(GSV-GV)នារសៀលថ្ងៃទី ១៩ ខែមិថុនា មហាសន្និបាតសម្ព័ន្ធយុវជនកុម្មុយនិស្តហូជីមិញ នៃសាកលវិទ្យាល័យត្រាវិញ លើកទី៩ អាណត្តិ ២០២២ - ២០២៤ បានប្រព្រឹត្តទៅដោយជោគជ័យ ដោយមានការចូលរួមរបស់គណៈប្រតិភូជាផ្លូវការចំនួន ១២០ នាក់មកពីបណ្តាមូលដ្ឋានសម្ព័ន្ធយុវជនជាចំណុះ។
មហាសន្និបាតមានកិត្តិយសទទួលស្វាគមន៍លោក Tran Tri Cuongសមាជិកគណៈប្រតិបត្តិការ សម្ព័ន្ធយុវជនមជ្ឈិម លេខាសម្ព័ន្ធយុវជនខេត្តត្រាវិញ សាស្ត្រាចារ្យរង បណ្ឌិត Pham Tiet Khanh លេខាគណៈកម្មាធិការបក្ខភាគ ប្រធានក្រុមប្រឹក្សាភិបាលសាកលវិទ្យាល័យត្រាវិញ លោក Tran Hoan Kim ប្រធានក្រុមប្រឹក្សាសាលា គណៈអធិការសាលា សមមិត្តគណៈប្រតិបត្តិការនៃសម្ព័ន្ធយុវជនសាកលវិទ្យាល័យត្រាវិញ គណៈប្រតិបត្តិការនៃសមាគមនិស្សិតសាកលវិទ្យាល័យត្រាវិញ បណ្ដាអង្គភាពជាមិត្ត អតិតៈគណៈប្រតិបត្តិការនៃសម្ព័ន្ធយុវជនសាកលវិទ្យាល័យត្រាវិញគ្រប់ជំនាន់ និងតំណាងថ្នាក់ដឹកនាំនៃការិយាល័យ មជ្ឈមណ្ឌលចំណុះសាលា។
ជាមួយនឹងពាក្យស្លោកសកម្មភាព "សាមគ្គី - ឈានមុខ - ប្រាថ្នា - ច្នៃប្រឌិត - ទម្លាយ - អភិវឌ្ឍន៍" មហាសន្និបាទបានដំណើរការយ៉ាងយកចិត្តទុកដាក់នៅថ្ងៃទី១៩ខែមិថុនាជាមួយនឹងមាតិកាសំខាន់ៗជាច្រើននៅក្នុងកម្មវិធីការងារ។
ក្នុងកិច្ចប្រជុំការងារដំបូង អង្គប្រជុំបានអនុម័តលើសេចក្តីព្រាងរបាយការណ៍បូកសរុបអាណត្តិ២០១៩ - ២០២២; គោលបំណង ភារកិច្ច ដំណោះស្រាយចំពោះកិច្ចការសម្ព័ន្ធយុវជន និងចលនាយុវជនអាណត្តិ ២០២២ - ២០២៤; អនុម័តរបាយការណ៍ត្រួតពិនិត្យរបស់ក្រុមប្រឹក្សាប្រតិបត្តិអាណត្តិ ២០១៩ - ២០២២; សំយោគមតិកសាងលើសេចក្តីព្រាងសំណុំឯកសារនៃមហាសន្និបាតសម្ព័ន្ធយុវជនជាន់ខ្ពស់; ជ្រើសរើសគណៈកម្មាធិការប្រតិបត្តិសម្ព័ន្ធយុវជនសាកលវិទ្យាល័យនីតិកាលថ្មី។
យោងតាមសេចក្តីព្រាងរបាយការណ៍អាណត្តិ ២០១៩ - ២០២២ ដោយមានការយកចិត្តទុកដាក់ និងដឹកនាំបញ្ជាពីគណៈកម្មាធិការបក្ស គណៈនាយកសាកលវិទ្យាល័យនិងសាមគ្គីភាព ការគាំទ្ររបស់សមាជិកសម្ព័ន្ធ បានដឹកនាំចលនាសម្ព័ន្ធយុវជនសម្រេចបានលទ្ធផលខ្ពស់ក្នុងបណ្ដាវិស័យដូចជា៖ ការផ្សព្វផ្សាយអប់រំ; ចលនាសកម្មភាពបដិវត្តន៍; កម្មវិធីរួមដំណើរជាមួយយុវជន; ការងារអន្តរជាតិយុវជន; ការងារកសាងសម្ព័ន្ធយុវជនពង្រីករណសិរ្សសាមគ្គីប្រមូលផ្តុំយុវជន; ការងារចូលរួមកសាង និងការពារបក្ស និងប្រព័ន្ធនយោបាយ។
