ប្រគល់ជូនសញ្ញាប័ត្រដល់បណ្ឌិតថ្មីចំនួន០៦រូប និងអនុបណ្ឌិតចំនួន ២៣៥រូប
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 03 មិថុនា 2022
- ចុចដង៖ 249
ត្រាវិញ - កាលពីព្រឹកថ្ងៃទី ២៩ ខែ ឧសភា សាកលវិទ្យាល័យត្រាវិញ បានចាត់តាំងពិធីបើកវគ្គសិក្សានិងជូនសញ្ញាប័ត្រដល់បណ្ឌិត និងអនុបណ្ឌិតលើកទី១ ឆ្នាំ ២០២២។
ចូលរួមកម្មវិធី មានលោក Lam Minh Dang ជាអនុលេខាធិការគណៈកម្មាធិការបក្សខេត្តត្រាវិញ លោក Tran Van Dung ជាអនុប្រធានគណៈកម្មាធិការប្រជាជនខេត្តតៀនយ៉ាង លោក Tran Hoan Kim ប្រធានក្រុមប្រឹក្សាសាលា សាស្ត្រាចារ្យរង បណ្ឌិត Pham Tiet Khanh លេខាបក្សភាគសាលា ប្រធានក្រុមប្រឹក្សាភិបាលសាកលវិទ្យាល័យត្រាវិញ ជាមួយនឹងគណៈអធិការសាលា តំណាងឲ្យថ្នាក់ដឹកនាំអង្គភាព មន្ទីរខេត្ត ថ្នាក់ដឹកនាំមន្ទីរវិទ្យាស្ថាន ការិយាល័យ មជ្ឈមណ្ឌលនៃសាលា។
ភ្ញៀវកិត្តិយសចូលរួមពិធីបើកវគ្គសិក្សា បិទវគ្គសិក្សា និងប្រគល់សញ្ញាបត្រជូនបណ្ឌិត អនុបណ្ឌិត លើកទី១ ឆ្នាំ២០២២ នៃសាកលវិទ្យាល័យត្រាវិញ
យោងតាមលទ្ធផលនៃការជ្រើសរើសបេក្ខសិស្សកម្រិតបណ្ឌិត របស់គណៈប្រឹក្សាជ្រើសរើសកាលពីខែមេសាឆ្នាំ២០២២ សាកលវិទ្យាល័យត្រាវិញទទួលស្គាល់បេក្ខសិស្សចំនួន ១៣ រូប ជាបេក្ខសិស្សកម្រិតបណ្ឌិតនៅមុខជំនាញទាំង ០៥មានដូចជា៖ គ្រប់គ្រងសេដ្ឋកិច្ច ហិរញ្ញវត្ថុ - ធនាគារ គ្រប់គ្រងពាណិជ្ជកម្ម ច្បាប់សេដ្ឋកិច្ច ជាមួយនឹងមុខជំនាញទ្រឹស្ដី និងវិធីសាស្រ្តបង្រៀនមុខវិជ្ជាអក្សរសាស្ត្រ។
ទទួលស្គាល់បេក្ខសិស្សចំនួន ៤០១រូប ជាប់កម្រិតអនុបណ្ឌិត រួមមាន១៨ មុខជំនាញគឺ៖ គណនេយ្យ គ្រប់គ្រងសេដ្ឋកិច្ច គ្រប់គ្រងពាណិជ្ជកម្ម ហិរញ្ញវត្ថុ - ធនាគារ គ្រប់គ្រងសុខាភិបាល សុខាភិបាលសាធារណៈ ច្បាប់រដ្ឋប្បវេណី និងនីតិវិធីរដ្ឋប្បវេណី ច្បាប់សេដ្ឋកិច្ច ច្បាប់រដ្ឋធម្មនុញ្ញ និងច្បាប់រដ្ឋាបាល ច្បាប់ព្រហ្មទណ្ឌ និងនិតីវិធីព្រហ្មទណ្ឌ ទ្រឹស្ដី និងវិធីសាស្ត្របង្រៀនមុខវិជ្ជាអក្សរសាស្ត្រ វប្បធម៌វិទ្យា គ្រប់គ្រងការអប់រំ អប់រំវិទ្យា គ្រប់គ្រងសាធារណៈ បច្ចេកព័ត៌មានវិទ្យា ទ្រឹស្ដីនិងវិធីបង្រៀនមុខវិជ្ជាអង់គ្លេស។
អនុបណ្ឌិតថ្មីក្នុងថ្ងៃបិទវគ្គសិក្សា
នៅក្នុងឱកាសនេះដែរ សាកលវិទ្យាល័យត្រាវិញប្រារព្ធកម្មវិធីបិទវគ្គសិក្សា និងប្រគល់បរិញ្ញាបត្រជូនដល់បណ្ឌិត ០៦រូប លើមុខជំនាញ ០៣ រួមមាន (ទ្រឹស្ដីនិងវិធីសាស្ត្របង្រៀនមុខវិជ្ជាអក្សរសាស្ត្រ មុខជំនាញវប្បធម៌វិទ្យា និងមុខជំនាញគ្រប់គ្រងពាណិជ្ជកម្ម) និងអនុបណ្ឌិតចំនួន ២៣៥ រូប លើ១២មុខជំនាញ រួមមាន៖ វប្បធម៌វិទ្យា ហិរញ្ញវត្ថុ - ធនាគារ គណនេយ្យ គ្រប់គ្រងពាណិជ្ជកម្ម គ្រប់គ្រងសេដ្ឋកិច្ច ច្បាប់រដ្ឋធម្មនុញ្ញ និងច្បាប់រដ្ឋបាល ច្បាប់រដ្ឋប្បវេណី និងនីតិវិធីរដ្ឋប្បវេណី ច្បាប់ព្រហ្មទណ្ឌ និងនិតីវិធីព្រហ្មទណ្ឌ ជាមួយនឹងមុខជំនាញអភិវឌ្ឍជនបទ។
សាស្រ្តាចារ្យរង បណ្ឌិត Pham Tiet Khanh ប្រធានក្រុមប្រឹក្សាភិបាលសាកលវិទ្យាល័យត្រាវិញ ប្រគល់បរិញ្ញាបត្រជូនបណ្ឌិតTa Duy Linh មុខជំនាញវប្បធម៌វិទ្យា
ប្រភព៖ https://www.baotravinh.vn/giao-duc/trao-bang-tot-nghiep-06-tien-si-va-235-thac-si-18275.html
អត្ថបទដោយ៖HỒNG NHUNG
ប្រែសម្រួលដោយ៖ OMNARA
