សាកលវិទ្យាល័យបញ្ជូនកងកម្លាំងនិស្សិតចូលរួមយុទ្ធនាការវិស្សមកាលស្ម័គ្រចិត្ត ២០២២
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 25 កក្កដា 2022
- ចុចដង៖ 262
ព្រឹកថ្ងៃទី៩ ខែកក្កដា ឆ្នាំ២០២២ យុទ្ធជនស្ម័គ្រចិត្តចំនួន ២០០រូប នៃសាកលវិទ្យាល័យត្រាវិញបានចូលរួមពិធីបញ្ជូនកងកម្លាំងចូលរួមយុទ្ធនាការវិស្សកាលស្ម័គ្រ ២០២២។ អញ្ជើញចូលរួមកម្មវិធីមានលោកអនុសាស្ត្រាចារ្យបណ្ឌិត Diep Thanh Tung សាកលវិទ្យាធិការរង ជាប្រធានបញ្ជាការនៃរដូវវិស្សមកាលឆ្នាំនេះ បានទូងស្គរជាសញ្ញាចេញដំណើរ។
យុទ្ធនាការវិស្សមកាលស្ម័គ្រចិត្តឆ្នាំ២០២២ បានសម្ព័ន្ធយុវជននៃសាកលវិទ្យាល័យត្រាវិញផ្ដួចផ្ដើមឡើងចាប់តាំងពីថ្ងៃទី១០ ខែកក្កដា ដល់ថ្ងៃទី១៥ ខែសីហា ឆ្នាំ២០២២ ដោយមានសកម្មភាពជាច្រើនដែលប្រកបដោយអត្ថន័យ ប្រសិទ្ធិភាព សុវត្ថិភាព ប្រិតសំចៃ ឆ្លើយតបបាននូវតម្រូវការរបស់ស្រុកភូមិនីមួយៗ។
មានប្រសាសន៍ក្នុងពិធី លោកបណ្ឌិត សាស្ត្រាចារ្យរង Diep Thanh Tung សាកលវិទ្យាធិការរង ប្រធានយុទ្ធនាការបានបញ្ជាក់ថា៖ យុទ្ធនាការនេះគឺជាសកម្មភាពដែលប្រមូលផ្ដុំយុវជននិងយុវនារី សបញ្ជាក់នូវស្មារតីឈានមុខ ច្នៃប្រឌិត ភាពសកម្មនៃយុវវ័យ ចូលរួមបំពេញនូវភារកិច្ចដ៏មានអត្ថន័យ បម្រើសហគមន៍។
លោកសាកលវិទ្យាធិការរងសង្ឃឹមថា ភាពសកម្ម ការខិតខំបម្រើ ចូលរួមយុទ្ធនាការនេះដោយទឹកចិត្តចង់ជួយដល់ប្រជាជន កងកម្លាំងយុវជនសាកលវិទ្យាល័យត្រាវិញ នឹងរួមចំណែកបង្កើតនូវថ្វីដៃថ្មី នូវរូបភាពល្អប្រសើរនៃស្រទាប់យុវជនក្នុងបេះដូងអ្នកស្រុកអ្នកភូមិនិងសង្គម។
តាមមតិរបស់លោកNguyen Van Vu An ជាលេខាសម្ព័ន្ធយុវជនសាលា អនុប្រធានបញ្ជការប្រចាំការនៃយុទ្ធនាការ លោកបានឲ្យដឹងថា ជាមួយនឹងប្រធានបទ "យុវជនសាកលវិទ្យាល័យត្រាវិញ ច្នៃប្រឌិត ឈានមុខ ស្ម័គ្រចិត្តដើម្បីសហគមន៍"ចូលរួមរដូវវិស្សមកាលលើកនេះសាលាមានយុវជនស្ម័គ្រចិត្តចំនួន ៤០រូបដែលជួយកសាងសំណង់មួយចំនួននៅឃុំ Hoa Tan ស្រុកកូវកែ និង ឃុំ Thanh Hoa Son ស្រុកកូវង៉ាង។
មានយុទ្ធជនចំនួន ១០៥នាក់បានចូលរួម៧ក្រុមជំនាញថ្នាក់ខេត្ត មានដូចជា៖ ក្រុមគូរប្លង់-កសាងទីធ្លាកម្សាន្តសម្រាប់កុមារ ក្រុមឃោសនាបង្ការប្រឆាំងគ្រោះលង់ទឹកនិងបង្រៀនហែល ក្រុងជួសជុលគ្រឿងអគ្គិសនីនិងដំឡើងអំពូលភ្លើង ក្រុមហ្វឹកហ្វឺននិងផ្ទេរជូនបច្ចេកទេស ក្រុមផ្សព្វផ្សាយច្បាប់ ក្រុមថែទាំសុខភាពនិងផ្សព្វផ្សាយអំពីកិច្ចបង្ការប្រឆាំងជំងឺ Covid-19និងក្រុមបង្រៀនភាសាអង់គ្លេស។ ទន្ទឹមនឹងនោះ នៅមានយុទ្ធជនចំនួន ៣០០០ នាក់ទៀតចូលរួមត្រឹមថ្ងៃសៅរ៍និងថ្ងៃអាទិត្យ នៅបណ្តាសង្កាត់ ឃុំក្នុងខេត្ត។
ក្នុងរយៈពេលនៃយុទ្ធនាការ យុវវ័យសាកលវិទ្យាល័យត្រាវិញនឹងអនុវត្តបទដ្ឋានចំនួន ០៩ រួមមាន៖ សង់ផ្ទះមនុស្សធម៌ថ្មីជូនគ្រួសារក្រីក្រ យ៉ាងតិចបានមួយខ្នង ផ្តល់និងជំនួយដល់កុមារក្រីក្រចំនួន៥០រូប សង់កន្លែងកម្សាន្តសម្រាប់កុមារចំនួនមួយកន្លែង ឃោសនាការចូលរួមគំនិតច្នៃប្រឌិតចំនួន១០០ ពីបណ្ដាយុវជន លើគេហទំព័រគំនិតច្នៃប្រឌិតរបស់មជ្ឈិមសម្ព័ន្ធយុវជន ហូជីមិញ។
មានយ៉ាងតិច ៣០០០ លើក យុវជនចូលរួមសកម្មភាពស្ម័គ្រចិត្ត ចាត់តាំងសកម្មភាពបង្ការប្រឆាំងនឹងគ្រោះលង់ទឹក គ្រោះថ្នាក់ផ្សេងៗ និងបំពានលើកុមារបញ្ចូលយុវជនថ្មីចំនួន១០០រូបទៅក្នុងសម្ព័ន្ធ បំប៉ន់និងទទួលស្គាល់បក្ខជនថ្មីចំនួន ៤០រូប ជាបក្ខជនកុម្មុយនិស្តវៀតណាម សហការជាមួយឃុំ ភូមិនៅមូលដ្ឋានទៅជូនអំណោយដល់គ្រួសារគោលនយោបាយ យ៉ាងតិចបាន៣០គ្រួសារ។
អត្ថបទដោយ៖ Hoàng Nam
ប្រែសម្រួលដោយ៖ Omnara