សាកលវិទ្យាល័យត្រាវិញបន្តស្ថិតក្នុងចំណាត់ថ្នាក់ក្រុម ២០០សាកលវិទ្យាល័យដែលអភិវឌ្ឍប្រកបដោយចីរភាពឆ្នាំ២០២១
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 21 ធ្នូ 2021
- ចុចដង៖ 398
អង្គការUI GreenMetric World University Rankings ទើបតែប្រកាសពីចំណាត់ថ្នាក់នៃសាកលវិទ្យាល័យ ដែលអភិវឌ្ឍប្រកបដោយចីរភាពលើពិភពលោកក្នុងឆ្នាំ២០២១ ក្នុងនោះ សាកលវិទ្យាល័យត្រាវិញ (TVU) បានបន្តស្ថិតក្នុងចំណាត់ថ្នាក់ក្រុម ២០០ នៃសាកលវិទ្យាល័យដែលអភិវឌ្ឍប្រកបដោយចីរភាព និងស្និទ្ធស្នាលជាមួយបរិស្ថាន។
ជាក់ស្តែង សាកលវិទ្យាល័យត្រាវិញជាប់ចំណាត់ថ្នាក់លេខ ១៨១/៩៥៩ (ដោយពិន្ទុសរុប ៧៣២៥)។ ឆ្នាំនេះ មានសាកលវិទ្យាល័យចំនួន៩៥៩ នៅលើពិភពលោកចូលរួមក្នុងការរៀបចំណាត់ថ្នាក់អន្តរជាតិដែលមានកិត្យានុភាពនេះ កើន៤៧ សាលា បើប្រៀបធៀបនឹងឆ្នាំ២០២០។
UI GreenMetric គឺជាអង្គការតែមួយគត់នៅលើពិភពលោកដែលរៀបចំណាត់ថ្នាក់សាកលវិទ្យាល័យស្របតាមលក្ខណៈវិនិច្ឆ័យនៃការកសាង និងអភិវឌ្ឍសាកលវិទ្យាល័យប្រកបដោយចីរភាព ស្និទ្ធស្នាលនឹងបរិស្ថានធម្មជាតិ។ ប្រព័ន្ធនេះចាត់ថ្នាក់សាកលវិទ្យាល័យដោយផ្អែកលើលក្ខណៈវិនិច្ឆ័យចំនួនប្រាំមួយ៖ ទេសភាពនិងភាពទំនើប, ស្និទ្ធស្នាលនឹងបរិស្ថាន,ហេដ្ឋារចនាសម្ព័ន្ធ; គោលនយោបាយថាមពលស្អាត និងការឆ្លើយតបទៅនឹងការប្រែប្រួលអាកាសធាតុ; ការគ្រប់គ្រងកាកសំណល់របស់សាលា; គោលនយោបាយស្តីពីការប្រើប្រាស់ និងប្រើប្រាស់ឡើងវិញនូវធនធានទឹក; ប្រព័ន្ធគមនាគមន៍ឆ្លាតវៃនិងចុងក្រោយគឺសមត្ថភាពអប់រំ។
ប៉ុន្មានឆ្នាំមកនេះ TVU បានអភិវឌ្ឍគុណភាពបណ្តុះបណ្តាលយ៉ាងខ្លាំង លើកកម្ពស់កិច្ចសហប្រតិបត្តិការ សហការជាមួយសហគ្រាស ជំរុញការងារសហគ្រិនភាព និងភាពច្នៃប្រឌិត លើកកម្ពស់កិច្ចការទទួលខុសត្រូវចំពោះការបម្រើសហគមន៍ ជាពិសេសគឺធ្វើសមាហរណកម្ម អន្តរជាតិយ៉ាងខ្លាំងក្លាក្នុងកិច្ចការបណ្តុះបណ្តាល។ សាលាបានជាប់ចំណាត់ថ្នាក់ទី៧១ក្នុងក្រុម១០០នៃសាកលវិទ្យាល័យ ដែលមានឥទ្ធិពល និងការរួមចំណែកជាវិជ្ជមានដល់សង្គម នេះបើយោងតាមWURI Ranking ២០២១។
