និស្សិតសាកលវិទ្យាល័យត្រាវិញជាមួយនឹងវគ្គប្រឡងផ្សព្វផ្សាយច្បាប់
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 16 មករា 2023
- ចុចដង៖ 244
ថ្ងៃទី១៥ ខែធ្នូ ឆ្នាំ២០២២ សាកលវិទ្យាល័យត្រាវិញបានសហការជាមួយមន្ទីរការងារ យុទ្ធជនពិការ និងសង្គមកិច្ច ចាត់តាំងឡើងនូវកម្មវិធីប្រឡងផ្សព្វផ្សាយច្បាប់ក្រោមប្រធានបទ “និស្សិតសាកលវិទ្យាល័យត្រាវិញជាមួយនឹងច្បាប់សមភាពយេនឌ័រ កម្មវិធីបង្ការនិងប្រឆាំងអំពើហិង្សាលើមូលដ្ឋានយេនឌ័រ” ឆ្នាំ២០២២។
ក្នុងសុន្ទរកថាបើកវគ្គកម្មវិធីប្រឡង លោកស្រីបណ្ដិត Thach Thi Dan សាកលវិទ្យាធិការរងនៃសាកលវិទ្យាល័យត្រាវិញ បានសំដែងនូវការគាំទ្រក៏ដូចជាវាយតម្លៃខ្ពស់នូវស្មារតីរបស់និស្សិតTVU។ នេះគឺជាឱកាសដើម្បីនិស្សិតសិក្សាស្រាវជ្រាវ ស្វែងយល់និងអនុវត្តច្បាប់ស្ដីពីសមភាពយេនឌ័រ រួមចំណែកក្នុងការធ្វើឲ្យជាក់ស្ដែងនូវច្បាប់ស្ដីពីសមភាពយេនឌ័រក្នុងជីវភាពប្រចាំថ្ងៃ។ ការផ្សព្វផ្សាយពីសមភាពយេនឌ័រនិងបង្ការប្រឆាំងអំពើហិង្សា អនុវត្តដោយចំរុះរវាងសាលារៀន គ្រួសារនិងសង្គម ផ្លាស់ប្ដូរនៃការយល់ដឹង និងអាកប្បកិរិយារបស់និស្សិតក្នុងទំនាក់ទំនងបុរសនឹងស្រ្តីតាមទិសដៅជឿនលឿន ដើម្បីបញ្ជាក់ឲ្យបាននូវតម្លៃ សក្ដានុភាព និងសារជាតិរបស់ខ្លួនក្នុងសង្គមមួយថ្ងៃកាន់តែអភិវឌ្ឍន៍។
ពិធីប្រឡងបានទាក់ទាញក្រុមចំនួន១២ មកពីបណ្ដាសាខាសមាគមនិស្សិតស្រុក Tieu Can, Cang Long, Chau Thanh, Tra Cu, Cau Ngang, ទីរួមខេត្ត Duyen Hai, សាខាសមាគមអន្តរខេត្ត និងបណ្ដាក្លឹបមានដូច៖ ក្លឹបបំណិនជីវិត, ក្លឹបសិក្សាស្រាវជ្រាវវិទ្យាសាស្រ្ត, ក្លឹបច្នៃប្រឌិត និងក្លឹបវប្បធម៌ និងវិចត្រសិល្បៈខ្មែរណាមបូ មួយអន្លើដោយអ្នកគាំទ្រយ៉ាងច្រើនកុះករ។ វគ្គទី១- ឧទ្ទេសនាមអំពីក្រុមសាមីខ្លួននិងនិយាយអំពីអត្ថន័យ សារសំខាន់របស់ការអនុវត្តន៍សមភាពយេនឌ័រ, ប្រឆាំងអំពើហិស្សានៅភូមិភាគ, សាលារៀនឆ្លងតាមរយៈកំណាព្យ ចំរៀង របាំ; វគ្គទី២- សំដែងនូវឈុតខ្លីៗទាក់ទងនឹងអំពើហិង្សាលើមូលដ្ឋានយេនឌ័រដែលបានកំណត់នៅក្នុងកម្មវិធីបង្ការនិងប្រឆាំងចំពោះអំពើហិង្សាជាមូលដ្ឋាន ដំណាក់កាល២០២១ - ២០២៥; វគ្គទី៣- ប្រឡងតេស្តអំពីច្បាប់, អនុក្រឹត្យ, ផែនការដែលទាក់ទង។
ក្នុងពិធីបិទវគ្គប្រឡង សាខាសមាគមនិស្សិតស្រុក Tieu Can បានទទួលជ័យលាភីលេខ១ សាខាសមគមនិស្សិតស្រុក Cang Long និងក្លឹបបំណិនជីវិតបានទទួលជ័យលាភីលេខ២; គណៈចាត់តាំងក៏បានប្រទានរង្វាន់លេខ៣ចំនួន២រង្វាន់, រង្វាន់លើកទឹកចិត្តចំនួន៣រង្វាន់និងរង្វាន់ចលនាសកម្មភាពចំនួន៤រង្វាន់ សម្រាប់បណ្ដាក្រុមឆ្នើម។
ប្អូន Pham Van Quyen និស្សិតថ្នាក់មហាវិទ្យាល័យច្បាប់រដ្ឋប្បវេណីបានចែករំលែកថា៖ ទោះបីសាមីខ្លួនមានអារម្មណ៍ញាប់ញ័រពេលឡើងកាន់ឆាកប្រឡង ប៉ុន្តែដោយបានការទះដៃគាំទ្ររបស់លោកគ្រូ អ្នកគ្រូនិងមិត្តភ័ក្តិ ប្អូនក៏ពង្រឹងនូវស្មារតីនឹងនរបាន។ តាមរយៈកម្មវិធីប្រឡង ប្អូនសិក្សាបានចំណេះដឹងជាច្រើនអំពីសមភាពយេនឌ័រ ដែលប្អូនមិនទាន់មានឱកាសចូលជិតពីមុន, ឆ្លងតាមអ្វីៗដែលប្អូនសិក្សាបាន ប្អូនសង្ឃឹមថានឹងរួមកម្លាំងរបស់ខ្លួនក្នុងការបង្កើនការយល់ដឹងអំពីសមភាពយេនឌ័រក្នុងសង្គមនាបច្ចុប្បន្ននេះ។
អត្ថបទដោយ៖ Thanh Thuy – Hanh Nguyen
ប្រែសម្រួលដោយ៖ Son Van Đong