GD&TĐ - នៅថ្ងៃទី ១៩ ខែមិថុនា ឆ្នាំ ២០២២ សាកលវិទ្យាល័យត្រាវិញមានអាយុកាលគម្រប់១៦ ឆ្នាំ ហើយនេះក៏ជាព្រឹត្តិការណ៍មួយគួរឱ្យចងចាំក្នុងរយៈកាលកកើត និងអភិវឌ្ឍសាលា។ មកទល់នឹងពេលនេះ សាកលវិទ្យាល័យត្រាវិញ គឺជាសាកលវិទ្យាល័យដ៏សំខាន់មួយនៃតំបន់វាលរាបទន្លេគឺវឡុង។
ប្រធានក្រុមប្រឹក្សាភិបាលសាលា លោក Pham Tiet Khanh និងសាកលវិទ្យាធិការ Nguyen Minh Hoa បានជូនសេចក្តីសម្រេចបង្កើតមជ្ឈមណ្ឌលបណ្តុះបណ្តាលLogistics និងពាណិជ្ជកម្មអេឡិចត្រូនិក ចំណុះសាកលវិទ្យាល័យត្រាវិញ។
អនុស្សាវរីយ៍គម្រប់១៦ ឆ្នាំនៃការបង្កើត (ថ្ងៃទី១៩ ខែមិថុនា ឆ្នាំ២០០៦ - ថ្ងៃទី១៩ ខែមិថុនា ឆ្នាំ២០២២) និង២១ឆ្នាំនៃការអនុវត្តទម្រង់លាសាឧត្តមសិក្សាសហគមន៍(២០០១ - ២០២២) ។ សាកលវិទ្យាល័យត្រាវិញបានផ្លាស់ប្តូររូបរាងថ្មីទាំងស្រុង ក្លាយជាសាកលវិទ្យាល័យពហុជំនាញ និងពហុវិស័យ។ គឺជាគ្រឹះស្ថានបណ្តុះបណ្តាលធនធានមនុស្សប្រកបដោយគុណភាពខ្ពស់សម្រាប់តំបន់វាលរាបទន្លេគឺវឡុង និងទូទាំងប្រទេស។
លោកបណ្ឌិត Nguyen Minh Hoa សាកលវិទ្យាធិការនៃសាកលវិទ្យាល័យត្រាវិញបានឲ្យដឹងថា៖ ជាង២០ឆ្នាំនៃការបង្កើត និងអភិវឌ្ឍពីសាលាឧត្តមសិក្សាសហគមន៍ត្រាវិញ សាកលវិទ្យាល័យត្រាវិញបានបំពេញតួនាទីរបស់ខ្លួនក្នុងការបណ្តុះបណ្តាលធនធានមនុស្សប្រកបដោយគុណភាពខ្ពស់សម្រាប់ខេត្ត តំបន់ និងទូទាំងប្រទេស។ គឺជាគ្រឹះស្ថានបណ្ដុះបណ្ដាលមួយដែលមានពហុជំនាញ ពហុកម្រិត និងពហុទម្រង់ ផ្ដល់ជូនកម្មវិធីបណ្តុះបណ្តាលប្រកបដោយគុណភាព និងសមាហរណកម្មអន្តរជាតិ។
ប៉ុន្មានឆ្នាំកន្លងមកនេះ សាលាបានវិនិយោគ និងអភិវឌ្ឃចម្រុះទាំងស្រុង តាំងពីសម្ភារៈបរិក្ខាបណ្ដុះបណ្ដាល កងជួរគ្រូបង្រៀនបុគ្គលិក រហូតដល់គុណភាពបណ្តុះបណ្តាល និងសេវាកម្មបម្រើបម្រាស់សហគមន៍។ ទន្ទឹមនឹងនោះសលាជំរុញការពង្រីកនូវមុខជំនាញឯកទេសពិសេសបង្កើតកម្មវិធីបណ្ដុះបណ្ដាលថ្មីក្នុងទិសដៅនៃការធ្វើពិពិធកម្ម ផ្សារភ្ជាប់យ៉ាងជិតស្និទ្ធជាមួយសហគមន៍អាជីវកម្ម ឆ្លើយតបតាមតម្រូវការប្រភពធនធានមនុស្សប្រកបដោយគុណភាពខ្ពស់សម្រាប់ការអភិវឌ្ឍសេដ្ឋកិច្ចសង្គម។
សាលាសម្រេចបានសមិទ្ធិផលជាច្រើន រួមចំណែកក្នុងការអភិវឌ្ឍខេត្ត និងវាលរាបទន្លេគឺវឡុង។ មានកិត្តិយសទទួលបានមេដាយការងារថ្នាក់ទី២ពីប្រធានរដ្ឋ ជាសាកលវិទ្យាល័យចំណុះខេត្តដំបូង ដែលជាសាលាមួយក្នុងចំណោមសាលាចំនួន២៣នៅទូទាំងប្រទេសដែលត្រូវបាននាយករដ្ឋមន្ត្រី ប្រគល់ភារៈសាកល្បងការប្ដូថ្មីយន្តការសកម្មភាពនៅឆ្នាំ ២០១៧ ដោយមានគោលដៅអភិវឌ្ឍទៅជាសាកលវិទ្យាល័យតម្រង់ទិសកម្មវិធីតាមស្តង់ដារអន្តរជាតិ។ សាលាកំពុងធ្វើឱ្យប្រសើរឡើងឥតឈប់ឈរនូវគុណភាពនៃការបណ្តុះបណ្តាល សមាហរណកម្មអន្តរជាតិ ចំណាត់ថ្នាក់សាលា និងការទទួលស្គាល់គុណភាពអប់រំសម្រាប់ឯកទេសជាច្រើន។
