ប្រទានរង្វាន់ពិធីប្រឡង Olympic គណិតវិទ្យាសិស្សនិស្សិតថ្នាក់ជាតិឆ្នាំ២០២២អោយនិស្សិតសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 29 កក្កដា 2022
- ចុចដង៖ 306
ព្រឹកថ្ងៃទី២២ខែមិថុនា សាកលវិទ្យាល័យត្រាវិញចាត់តាំងកម្មវិធីបូកសរុបនិងប្រទានជូនរង្វាន់ពិធីប្រឡង Olympic គណិតវិទ្យាសិស្សនិស្សិតថ្នាក់ជាតិលើកទី២៨ (បានចាត់តាំងឡើងពីថ្ងៃ២៣-២៤ខែមេសាឆ្នាំ២០២២)។
ក្នុងកម្មវិធីមានការចូលរួមនៃ សាស្ត្រាចារ្យរង បណ្ឌិត Pham Tiet Khanh លេខាបក្ខភាគ ប្រធានក្រុមប្រឹក្សាភិបាលសាកលវិទ្យាល័យត្រាវិញ បណ្ឌិត Nguyen Van Sau ព្រឹទ្ធបុរសមហាវិទ្យាល័យវិទ្យាសាស្ត្រមូលដ្ឋាន ព្រមទាំងលោកគ្រូ អ្នកគ្រូដេប៉ាតឺម៉ង់គណិតវិទ្យា និងនិស្សិតដែលទទួលជ័យលាភីក្នុងពិធីប្រឡង។
ក្នុងពិធីប្រឡងឆ្នាំនេះ សាលាមាននិស្សិតចំនួន៥រូបចូលរួមប្រឡងវិញ្ញាសាគណិតវិភាគ និស្សិតចំនួន៥រូបចូលរួមប្រឡងវិញ្ញាសាពិជគណិត។ និស្សិតទាំងអស់នេះបានទទួលវិញ្ញាបណ្ណប័ត្រពីគណៈចាត់តាំង។ លទ្ធផលវិញ្ញាសារវិភាគ ប្អូន Cao Ka Ka និស្សិតថ្នាក់បច្ចេកវិទ្យាពត៌មានBឆ្នាំ២០២០ ទទួលរង្វាន់លេខ៣ និងប្អូន Huynh Tran Tuan Anh និស្សិតថ្នាក់បច្ចេកវិទ្យាពត៌មាន Aឆ្នាំ២០២០ទទួលរង្វាន់លើកទឹកចិត្ត។ ចំណែកប្អូន Nguyen Thi Huynh Nhu និស្សិតថ្នាក់បច្ចេកវិទ្យាពត៌មាន C ឆ្នាំ២០២០ ទទួលបានរង្វាន់លេខ២វិញ្ញាសាពិជគណិត
ក្រៅពីនេះ គណៈអធិការសាលាបានជូនប័ណ្ណសរសើរនិងកម្រងផ្កាដល់លោកគ្រូ អ្នកគ្រូដែលចូលរួមក្នុងការបង្ហាត់បង្រៀននិស្សិតចូលរួមប្រឡងក្នុងឆ្នាំនេះដែរ។
មានប្រសាសន៍ក្នុងកម្មវិធី សាស្ត្រាចារ្យរង បណ្ឌិត Pham Tiet Khanh សង្ឃឹមថាប្អូនៗនឹងប្រឹងប្រែងថែមទៀតបន្តការអនុវត្តគោលបំណងប្រាថ្នារបស់ខ្លួនអោយបានសម្រេចជាស្ថាពរ និងទទួលបានលទ្ធផលប្រសើថែមទៀត ដើម្បីរួមចំណែកកសាងភូមិស្រុក។ សាលានឹងកត់សម្គាល់ការខិតខំនៃលោកគ្រូ អ្នកគ្រូចូលរួមក្នុងការបង្ហាត់រំលឹកមេរៀនជូននិស្សិត ព្រមទាំងការស្វាធ្យាយប្រឹងប្រែងអស់ពីចិត្តរបស់ប្អូនៗនិស្សិតដើម្បីនឹងទទួលបានលទ្ធផលល្អគួជាទីកត់សម្គាល់នេះ។
ពិធីប្រឡងOlympicគណិតវិទ្យាសិស្សនិស្សិតថ្នាក់ជាតិលើកទី២៨នេះ ជាសកម្មភាពប្រចាំឆ្នាំ ដែលសមាគមគណិតវិទ្យាវៀតណាមរួមសហការជាមួយនឹងក្រសួងអប់រំនិងបណ្ដុះបណ្ដាល សហព័ន្ធបណ្ដាសមាគមវិទ្យាសាស្ត្រនិងបច្ចេកទេសវៀតណាម និង សមាគមនិស្សិតវៀតណាមមជ្ឈិមចាត់តាំងឡើង។ ពិធីនេះដែរជាទីតាំងដើម្បីអោយសិស្សនិស្សិតបញ្ចេញនៃការស្រឡាញ់ពេញចិត្តក្នុងការសិក្សារៀនសូត្រនៃមុខវិជ្ជានេះ។
អត្ថបទដោយ៖ Hanh Nguyen
ប្រែសម្រួលដោយ៖ Sa Phone