ជាពិសេសក្នុងអាណត្តិ២០១៤-២០១៧ សម្ព័ន្ធយុវជនសាកលវិទ្យាល័យបានអនុវត្តសំណង់យុវជនយ៉ាងល្អនៅថ្នាក់ទាំង៣គឺក្រុមសម្ព័ន្ធ សម្ព័ន្ធមូលដ្ឋាន និងសម្ព័ន្ធយុវជនសាកលវិទ្យាល័យ។ ធ្វើចលនា និងសាងសង់ផ្ទះមេត្តាធម៌ ០៥ខ្នង ជូនដល់កម្មាភិបាលសមាជិកសម្ព័ន្ធ ឬគ្រួសារដែលមានការលំបាកលំនៅឋាន; ផ្តល់អាហារូបករណ៍ចំនួន ១២០ចំណែក ដើម្បីគាំទ្រដល់សិស្សានុសិស្សដែលមានការលំបាកលំនៅឋាន។ រៀបចំសកម្មភាពចំនួន ៤០ ដើម្បីគាំទ្រដល់យុវជនដែលមានការចាប់ផ្ដើមអាជីវកម្ម។
មានគម្រោងស្រាវជ្រាវវិទ្យាសាស្ត្រកម្រិតសាកលវិទ្យាល័យចំនួន ២៨ត្រូវបានពិនិត្យនិងទទួលយក ក្នុងនោះមានគម្រោងនៃនិស្សិតចំនួន ២៦។ ការអភិវឌ្ឍន៍សមាជិកបក្សក្នុងចំណោមនិស្សិតតែងតែផ្តោតការយកចិត្តទុកដាក់ ទទួលស្គាល់សមាជិកបក្សថ្មីចំនួន ៨៩រូប ល។ល
មហាសន្និបាតទទួលបានមតិជាច្រើនផ្តោតលើសកម្មភាពស្រាវជ្រាវវិទ្យាសាស្ត្រ ចលនាចាប់ផ្តើមអាជីវកម្ម ការអភិវឌ្ឍន៍សមាជិកបក្សក្នុងចំនោមនិស្សិត សកម្មភាពស្ម័គ្រចិត្ត ការពារបរិស្ថាន... ១០០% ប្រតិភូបានបោះឆ្នោតជាឯកច្ឆ័ន្ទ អនុម័តលើបទដ្ឋានសំខាន់ៗចំនួន ១៤ក្នុងអាណត្តិថ្មី។
មហាសន្និបាតបានជ្រើសរើសសមមិត្តឆ្នើម មានសមត្ថភាព និងភាពក្លាហានចំនួន ២៧រូប ទៅកាន់គណៈកម្មាធិការប្រតិបត្តិនៃសម្ព័ន្ធយុវជនសាកលវិទ្យាល័យត្រាវិញនីតិកាលទីIX អាណត្តិ ២០២២ - ២០២៤។ បោះឆ្នោតជ្រើសរើសគណៈកម្មាធិការអចិន្ត្រៃយ៍រួមមានសមមិត្តចំនួន ០៩ រូប និងសមមិត្ត ចំនួន០៥រូបត្រូវបានបោះឆ្នោតជ្រើសរើសទៅកាន់គណៈកម្មាធិការត្រួតពិនិត្យ។
សមមិត្ត Nguyen Van Vu An ជាប់ឆ្នោតឡើងវិញជាលេខាសម្ព័ន្ធយុវជនសាកលវិទ្យាល័យ។ សមមិត្ត Tran Van Trieuសមមិត្ត Pham Le Phuong Thao និងសមមិត្ត Pham Tuan Huyបានបន្តជាប់ឆ្នោតជាអនុលេខាសម្ព័ន្ធយុវជនសាកលវិទ្យាល័យឡើងវិញ។