ជាសាកលវិទ្យាល័យមួយក្នុងចំណោមសាកលវិទ្យាល័យចំនួន ៩ ដំបូងបង្អស់ដែលត្រូវបានទទួលស្គាល់ស្របតាមស្តង់ដារថ្មីរបស់ក្រសួងអប់រំ និងបណ្តុះបណ្តាល។ រហូតមកដល់ពេលនេះ នៅក្នុងតំបន់វាលរាបទន្លេគឺវឡុង សាកលវិទ្យាល័យត្រាវិញ គឺជាសាលាមួយក្នុងចំណោមសាលាដែលមានកម្មវិធីបណ្តុះបណ្តាលជាច្រើនដែលបានទទួលស្គាល់គុណភាពអប់រំអន្តរជាតិស្របតាមស្តង់ដារគុណភាពរបស់ AUN-QA, FIBAA, ABET ដែលមាន ១៣កម្មវិធី។ សាកលវិទ្យាល័យត្រាវិញអភិវឌ្ឍប្រកបដោយនិរន្តរភាព "សាកលវិទ្យាល័យបៃតង" ក្នុង៩ឆ្នាំកន្លង បន្ទាប់ពីការចុះហត្ថលេខាលើសេចក្តីប្រកាស Talloires; គឺជាសាកលវិទ្យាល័យមួយក្នុងចំណោមសាកលវិទ្យាល័យចំនួនពីរក្នុងប្រទេសវៀតណាមដែលបានជាប់ចំណាត់ថ្នាក់ TOP 200 នៃសាកលវិទ្យាល័យអភិវឌ្ឍនិរន្តរភាព និងស្និទ្ធស្នាលបរិស្ថានក្នុងពិភពលោក បន្តបង្កើនចំណាត់ថ្នាក់របស់ខ្លួនដោយជាប់ចំណាត់ថ្នាក់ទី 62 ក្នុងចំណាត់top100 នៃ WURI Ranking ឆ្នាំ២០២២។
នៅក្នុងលក្ខខណ្ឌនៃទំហំបណ្តុះបណ្តាសាកលវិទ្យាល័យមាន ៥២ មុខជំនាញបរិញ្ញាបត្រ ២៧កម្មវិធីថ្នាក់អនុបណ្ឌិត ១០កម្មវិធីបណ្តុះបណ្តាលថ្នាក់បណ្ឌិត និង៥ឯកទេសនៅកម្រិត១ វេជ្ជសាស្ត្រទូទៅ, សល្យសាស្ត្រ, សម្ភពនិងរោគស្ត្រី, រោគកុមារ, ទន្តវទនសាស្រ្តដែលមាននិស្សិតជាង ២០ ពាន់នាក់។ លើសពីនេះ សាលានៅទាំងមានប្រព័ន្ធសាលាគរុកោសល្យ មន្ទីរពេទ្យសាកលវិទ្យាល័យត្រាវិញ គ្រឹះស្ថានស្រាវជ្រាវ និងបណ្តុះបណ្តាល ... ផ្តល់ប្រព័ន្ធអេកូបណ្ដុះបណ្ដាលយ៉ាងពេញលេញសម្រាប់ខេត្តត្រាវិញ និងតំបន់។
បច្ចុប្បន្ន សាលាមានកងជួរគ្រូបង្រៀន និងបុគ្គលិកជាង ១.000 នាក់ដែលកំពុងធ្វើការ បង្រៀន និងគ្រប់គ្រង។ សាកលវិទ្យាល័យតែងប្ដូរថ្មី និងបង្កើតគោលនយោបាយដើម្បីទាក់ទាញអ្នកឯកទេស បង្កើតបរិយាកាស និងលក្ខណៈងាយស្រួលដើម្បីទាក់ទាញអ្នកជំនាញក្នុងប្រទេស និងអន្តរជាតិឱ្យមកធ្វើការក្នុងរយៈពេលខ្លី និងយូរអង្វែង។
ម៉ោងធ្វើលំហាត់នៃនិស្សិតសាកលវិទ្យាល័យត្រាវិញ
លោកបណ្ឌិត Nguyen Minh Hoa អោយដឹងថានាពេលខាងមុខ សាលានឹងបន្តប្រកាន់ខ្ជាប់នូវគោលដៅតម្រង់ទិសទៅរកសហគមន៍ កសាងសាកលវិទ្យាល័យបៃតង និងជាទីតាំងបណ្ដុះធុរកិច្ចថ្មីៗក្នុងការស្រាវជ្រាវវិទ្យាសាស្ត្រ និងការផ្តើមធ្វើអាជីវកម្ម "START UP"។ .
