(TVU) - កាលពីព្រឹកថ្ងៃទី៤ ខែមិថុនា ឆ្នាំ ២០២២, ពិធីទិវា «ដឹងគុណដំណក់ឈាមវៀត» បានប្រព្រឹត្តិឡើងក្រោមប្រធានបទ «ឈាមមួយដំណក់ឱ្យទៅ ជីវិតមួយគង់នៅ» ក្រោមការរៀបចំឡើងនៃសម្ព័ន្ធយុវជន និងសមាគមនិស្សិត នៃសាកលវិទ្យាល័យត្រាវិញ ដើម្បីចូលរួមអំណរកម្មវិធី «ទិវាអាទិត្យក្រហម» លើកទី XIV– ២០២២ ដោយកាសែត Tien Phong ឃោសនាចលនា, គឺជាព្រឹត្តិការណ៍មួយដែលមានអត្ថន័យយ៉ាងជ្រាលជ្រៅក្នុងកិច្ចការមនុស្សធម៌សង្រ្គោះមនុស្ស រួមចំណែកបំពេញតម្រូវការឃ្លាំងឈាមបម្រុង។
ចូលរួមកម្មវិធី មានអ្នកកាសែត Hoa Hoi តំណាងអោយការសែតTien Phong តំបន់វាលរាបទន្លេកឺវឡុង។ ផ្នែកខាងសាកលវិទ្យាល័យត្រាវិញ មានការចូលរួមនៃលោកស្រី Thach Thi Dan សាកលវិទ្យាធិការរង នៃសាកលវិទ្យាល័យត្រាវិញ, សមមិត្ត Pham Le Phuong Thao អនុលេខាសម្ព័ន្ធយុវជនសាលា អនុប្រធានសមាគមនិស្សិត។
លោកស្រី Thach Thi Dan សាកលវិទ្យាធិការរងបានចែករំលែកក្នុងអង្គពិធី៖ ការបរិច្ចាគឈាមសង្រ្គោះមនុស្ស ជាទង្វើមួយដ៏ថ្លៃថ្នូរ បង្ហាញពីប្រពៃណីស្រឡាញ់គ្នាទៅវិញទៅមក ស្រឡាញ់អ្នកដទៃដូចជាស្រឡាញ់ខ្លួនឯង របស់ប្រជាជាតិយើង។ គឺជាការជួយអ្នកជម្ងឺដែលកំពុងត្រូវការនៅតំណក់ឈាមដ៏វិសេសដើម្បីបន្តជីវិត។ ឆ្លងតាមសកម្មភាពនេះ សាលាសង្ឃឹមថាសម្ព័ន្ធយុវជន នឹងបង្ហាញពីការប្ដេជ្ញាចិត្តរបស់ខ្លួន កម្លាំងយុវជន និងមនសិការរបស់ខ្លួនចំពោះសកម្មភាពបរិច្ចាគឈាមដោយស្ម័គ្រចិត្តដ៏ថ្លៃថ្លានេះស្របតាមប្រធានបទ៖ «ឈាមមួយដំណក់ឱ្យទៅ ជីវិតមួយគង់នៅ»។
ស្របនឹងឱកាសនេះ សាលាបានបង្កើតក្រុមប្រឹក្សាភិបាលក្លឺបបរិច្ចាគឈាមស្ម័គ្រចិត្ត និងប្រកាសសេចក្ដីសម្រេចស្ដីពីការជូនប័ណ្ណសរសើរដល់សមូហភាព និស្សិត និងគ្រូបង្រៀនគំរូដែលបានរួមចំណែកយ៉ាងសកម្មក្នុងការបរិច្ចាគឈាមនាពេលកន្លងមក។
ក្នុងឱកាសនេះ សាលាក៏ទទួលបានឈាមជាច្រើន ពីការបរិច្ចាគរបស់និស្សិត លោកគ្រូ អ្នកគ្រូរាប់រយអ្នកបានចូលរួមក្នុងកម្មវិធីបរិច្ចាគឈាមស្ម័គ្រចិត្ត ដើម្បីចូលរួមពិធី «ទិវាអាទិត្យក្រហម» លើកទី XIVឆ្នាំ២០២២។
អត្ថបទដោយ៖ Trinh Trang – Hoang Long
ប្រែសម្រួលដោយ៖ Ngoc Han