ថ្លែងមតិក្នុងអង្គសន្និបាត សមមិត្ត Tran Tri Cuongសមាជិកគណៈកម្មាធិការសម្ព័ន្ធយុវជនមជ្ឈិម លេខាសម្ព័ន្ធយុវជនខេត្តត្រាវិញបានវាយតម្លៃខ្ពស់ចំពោះលទ្ធផលដែលយុវជនសាកលវិទ្យាល័យត្រាវិញសម្រេចបានក្នុងរយៈពេលកន្លងមក ក៏ដូចជាការទទួលស្គាល់ទាំងគុណសម្បត្តិ និងគុណវិបត្តិដោយស្មោះត្រង់របស់គណៈកម្មាធិការប្រតិបត្តិសម្ព័ន្ធយុវជនសាកលវិទ្យាល័យ។
ក្នុងកិច្ចប្រជុំការងារលើកទី២ អង្គសន្និបាតបានរាយការណ៍អំពីលទ្ធផលនៃកិច្ចប្រជុំការងារលើកទី១ ហើយបានពិភាក្សា និងបោះឆ្នោតលើទិសដៅប្រតិបត្តិការសម្រាប់អាណត្តិ ២០២២ - ២០២៤។ ជាមួយនឹងសមិទ្ធិផលដែលសម្រេចបាន អង្គសន្និបាតបានទទួលស្គាល់ដោយស្មោះត្រង់និងមិនលំអៀងនូវចំណុចខ្សោយនិងការខ្វះខាតដែលនៅតែមានក្នុងរយៈពេលកន្លងនេះ ព្រមជាមួយនឹងស្នើវិធានការដោះស្រាយស្របតាមការអភិវឌ្ឍទូទៅនៃចលនានិស្សិតនៃសាកលវិទ្យាល័យ។
មហាសន្និបាតបានបន្តជ្រើសរើសសមមិត្តចំនួន ២២រូប ដើម្បីចូលរួមមហាសន្និបាត នៃសម្ព័ន្ធយុវជនកុម្មុយនិស្តហូជីមិញខេត្តត្រាវិញ លើកទី១១ អាណត្តិ ២០២២ - ២០២៧។
មានប្រសាសន៍ណែនាំអង្គសន្និបាត លោក Huynh Van Muoi Motអនុលេខាគណៈកម្មាធិការបក្សបានទទួលស្គាល់ការរួមវិភាគទាន និងការលះបង់របស់គណៈកម្មាធិការប្រតិបត្តិទាំងមូលនៃសម្ព័ន្ធយុវជននីតិកាលទី៨។ លោកជឿជាក់ថា គណៈកម្មាធិការប្រតិបត្តិថ្មីនឹងលើកកម្ពស់សមត្ថភាពពេញលេញរបស់ខ្លួនក្នុងការអនុវត្តសេចក្តីសម្រេចចិត្តរបស់មហាសន្និបាតដោយជោគជ័យ។
ជាមួយនឹងកម្លាំងរឹងមាំ ភាពច្នៃប្រឌិត ស្មារតីស្ម័គ្រចិត្ត យុវជននៃសកលវិទ្យាល័យត្រាវិញប្តេជ្ញាបន្តសាមគ្គី បង្រួបបង្រួម ខិតខំប្រឹងប្រែងអភិវឌ្ឍនូវទំនៀមទម្លាប់ល្អ ប្តេជ្ញាអនុវត្តប្រកបដោយជោគជ័យនូវសេចក្តីសម្រេចចិត្តរបស់មហាសន្និបាត នាំយកស្មារតីនៃសេចក្តីសម្រេចចិត្តរបស់មហាសន្និបាតទៅដល់ សមាជិកសម្ព័ន្ធយុវជនទាំងអស់ បន្តអភិវឌ្ឍចលនាសម្ព័ន្ធយុវជននៃសាកលវិទ្យាល័យត្រាវិញយ៉ាងរឹងមាំនិងខ្លាំងក្លា រួមចំណែកអនុវត្តការងារនយោបាយរបស់សាកលវិទ្យាល័យឲ្យបានជោគជ័យ។
ក្នុងឱកាសនេះ គណៈកម្មាធិការប្រតិបត្តិសម្ព័ន្ធយុវជនខេត្តត្រាវិញ និងគណៈនាយកសាកលវិទ្យាល័យត្រាវិញ បានប្រគល់ប័ណ្ណសរសើរដល់បណ្ដាក្រុម និងបុគ្គលដែលមានស្នាដៃល្អក្នុងអាណត្តិកន្លងមកនេះ។
អត្ថបទដោយ៖ Hoang Nam – Hoang Tinh
ប្រែសម្រួលដោយ៖Diem Phuc