និស្សិតសាកលវិទ្យាល័យត្រាវិញទទួលអាហារូបករណ៍ពុះពារក្នុងការសិក្សាឆ្នាំ២០២៣
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 01 កុម្ភៈ 2023
- ចុចដង៖ 188
(TVU) - ថ្ងៃទី ២៥ ខែមករា (ត្រូវនឹងថ្ងៃទី៤នៃបុណ្យចូលឆ្នាំថ្មី) នៅសាលប្រជុំនៃគណៈកម្មាធិការបក្សស្រុក សមាគមជំរុញការសិក្សាស្រុកកូវង៉ាងបានប្រារព្ធពិធីជួបជុំ និងផ្តល់អាហារូបករណ៍ដល់និស្សិតមានភូមិកំណើតនៅស្រុកកូវង៉ាងដែលជំនះការលំបាកក្នុងការសិក្សា កំពុងតែសិក្សានៅបណ្ដាសាកលវិទ្យាល័យ មហាវិទ្យាល័យរងក្នុង និងក្រៅខេត្តត្រាវិញ។
អញ្ជើញចូលរួមពិធីប្រគល់ជូនអាហារូបករណ៍មានលោក Tran Minh Banh អនុលេខាប្រចាំការនៃគណៈកម្មាធិការបក្សស្រុកកូវង៉ាងលោក Nguyen Van Nga ប្រធានគណៈកម្មាធិការប្រជាជនស្រុកកូវង៉ាងលោក Nguyen Thanh Hung អនុប្រធានគណៈកម្មាធិការប្រជាជនស្រុកលោក Nguyen Van Xuan ប្រធានសមាគមជំរុញការសិក្សាស្រុក និងតំណាងថ្នាក់ដឹកនាំ អតីតថ្នាក់ដឹកនាំសមាគមជំរុញការសិក្សាស្រុក ស្ថាប័ន និងអង្គការមហាជនស្រុកកូវង៉ាង។
ក្នុងឆ្នាំសិក្សា ២០២២ - ២០២៣ សមាគមជំរុញការសិក្សាបានផ្តល់អាហារូបករណ៍ដល់និស្សិតចំនួន ២៨៧ រូប ដែលមានភូមិកំណើតនៅក្នុងស្រុកកូវង៉ាង។ ក្នុងនោះមាននិស្សិតចំនួន៩៣នាក់ កំពុងតែសិក្សានៅសាកលវិទ្យាល័យត្រាវិញ ទទួលបានអាហារូបករណ៍នេះ អាហារូបករណ៍មួយចំណែកមានទឹកប្រាក់ ១,៥លានដុង។
ប្អូន Le Minh Giau និស្សិតថ្នាក់បរិញ្ញបត្រគ្រប់គ្រងសេវាកម្មទេសចរណ៍ ជំនាន់ឆ្នាំ ២០២០ (សាកលវិទ្យាល័យត្រាវិញ) បានសំដែងសុន្ទរកថាថ្លែងអំណរគុណចំពោះថ្នាក់ដឹកនាំស្រុក សមាគមជំរុញការសិក្សាស្រុក និងសប្បុរសជនទាំងឡាយបានយកចិត្តទុកដាក់ជូនអំណោយទាន់ពេល នូវអាហារូបករណ៍ដ៏មានតម្លៃ ដល់និស្សិតដែលឆ្លងកាត់ការលំបាកក្នុងការសិក្សា។
Minh Giau ថ្លាថ្លែងថា៖ “ពិធីប្រគល់ជូនអាហារូបករណ៍ដល់និស្សិតពុះពារក្នុងការសិក្សា នៅថ្ងៃទី ៤នៃបុណ្យចូលឆ្នាំជារៀងរាល់ឆ្នាំ គឺជាសកម្មភាពដែលមានអត្ថន័យមនុស្សធម៌ដ៏ជ្រាលជ្រៅ រួមចំណែកក្នុងការបំភ្លឺជំនឿដល់ពួកប្អូន ជួយអោយប្អូនមានកម្លាំងចិត្ត ដើម្បីជម្នះភាពលំបាក ក្លាយជាពលរដ្ឋល្អមានប្រយោជន៍សម្រាប់គ្រួសារ និងសង្គម”។
អត្ថបទដោយ៖ Hoang Nam
ប្រែសម្រួលដោយ៖ Van Thon