ទន្ទឹមនឹងនោះ សាកលវិទ្យាល័យត្រាវិញមានកម្មវិធីសិក្សាចំនួន ១១ ត្រូវបានការទទួលស្គាល់អំពីគុណភាពបណ្ដុះបណ្ដាលស្របតាមស្តង់ដាអន្តរជាតិដូច AUN-QA និង FIBAA។ ហើយនេះជាសាកលវិទ្យាល័យមួយក្នុងចំណោមសាកលវិទ្យាល័យឈានមុខនៅតំបន់វាលរាបទន្លេគឺវឡុង ដោយមានកម្មវិធីសិក្សាជាច្រើនដែលសម្រេចបានការទទួលស្គាល់គុណភាពបណ្ដុះបណ្ដាលតាមស្តង់ដាអន្តរជាតិ AUN-QA និង FIBAA។ក្នុងនោះមានកម្មវិធីសិក្សាចំនួន៥ បានសម្រេចស្របតាមស្តង់ដានៃ AUN-QA គឺ បរិញ្ញាបត្រកសិកម្មបរិញ្ញាបត្រវារីវប្បកម្ម បសុពេទ្យ បរិញ្ញាបត្រគិលានុបដ្ឋាក និង បរិញ្ញាបត្រភាសាខ្មែរ។ក្រៅពីនោះ មានកម្មវិធីសិក្សាចំនួន៦ ដែលសម្រេចបានស្របតាមស្តង់ដាគុណភាពបណ្ដុះបណ្ដាលនៃ FIBAA រួមមាន៖បរិញ្ញាបត្រគ្រប់គ្រងធុរកិច្ចបរិញ្ញាបត្រសេដ្ឋកិច្ចបរិញ្ញាបត្រគណនេយ្យ និងបរិញ្ញាបត្រហិរញ្ញវត្ថុ-ធនាគារ ព្រមទាំងកម្មវិធីសិក្សាថ្នាក់អនុបណ្ឌិតគ្រប់គ្រងពាណិជ្ជកម្ម អនុបណ្ឌិតគ្រប់គ្រងសេដ្ឋកិច្ច។
TVU ក៏បានបញ្ចប់ការពិនិត្យវាយតម្លៃគុណភាពកម្មវិធីសិក្សាតាមស្ដង់ដា ABET សម្រាប់បរិញ្ញាបត្របច្ចេកវិទ្យាព័ត៌មាន។ សាកលវិទ្យាល័យត្រាវិញនឹងបន្តការដាក់ឱ្យពិនិត្យវាយតម្លៃតាមស្ដង់ដា AUN-QAចំពោះកម្មវិធីសិក្សា វិទ្យាសាស្ត្រសុខាភិបាល និងជាស្ដង់ដា ABET ចំពោះមុខជំនាញវិស្វកម្ម និងបច្ចេកវិទ្យានានា។
អ្នកជំនាញបានជឿជាក់ថា ទោះជាសាកលវិទ្យាល័យណាក៏ដោយ នៅពេលដែលមានកម្មវិធីសិក្សាត្រូវបានទទួលស្គាល់អំពីគុណភាពបណ្ដុះបណ្ដាលស្របតាមស្តង់ដាអន្តរជាតិដូច AUN - QA, FIBAA, ABET គឺជាការទទួលស្គាល់អន្តរជាតិចំពោះគុណភាពបណ្តុះបណ្តាល ឆ្លើយតបនឹងតម្រូវការលក្ខណៈធានាគុណភាពខ្ពស់ អំពីសម្ភារៈឧបទេស កងជួរគ្រូបង្រៀនមានសមត្ថភាពនិងលក្ខណៈសម្បត្តិគ្រប់គ្រាន់។ កម្មវិធីសិក្សាជឿនលឿន និងវិធីសាស្រ្តបង្រៀនសកម្ម ជួយសិក្ខាកាមអភិវឌ្ឍសមត្ថភាពរបស់ខ្លួន ឆ្លើយតបនឹងតម្រូវការជ្រើសរើសបុគ្គលិកមួយថ្ងៃកាន់តែកើនឡើងនៃសហគ្រាស។ អាស្រ័យហេតុនេះ សិស្សនិស្សិតដែលសិក្សាមុខជំនាញដែលបានទទួលស្គាល់ដោយ AUN - QA, FIBAA, ABET នៅ TVU នឹងមានប្រៀបជាច្រើននៅពេលចូលរួមក្នុងការស្វែងរកការងារធ្វើ ចូលរួមស្វែងរកការងារលើទីផ្សារការងារអន្តរជាតិ និងអភិវឌ្ឍខ្លួនបានល្អ។
អត្ថបទដោយ៖ Đong Khoi
ប្រែសម្រួលដោយ៖ Van Thon