ពិធីចុះហត្ថលេខាលើអនុស្សរណៈយោគយល់គ្នារវាងសាកលវិទ្យាល័យត្រាវិញនិងសហគ្រាសជាដៃគូ កម្មវិធីបណ្ដុះបណ្ដាលផ្នែកគ្រប់គ្រងសេវាកម្ម Logistics ( តាមគំរូCo.op)
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 26 មេសា 2022
- ចុចដង៖ 400
(TVU) –នាថ្ងៃទី១៥ ខែមេសាឆ្នាំ ២០២២ នៅសាខាទី១នៃសាកលវិទ្យាល័យត្រាវិញបានកើតឡើងកម្មវិធីចុះហត្ថលេខាអនុស្សរណៈយោគយល់គ្នារវាងសាកលវិទ្យាល័យនិងសហគ្រាសជាដៃគូ កម្មវិធីបណ្ដុះបណ្ដាលផ្នែកគ្រប់គ្រងសេវាកម្ម Logistics ( តាមគំរូCo.op)។
ក្នុងកម្មវិធីមានការចូលរួមរបស់លោកសាស្រ្ដាចារ្យរង បណ្ឌិត Pham Tiet Khanh សាកលវិទ្យាធិការ នៃសាកលវិទ្យាល័យត្រាវិញ, លោកសាស្រ្ដាចារ្យរង បណ្ឌិត Diep Thanh Tung សាកលវិទ្យាធិការរងនៃសាកលវិទ្យាល័យត្រាវិញ ប្រធានមហាវិទ្យាល័យ សេដ្ឋកិច្ច និងនីតិសាស្ត្រ, តំណាងឱ្យក្រុមដឹកនាំ មជ្ឈមណ្ឌលជំនួយ - អភិវឌ្ឍន៍ ការបង្រៀន និងរៀន, ថ្នាក់ដឹកនាំ និងលោកគ្រូ អ្នកគ្រូនៃមហាវិទ្យាល័យ សេដ្ឋកិច្ច និងនីតិសាស្ត្របានចូលរួម។
ផ្នែកខាងសហគ្រាស មានលោក Huynh Khac Nhu អគ្គនាយកក្រុមហ៊ុនភាគហ៊ុន Tra Bac, លោក Nguyen Van Trinh អគ្គនាយកសហគ្រាសឯកជន ផលិតកម្ម ពាណិជ្ជកម្ម Nguyen Trinh រួមជាមួយអ្នកតំណាងថ្នាក់ដឹកនាំអាជីវកម្មបានចូលរួម។
លោកសាស្រ្ដាចារ្យរង បណ្ឌិត Pham Tiet Khanh ថ្លែងសុន្ទរកថាបើកឆាកក្នុងពិធីចុះហត្ថលេខា៖ «ជំនួសមុខឱ្យគណៈអភិបាលសាលា លោកគ្រូ អ្នកគ្រូ និងនិស្សិតនៃសាកលវិទ្យាល័យត្រាវិញ បានថ្លែងអំណរគុណ និងសម្ដែងនូវការគោរពចំពោះសេចក្ដីស្រឡាញ់របស់ក្រុមហ៊ុនភាគហ៊ុន Tra Bac និងសហគ្រាសឯកជន ផលិតកម្ម ពាណិជ្ជកម្ម Nguyen Trinh សម្រាប់ការបណ្ដុះបណ្ដាលរបស់សាលា ជាពិសេសសម្រាប់កម្មវិធីបណ្ដុះបណ្ដាលផ្នែកគ្រប់គ្រងសេវាកម្ម Logistics ( តាមគំរូCo.op) កម្រិតបរិញ្ញា។
ក្នុងពិធីចុះហត្ថលេខាលើអនុស្សរណៈនៃការយោគយល់គ្នានេះ លោកសាស្រ្ដាចារ្យរង បណ្ឌិត Diep Thanh Tung សាកលវិទ្យាធិការរងនៃសាកលវិទ្យាល័យត្រាវិញប្រធានមហាវិទ្យាល័យ សេដ្ឋកិច្ច នីតិសាស្ត្របានចែករំលែក៖«អនុស្សរណៈនៃការយោគយល់គ្នាត្រូវបានចុះហត្ថលេខាក្នុងគោលបំណងបង្កើតលក្ខខណ្ឌល្អបំផុតសម្រាប់និស្សិតដើម្បីត្រៀមខ្លួនចូលរួមក្នុងបរិយាកាសការងារជាក់ស្ដែងនៅតាមសហគ្រាសតាំងពីនៅសិក្សាក្នុងសាលា។ ប៉ុន្មានឆ្នាំកន្លងមកនេះ មហាវិទ្យាល័យសេដ្ឋកិច្ច នីតិសាស្រ្ត សាកលវិទ្យាល័យត្រាវិញ តែងតែបង្កើនគុណភាពបណ្ដុះបណ្ដាល ក៏ដូចជាការផ្សារភ្ជាប់ជាមួយនឹងសហគ្រាស ដើម្បីពង្រាយគំរូបណ្ដុះបណ្ដាល Co.op ជួយឱ្យនិស្សិតមានលទ្ធភាពឆាប់ទទួលបានលក្ខខណ្ឌការងារនៅតាមសហគ្រាស។
