ្រូ អ្នកគ្រូ។ បុរាណលោកពោលថា លោកគ្រូ អ្នកគ្រូប្រៀបដូចជាអ្នកចម្លង ត្រូវចម្លងអ្នកនៅត្រើយអាយទៅត្រើយនាយ។ អ្នកទាំងអស់នោះប្រៀបបានដូចជាម្ដាយឪពុកទី២របស់ប្អូនៗ។
អ្នកដែលប្អូនដឹងគុណជាងគេបង្អស់គឺលោកគ្រូ Pham Tiet Khanh សាកលវិទ្យាធិការនៃសាកលវិទ្យាល័យត្រាវិញ លោកមិនត្រឹមតែជាលោកគ្រូមួយរូបប៉ុណ្ណោះទេ គឺថែមទាំងជាឪពុក ជាឪពុកមារបស់មនុស្សជាច្រើនជំនាន់ គឺជាគំរូល្អមួយដែលពួកនិស្សិតប្អូនៗយកតម្រាប់តាម។ លោកគ្រូបានបង្កលក្ខណៈងាយស្រួលបំផុតឲ្យប្អូនៗក្រេបជញ្ជក់នូវចំណេះដឹងយ៉ាងអនេកអនន្ត។ ក្នុងនាមជានិស្សិតនៃសាកលវិទ្យាល័យត្រាវិញមួយរូប ប្អូននឹងខិតខំរៀនសូត្រ និងលត់ដំមារយាទ ប្ដេជ្ញារួមចំណែកអស់ពីកម្លាំងកាយចិត្តដើម្បីបុព្វហេតុសង្គ្រោះមនុស្ស នឹងមិនធ្វើឲ្យខកបំណងពីគ្រួសារ លោកគ្រូ អ្នកគ្រូ និងមិត្តភក្ដិឡើយ។
លោក Nguyen Nhat Thanh លេខាសម្ព័ន្ធយុវជនសាលានិងជាប្រធានសមាគមនិស្សិតសាលាបានឲ្យដឹងថា «ឆ្លងតាមបណ្ដាសកម្មភាពនេះបានរួមចំណែកឲ្យនិស្សិតសាលាស្ដែងនូវការដឹងគុណដល់លោកគ្រូ អ្នកគ្រូ ដែលជាអ្នកចម្លងដ៏ស្ងៀមស្ងាត់ ស្ដែងនូវគុណធម៌ចំពោះលោកគ្រូ អ្នកគ្រូ ក៏ដូចជាបង្ហាញនូវគុណធម៌ផឹកទឹកនឹកប្រភព។
ការដឹងគុណរបស់សិស្សពីជំនាន់មួយទៅជំនាន់មួយគឺជាកម្លាំងចលករដើម្បី លោកគ្រូ អ្នកគ្រូទាំងឡាយបន្តច្បាមនឹងវិជ្ជាជីវៈ ខំប្រឹងប្រែងដើម្បីការងារអប់រំនិងបណ្តុះបណ្ដាល។
នាឱកាសនេះដែរសាខាសមាគមនិស្សិត ក្លិបចំណុះសមាគមនិស្សិតសាលាក៏បានមកសួរសុខទុក្ខនិងជូនអំណោយដល់បណ្ដាសាលាវិទ្យាល័យនិងផ្ដល់អាហារូបករណ៍ចំនួន១៥ចំណែក សរុបជាទឹកប្រាក់គឺ៧លាន៥០០ពាន់ដុងដល់សិស្សដែលជួបការលំបាកដោយសារអាសន្នរោគកូវីដ-១៩នៅលើភូមិសាស្ត្រខេត្ត៕
អត្ថបទដោយ៖Phương Thảo
ប្រែសម្រួលដោយ៖Thạch Ngọc Châu