សាកលវិទ្យាល័យត្រាវិញចុះអនុស្សរណៈការទទួលរ៉ាប់រងឃុំទ្រឿងឡុងហ្វា
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 20 ធ្នូ 2021
- ចុចដង៖ 380
TVU- ថ្ងៃទី០៣ខែធ្នូឆ្នាំ២០២១ នៅសាលប្រជុំនៃគណៈកម្មាធិការប្រជាជនឃុំទ្រឿងឡុងហ្វា សាកលវិទ្យាល័យត្រាវិញនិងឃុំទ្រឿងឡុងហ្វា ទីរួមខេត្តយ្វៀងហាយ ខេត្តត្រាវិញ បានចុះអនុស្សរណៈស្ដីពីការទទួលរ៉ាប់រងឃុំទ្រឿងឡុងហ្វា ក្រោមសក្ខីភាពនៃតំណាងទាំងសងខាង។
ក្នុងពីធីចុះអនុស្សរណៈនេះ មានការចូលរួមនៃលោក Tran Văn Dan លេខាបក្ខឃុំទ្រឿងឡុងហ្វា ព្រមជាមួយបណ្ដាសមមិត្តថ្នាក់ដឹកនាំគណៈកម្មាធិការប្រជាជនឃុំ។ រីឯសាកលវិទ្យាល័យត្រាវិញមានការចូលរួមរបស់ លោកសាស្រ្តាចារ្យរង បណ្ឌិត Diep Thanh Tung សាកលវិទ្យាធិការរងនៃសាកលវិទ្យាល័យត្រាវិញ, លោក Nguyen Van Long ប្រធានការិយាល័យគណៈកម្មាធិការបក្ខ អនុប្រធានការិយាល័យរដ្ឋបាល មួយអន្លើដោយលោកគ្រូ អ្នកគ្រូ ថ្នាក់ដឹកនាំអង្គភាពនានារបស់សាលា។
ក្នុងអង្គពិធីនេះ លោកសាស្រ្តាចារ្យរង បណ្ឌិត Diep Thanh Tung សាកលវិទ្យាធិការរងនៃសាកលវិទ្យាល័យត្រាវិញមានប្រសាសន៍ថា៖ ពិធីចុះអនុស្សរណៈនេះមានអត្ថន័យយ៉ាងសំខាន់ ញ៉ាំងឲ្យចំណងសាមគ្គីនៃអង្គភាពទាំងពីរមួយថ្ងៃកាន់តែជិត ព្រមទាំងអប់រំសីលធម៌ប្រពៃណីបដិវត្តន៍ដល់កងជួរកម្មាភិបាល បុគ្គលិក និងសិស្សនិស្សិត។ល។ ពុំនោះសោតរួមចំណេកដោះស្រាយបាននូវភាពលំបាកក្នុងសកម្មភាពរបស់ឃុំទ្រឿងឡុងហ្វា ជំរុញកិច្ចសហការក្នុងចលនានៃបណ្ដាអង្គការសម្ព័ន្ធយុវជនរបស់ភាគីទាំងពីរ។
លោក Tran Văn Dan លេខាបក្ខឃុំទ្រឿង ឡុង ហ្វា ក៏មានប្រសាសន៍ថា៖ បច្ចុប្បន្ននៅក្នុងឃុំទ្រឿង ឡុង ហ្វា មាមីងបងប្អូនជួបលំបាកជាច្រើនក្នុងការធ្វើបច្ចុប្បន្នភាពវិទ្យាសាស្រ្តបច្ចេកវិទ្យា ស្ដីពីការអភិវឌ្ឍនិងរក្សាទុកនូវផលដំណាំ សត្វចិញ្ចឹមក្នុងវិស័យកសិកម្ម ជលផល ក៏ដូចជាបណ្ដាទម្រង់ផ្ដើមធ្វើអាជីវកម្ម។ សង្ឃឹមថាក្នុងពេលខាងមុខនេះ ជាមួយកិច្ចសហការទទួលរ៉ាប់រងរបស់សាកលវិទ្យាល័យត្រាវិញ នឹងជួយឲ្យឃុំទ្រឿងឡុងហ្វាមានការអភិវឌ្ឍគ្រប់ជ្រុងជ្រោយ។
ឆ្លងតាមការដោះដូរយោបល់ អង្គភាពទាំងពីរបានឯកភាពនូវសកម្មភាពមួយចំនួនក្នុងពេលខាងមុខដូចជា៖ សាកលវិទ្យាល័យជំនួយកងកម្លាំង មធ្យោបាយ សម្ភារៈ ដើម្បីអនុវត្តសកម្មភាពឯកទេស ផ្ទេរបទពិសោធន៍បច្ចេកទេស បច្ចេកវិទ្យានិងផ្ដល់ជូនពត៌មានជាចាំបាច់។ ទន្ទឹមនឹងនោះ គណៈកម្មាធិការប្រជាជនឃុំទ្រឿងឡុងហ្វាឧបត្ថម្ភសម្ភារៈ ធនធានមនុស្សនិងបង្កលក្ខណៈងាយស្រួល នៅពេលដែលសាកលវិទ្យាល័យត្រាវិញបំពេញកិច្ចការ។ សាកលវិទ្យាល័យត្រាវិញចូលរួមសហប្រតិបត្តិការជំនួយឲ្យឃុំសម្រេចបាននូវបណ្ដាលក្ខណៈវិនិច្ឆ័យក្លាយជាឃុំជនបទថ្មីលំដាប់ថ្នាក់ខ្ពស់ ជំរុញផ្លាស់ប្ដូរទម្រង់ផលិតកសិកម្ម ចាត់តាំងហ្វឹកហ្វឹន ជំនួយការផ្ទេរបទពិសោធន៍វិទ្យាសាស្រ្តបច្ចេកទេសក្នុងវិស័យកសិកម្ម ជលផល ជំនួយឃុំអភិវឌ្ឍនិងសម្រេចបានផលិតផល OCOP រួមចំណែកអនុវត្តសុខុមាលភាពសង្គមទូទាំងភូមិសាស្ត្រឃុំ។
អត្ថបទដោយ៖ Quốc Vinh
ប្រែសម្រួលដោយ៖ Sơn Văn Đông