បង្កើតទំនាក់ទំនងរវាងនិស្សិត សាលារៀន និងសហគ្រាស។ ជំរុញការបំប្លែងឌីជីថល និងការធ្វើឌីជីថលឯកសារសិក្សា សៀវភៅ ទស្សនាវដ្តី ក្នុងប្រទេសនិងអន្តរជាតិ។ បង្កើតប្រព័ន្ធអេកូឡូស៊ីនៃការរៀនសូត្រ - ការស្រាវជ្រាវវិទ្យាសាស្ត្រ និងការផ្ទេរបច្ចេកវិទ្យា គឺជាបំណងប្រាថ្នា និងទិសដៅក្នុងចក្ខុវិស័យដល់ឆ្នាំ ២០៤៥ ។
សាលាបន្តបង្កើតក្ដីប្រាថ្នា បង្កើតអព្ភូតហេតុថ្មីនៃសាកលវិទ្យាល័យវ័យក្មេងជាមួយនឹងបំណងប្រាថ្នាធំ ជាមួយនឹងខេត្តខ្លួនដើម្បីឈានទៅកាន់សមាហរណកម្មអន្តរជាតិ។ ឆ្ពោះទៅគោលដៅក្លាយជាសាកលវិទ្យាល័យឆ្លាតវៃ បន្តបញ្ជាក់ពីគុណភាពបណ្តុះបណ្តាល បង្កើតតម្លៃបន្ថែមទៀតសម្រាប់បេសកកម្ម "នាំមកនូវឱកាសសិក្សាដ៏គុណភាពសម្រាប់សហគមន៍"។ រួមបង្កើតខ្សែសង្វាក់តម្លៃស្នូល "អស់ពីចិត្ត - តម្លាភាព - ច្នៃប្រឌិត - ស្និទ្ធស្នាល" សម្រាប់សហគមន៍។
សាលាផ្តោតលើកកម្ពស់ការបណ្តុះបណ្តាលផ្សារភ្ជាប់នឹងការស្រាវជ្រាវវិទ្យាសាស្ត្រ ផ្ទេរបច្ចេកវិទ្យា សកម្មភាពសេវាកម្មសហគមន៍ និងសហគ្រិននិស្សិត។ សាលាបានខិតខំប្រឹងប្រែងដើម្បីភ្ជាប់ជាមួយសហគ្រាសជាង ៩00 អង្គភាព ដើម្បីភ្ជាប់កម្មវិធីសិក្ខាកាម និងវគ្គបណ្តុះបណ្តាលដែលមានសក្តានុពល និងបណ្ដុះបណ្ដាលតាមអាសយដ្ឋានរបស់និយោជក ក៏ដូចជាពង្រីកកម្មវិធីបណ្តុះបណ្តាលទម្រង់ Co-op (បណ្តុះបណ្តាលសហប្រតិបតិ្តការរវាងសាលារៀន និងសហគ្រាស) – ដែលជាទម្រង់បណ្តុះបណ្តាលពិសេសរបស់សាលា។ ជួយនិស្សិតទទួលបានបទពិសោធន៍ការងារ ពង្រីកការរៀនសូត្រក្រៅថ្នាក់រៀន និងមានថ្លៃសិក្សា។ ជួយសហគ្រាសកាត់បន្ថយការចំណាយលើការបណ្តុះបណ្តាលផង និងពេលវេលាបណ្តុះបណ្តាលបន្ទាប់ពីការជ្រើសរើសពលករផង រួមចំណែកដល់ការបង្កើតការងារសម្រាប់និស្សិតបន្ទាប់ពីបញ្ចប់ការសិក្សាផង។
