សិក្ខាសាលាអន្តរជាតិ «បញ្ហានានានៃការសិក្សាស្រាវជ្រាវអំពីវិទ្យាសាស្ត្រវិស្វកម្ម – RET2022»
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 22 កក្កដា 2022
- ចុចដង៖ 275
សិក្ខាសាលាអន្តរជាតិឆ្នាំ២០២២ស្ដីពី «បញ្ហានានានៃការសិក្សាស្រាវជ្រាវអំពីវិទ្យាសាស្ត្រវិស្វកម្ម – RET2022» ដែលនឹងប្រព្រឹត្តឡើងចាប់ពីថ្ងៃទី១២ ដល់ ថ្ងៃទី១៣ ខែសីហាឆ្នាំ២០២២ នៅសាកលវិទ្យាល័យត្រាវិញដោយមានប្រធានបទទាក់ទងទៅនឹង បច្ចេកវិទ្យាពត៌មាន មេកានិច គ្រឿងយន្ត សំណង់ បញ្ជានិងស្វ័យប្រវត្តកម្ម អគ្គិសនី-អេឡិចត្រូនិច អនុវត្ត AI និងកម្មសិទ្ធិបញ្ញា។
សិក្ខាសាលា RET2022 គឺជាព្រឹត្តិការណ៍ប្រចាំឆ្នាំត្រូវបានរៀបចំឡើងក្នុងគោលបំណងដើម្បីភ្ជាប់ទំនាក់ទំនងអ្នកវិទ្យាសាស្ត្រក្នុងនិងក្រៅប្រទេស។ ជាងនេះទៅទៀតសិក្ខាសាលានៅទាំងជាវេទិកាដើម្បីដោះដូរវិស័យវិទ្យាសាស្ត្រវិស្វកម្ម ចែករំលែកនូវលទ្ធផលក៏ដូចជាបទពិសោធក្នុងការសិក្សាស្រាវជ្រាវរបស់ជាមួយនឹងបណ្ដាវិស្វករ អ្នកវិទ្យាសាស្ត្រ អ្នកប្រាជ្ញទាំងឡាយនៅក្នុងនិងក្រៅប្រទេស ហើយព្រឹត្តិការណ៍នេះទៀតសោតក៏ជាទីកន្លែងដើម្បីបង្ហាញនូវលទ្ធផលសិក្សាស្រាវជ្រាវ ការអនុវត្តនានារបស់គ្រូបង្រៀន សិក្ខាកាម និងនិស្សិតនៃបណ្ដាសាកលវិទ្យាល័យ សាកលវិទ្យាល័យរងផងដែរ។
សិក្ខាសាលា RET2022 លើកនេះនឹងត្រូវបានរៀបចំឡើងដោយផ្ទាល់ និងអនឡាញតាមរយៈ ZOOM ដោយមានការចូលរួមពីសំណាក់អ្នកវិទ្យាសាស្ត្រ វិស្វករ និស្សិតថ្នាក់ក្រោយបរិញ្ញាដែលមកពីក្នុង និងក្រៅប្រទេស។ ជាពិសេស ដោយមានប្រធានបទធំៗចំនួន៤ ដែលនឹងត្រូវបានធ្វើបទបង្ហាញ ពីអ្នកវិទ្យាសាស្ត្រល្បីៗមានបទពិសោធជាច្រើនឆ្នាំក្នុងវិស័យសិក្សាស្រាវជ្រាវអញ្ជើញមកពីសហរដ្ឋអាមេរិក តៃវ៉ាន់ និងវៀតណាម។
អត្ថបទល្អៗដែលឆ្លើយតបបាននូវតម្រូវការរបស់អង្គសិក្ខាសាលានឹងត្រូវបានចុះផ្សាយក្នុងព្រឹត្តិបត្រនៃអង្គសិក្ខាសាលាដោយមានលេខកូដ ISBN។ ជាពិសេស អត្ថបទណាដែលសរសេរបានល្អលេចធ្លោនឹងត្រូវបានជ្រើលរើសដើម្បីចុះផ្សាយក្នុងទស្សនាវដ្ដីវិទ្យាសាស្ត្រនៃសាកលវិទ្យាល័យត្រាវិញ និងទស្សនាវដ្ដីសុវត្ថិភាពពត៌មាន។
សិក្ខាសាលា RET2022 លើកនេះទទួលបានការយកចិត្តទុកដាក់ និងការឧបត្ថម្ភគាំទ្រពីសាជីវកម្មនានាជាច្រើន។ ក្នុងនោះមានការឧបត្ថម្ភពិសេសពីក្រុមហ៊ុន Mitsubishi ElectricViet Nam (MEVN) និងក្រុមហ៊ុនអគ្គិសនីយ្វៀនហាយចំណុះក្រុមហ៊ុនអគ្គិសនី១(EVNGENCO1)។
ពត៌មានលម្អិតសូមចូលទៅកាន់គេហទំព័រ៖ https://sites.google.com/tvu.edu.vn/ret
អត្ថបទ៖ Anh Duyen
ប្រែសម្រួលដោយ៖ Seha Thach