សាស្ដ្រាចារ្យរង បណ្ឌិត Pham Tiet Khanh សាកលវិទ្យាធិការ នៃសាកលវិទ្យាល័យត្រាវិញ លោក Huynh Khac Nhu - អគ្គនាយកក្រុមហ៊ុនភាគហ៊ុន Tra Bac និងលោក Nguyen Van Trinh - អគ្គនាយកសហគ្រាសឯកជន ផលិតកម្ម-ពាណិជ្ជកម្ម Nguyen Trinh បានចុះហត្ថលេខាលើកិច្ចព្រមព្រៀងសហប្រតិបត្តិការដែលមានខ្លឹមសារសំខាន់ៗ៖ “សាលានិងសហគ្រាសនឹងលើកកម្ពស់សមត្ថភាពនិងភាពអស្ចារ្យរបស់ភាគីនីមួយៗអំពីសម្ភារៈមូលដ្ឋាន ធនធានមនុស្ស ជំនាញក្នុងការកសាងកម្មវិធីបណ្តុះបណ្តាល អនុវត្ត មុខជំនាញគ្រប់គ្រងសេវាកម្ម Logistics តាមតម្រូវការរបស់ទីផ្សារការងាររួមចំណែកលើកកម្ពស់គុណភាពបណ្តុះបណ្តាលរបស់សាលានិងផ្គត់ផ្គង់ប្រភពធនធានមនុស្សប្របកដោយគុណភាពខ្ពស់ផ្តល់ឲ្យសហគ្រាសនិយាយដោយឡែកនិងទីផ្សារការងារនិយាយរួម”។
លោក Huynh Khac Nhu - អគ្គនាយក ក្រុមហ៊ុនភាគហ៊ុន Tra Bac បានចែករំលែកដោយក្ដីសោមនស្សរីករាយថា៖ “ ក្នុងតួនាទីជាសហគ្រាសមួយ ខ្ញុំមានសោមនស្សរីករាយណាស់ដែលបានចុះហត្ថលេខាលើកិច្ចព្រមព្រៀងសហប្រតិបត្តិការលើវិស័យបណ្តុះបណ្តាលជាមួយសាកលវិទ្យាល័យត្រាវិញ។ ជាក់ស្តែងគឺជាកម្មវិធីបណ្តុះបណ្តាល មុខជំនាញគ្រប់គ្រងសេវាកម្ម Logistics ( តាម គំរូ Co.op) រួមចំណែកជាមួយនឹងសាលាក្នុងការបណ្តុះបណ្តាលប្រភពធនធានមនុស្ស ប្រកបដោយគុណភាពសម្រាប់វាលរាបទន្លេគឺវឡុងនិយាយរួមនិងបណ្តាសហគ្រាសក្នុងខេត្តនិយាយដោយឡែក”។
លោក Nguyen Van Trinh អគ្គនាយកសហគ្រាសឯកជនផលិតកម្ម-ពាណិជ្ជកម្ម Nguyen Trinh បានថ្លែងអំណរគុណចំពោះគណៈកម្មការនៃសាកលវិទ្យាល័យត្រាវិញដែលបានខិតខំប្រឹងប្រែងក្នុងកិច្ចសហប្រតិបត្តិការ ក្នុងការបណ្តុះបណ្តាលប្រភពធនធានមនុស្សប្រកបដោយគុណភាពខ្ពស់ជាមួយនឹងសហគ្រាសមួយចំនួននៅភូមិភាគ លោកសង្ឃឹមថាកិច្ចសហប្រតិបត្តិការនេះនឹងនាំមកនូវលទ្ធផលខ្ពស់ រួមចំណែកផ្គត់ផ្គង់ប្រភពធនធានមនុស្ស ប្រកបដោយគុណភាពខ្ពស់ មិនត្រឹមតែសម្រាប់ខេត្តត្រាវិញប៉ុណ្ណោះទេ ថែមទាំងសម្រាប់ទីផ្សារការងារក្នុងប្រទេសនិងអន្តរជាតិទៀតផង។
ភាគីទាំងឡាយបានវាយតម្លៃខ្ពស់ចំពោះខ្លឹមសារនៃអនុស្សរណៈនៃកិច្ចសហប្រតិបត្តិការ លក្ខខណ្ឌដែលឆ្ពោះទៅដល់ផលប្រយោជន៍រួមនិងមានភាពជាក់ស្តែងសម្រាប់ភាគី៖ និស្សិត - សាលា - ក្រុមហ៊ុនពាណិជ្ជកម្ម៕
ប្រែសម្រួលដោយ៖ Ngoc Han – Thanh Ha