សាកលវិទ្យាល័យបានពង្រីកកិច្ចសហប្រតិបត្តិការជាមួយដៃគូជាង៩0អង្គភាព វិទ្យាស្ថាន និងសាលាអន្តរជាតិក្នុងវិស័យជាច្រើន៖ កិច្ចសហប្រតិបត្តិការបណ្តុះបណ្តាល ការផ្លាស់ប្តូរនិស្សិត ការផ្លាស់ប្តូរសាស្ត្រាចារ្យ និស្សិត អ្នកស្ម័គ្រចិត្ត អ្នកជំនាញអន្តរជាតិ។ កិច្ចសហប្រតិបត្តិការក្នុងការអនុវត្តគម្រោងផ្តល់ជំនួយ ការស្រាវជ្រាវអនុវត្ត ពង្រាយគម្រោងជាច្រើនទាក់ទងនឹងការផ្តល់មូលនិធិអាហារូបករណ៍រយៈពេលខ្លី និងរយៈពេលវែងសម្រាប់សាស្ត្រាចារ្យ និងនិស្សិត អភិវឌ្ឍ Lab - បរិយាកាសច្នៃប្រឌិតសម្រាប់និស្សិត សាស្ត្រាចារ្យ តំណភ្ជាប់បណ្តុះបណ្តាលអន្តរាជាតិ…
បច្ចុប្បន្ននេះ សាកលវិទ្យាល័យត្រាវិញគឺជាសមាជិកនៃអង្គការ CDIO ដែលជាអង្គការដាក់សំណើរក្របខណ្ឌអប់រំ ដើម្បីលើកកម្ពស់គុណភាពបណ្តុះបណ្តាលនៅសាកលវិទ្យាល័យបច្ចេកទេសនានាក្នុងពិភពលោក។ លើសពីនេះ សាលាក៏ជាសមាជិកទី 151 នៃសមាគមឧត្តមសិក្សាសហគមន៍Canada ដែលបច្ចុប្បន្នជាសមាគមឧត្តមសិក្សា និងវិទ្យាស្ថានCanada (CICan)។
លោកបណ្ឌិត Nguyen Minh Hoa បានចែករំលែកថា៖ ខេត្តត្រាវិញកំណត់យកធនធានមនុស្សប្រកបដោយគុណភាពខ្ពស់ជាកត្តាស្នូល ដើរតួនាទីសម្រេចចិត្តក្នុងការអភិវឌ្ឍសេដ្ឋកិច្ច-សង្គម កំណត់ជោគជ័យនៃឧស្សាហូបនីយកម្ម ភាវូបនីយកម្ម និងសមាហរណកម្មអន្តរជាតិ។ ជាង ២0 ឆ្នាំនៃការបង្កើត និងអភិវឌ្ឍពីឧត្តមសិក្សាសហគមន៍ត្រាវិញ រួមជាមួយនឹងលទ្ធផលអនុវត្តជោគជ័យនៃគម្រោងឧត្តមសិក្សាសហគមន៍វៀតណាម-Canada សាកលវិទ្យាល័យត្រាវិញបានអះអាងជាបណ្តើរៗនូវគោលជំហររបស់ខ្លួនក្នុងការបណ្តុះបណ្តាលធនធានមនុស្សប្រកបដោយគុណភាពសម្រាប់ខេត្ត តំបន់ និងទូទាំងប្រទេស។ រួមចំណែកក្នុងការលើកកម្ពស់ប្រជាបញ្ញា រួមចំណែកដល់ការអភិវឌ្ឍសេដ្ឋកិច្ច វប្បធម៌-សង្គមរបស់ខេត្ត តំបន់ និងប្រទេសទាំងមូល។ កិត្តិនាមរបស់សាកលវិទ្យាល័យត្រាវិញត្រូវបានលើកកម្ពស់ឥតឈប់ឈរតាមរយៈសកម្មភាពជាក់ស្តែងមិនត្រឹមតែក្នុងប្រព័ន្ធអប់រំឧត្តមសិក្សានៅប្រទេសវៀតណាមប៉ុណ្ណោះទេ ថែមទាំងក្នុងឆាកអន្តរជាតិទៀតផង។
ប្រភព៖https://giaoducthoidai.vn/preview/articles/preview-02h4Q6C7g.preview
អត្ថបទដោយ៖ PV
ប្រែសម្រួលដោយ៖ Van Thon