លោកបណ្ឌិត Jacob Ryan Adams នៃសាកលវិទ្យាល័យ Stavanger ប្រទេសន័រវែស ធ្វើទស្សនកិច្ចនៅសាកលវិទ្យាល័យត្រាវិញ
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 12 មករា 2023
- ចុចដង៖ 233
កាលពីថ្ងៃទី២០ ខែធ្នូ ឆ្នាំ២០២២ សាកលវិទ្យាល័យត្រាវិញបានធ្វើការជាមួយលោកបណ្ឌិត Jacob Ryan Adams មកពីសាកលវិទ្យាល័យ Stavanger នៃប្រទេសន័រវែស បានពិភាក្សាអំពីលទ្ធភាព នៃកិច្ចសហប្រតិបត្តិការក្នុងវិស័យបណ្តុះបណ្តាលឯកទេសនីតិសាស្ត្រថ្នាក់ក្រោយបរិញ្ញាបត្រ។
ទទួលស្វាគមន៍និងធ្វើការជាមួយ Dr. Jacob Ryan Adams មានលោកសាស្រ្តាចារ្យរង បណ្ឌិត Nguyen Hong Ha ព្រឹទ្ធបុរសរងនៃមហាវិទ្យាល័យសេដ្ឋកិច្ច និងនីតិសាស្ត្រ លោកស្រីបណ្ឌិត Huynh Thi Truc Linh ព្រឹទ្ធបុរសរងនៃមហាវិទ្យាល័យសេដ្ឋកិច្ច និងនីតិសាស្ត្រ អ្នកគ្រូ Ngo Thi Phuong Thao គ្រូបង្រៀនដេប៉ាតឺម៉ង់នីតិសាស្ត្រ; លោកស្រី Diep Bao Anh តំណាងការិយាល័យសហប្រតិបត្តិការអន្តរជាតិ ព្រមទាំងលោកគ្រូ អ្នកគ្រូមកពីមហាវិទ្យាល័យសេដ្ឋកិច្ច និងនីតិសាស្ត្រ នៃសាកលវិទ្យាល័យត្រាវិញបានចូលរួមផងដែរ។
លោកសាស្រ្តាចារ្យរង បណ្ឌិត Nguyen Hong Ha ព្រឹទ្ធបុរសរងនៃមហាវិទ្យាល័យសេដ្ឋកិច្ច និងនីតិសាស្ត្រ បានឧទ្ទេសនាមដោយសង្ខេបអំពីសាកលវិទ្យាល័យ សកម្មភាពស្រាវជ្រាវ និងបណ្តុះបណ្តាលរបស់សាលា និងចែករំលែកព័ត៌មានអំពីការបណ្តុះបណ្តាលឯកទេសនីតិសាស្ត្រនៅសាកលវិទ្យាល័យត្រាវិញ។ ទន្ទឹមនឹងនោះ លោកបានបង្ហាញអំពីទិសដៅ និងលើកឡើងនូវសេចក្ដីសំណើពីលទ្ធភាពលើកិច្ចសហប្រតិបត្តិការ ដែលមហាវិទ្យាល័យ និងសាលាចាប់អារម្មណ៍នាពេលខាងមុខ។
លោកបណ្ឌិត Jacob Ryan Adams បានចែករំលែកកម្មវិធីបណ្តុះបណ្តាលថ្នាក់អនុបណ្ឌិតឯកទេសនីតិសាស្ត្ររបស់សាកលវិទ្យាល័យ Stavanger និងបានស្នើនូវលទ្ធភាពសម្រាប់កិច្ចសហប្រតិបត្តិការក្នុងវិស័យបណ្តុះបណ្តាល ការស្រាវជ្រាវវិទ្យាសាស្ត្រ ចាត់តាំងសិក្ខាសាលាអន្តរជាតិ ផ្លាស់ប្តូរគ្រូបង្រៀន និងនិស្សិតឯកទេសនីតិសាស្ត្ររវាងសាលាទាំងពីរ។
ស្របឱកាសនេះដែរ លោកបណ្ឌិត Jacob Ryan Adams បានទៅទស្សនានៅសាកលវិទ្យាល័យត្រាវិញ មហាវិទ្យាល័យសេដ្ឋកិច្ច និងនីតិសាស្ត្រ មជ្ឈមណ្ឌលបណ្តុះបណ្តាលឡូជីស្ទិច និងពាណិជ្ជកម្មអេឡិចត្រូនិច និងវិទ្យាស្ថានបណ្តុះបណ្តាលអន្តរជាតិនៃសាកលវិទ្យាល័យត្រាវិញ។
អត្ថបទដោយ៖ Hanh Nguyen
ប្រែសម្រួលដោយ៖ Van Thon