សន្និសីទគណៈប្រតិបត្តិការក្លឹបសារពណ៌មាន
- សេចក្ដីលម្អិត
- ជំពូក៖ ព័ត៌មាន
- ចេញផ្សាយនា 03 កុម្ភៈ 2023
- ចុចដង៖ 174
(GSV-GV.TVU) – រាត្រីថ្ងៃទី៩/១២ ក្លឹបសារព័ត៌មាននៃសាកលវិទ្យាល័យត្រាវិញបានរៀបចំសន្និសីទជ្រើសរើសគណៈប្រតិបត្តិការក្លឹបនីតិកាលទី៨ អាណត្តិកាលឆ្នាំ២០២២ - ២០២៣ នៅសាលប្រជុំមហាវិទ្យាល័យកសិកម្មនិងវារីវប្បកម្ម មណ្ឌលទី១នៃសាកលវិទ្យាល័យត្រាវិញ។
អញ្ជើញចូលរួមសន្និសីទមានសមមិត្ត Pham Le Phuong Thao សមាជិកអចិន្ត្រៃយ៍នៃគណៈប្រតិបត្តិការសម្ព័ន្ធយុវជនខេត្ត - អនុលេខាសម្ព័ន្ធយុវជន - និងជាប្រធានសមាគមនិស្សិតសាកលវិទ្យាល័យត្រាវិញ; សមមិត្ត Do Quoc Vinh សមាជិកគណៈប្រតិបត្តិការនៃសមាគមនិស្សិតរបស់សាលា - ប្រធានក្លឹប រួមជាមួយសមាជិកក្រុមប្រឹក្សាភិបាល គណៈកម្មាធិការប្រតិបត្តិការនីតិកាលទី៧ អាណត្តិកាលឆ្នាំ ២០២១ - ២០២២ និងសមាជិកចំនួន ៦០នាក់ ដែលជាតំណាងត្រូវបានចូលរួមប្រជុំ។
ក្លឹបសារព័ត៌មានក្រោមចំណុះសមាគមនិស្សិតនៃសាកលវិទ្យាល័យត្រាវិញ គឺជាអង្គភាពមួយដែលធ្វើការដើម្បីអភិវឌ្ឍជំនាញដល់និស្សិត។ បង្កើតបរិយាកាសដោះដូរ ទីលានមានប្រយោជន៍ ផ្សាភ្ជាប់នឹងបណ្ដាសមាជិកដែលមានចំណូលចិត្តដូចគ្នា និងគោលដៅបណ្តុះបណ្តាល បំពាក់នូវចំណេះដឹងនិងជំនាញដល់និស្សិត ទាក់ទងនឹងសកម្មភាពលើកកម្ពស់ការយល់ដឹងរបស់និស្សិតអំពីសារព័ត៌មានក្នុងសហគមន៍។
ក្នុងអាណត្តិកាលឆ្នាំ ២០២១ - ២០២២ ក្លឹបសម្រេចបានសមិទ្ធិផលដ៏ឆ្នើមជាច្រើនដែលរួមចំណែកដល់ការអភិវឌ្ឍន៍សមាគម និងចលនានិស្សិតរបស់សាលា៖ រាប់ពាន់ដងក្នុងការជំនួយប្រឹក្សាជម្រើសនិស្សិតមកសិក្សានៅសាកលវិទ្យាល័យត្រាវិញ និងឧត្តមសិក្សាក្នុងឆ្នាំ ២០២២។ អនុវត្តជំនាញតាមរយៈសកម្មភាពទំនាក់ទំនង ផ្សព្វផ្សាយ ជំនាញសរសេរព័ត៌មាន ថតរូប កែច្នៃរូបភាព គំនិតរចនា ជំនាញថតសំឡេង និពន្ធកម្មវិធីវិទ្យុ កែច្នៃវីដេអូឃ្លីប រៀបចំព្រឹត្តិការណ៍ ជាពិសេសរៀបចំការប្រកួតនានា ដែលទាក់ទាញនិស្សិតជាច្រើនឱ្យចូលរួម។
អាណត្តិកាលឆ្នាំ ២០២២ - ២០២៣ ក្លឹបសារព័ត៌មានបានបង្រួបបង្រួម៖ ប្រធាន០១ អនុប្រធាន០២ និងសមាជិកគណៈកម្មាធិការប្រតិបត្តិការ០៤។ សមមិត្ត Do Quoc Vinh ត្រូវបានសន្និសីទអនុម័តពិភាក្សានិងជ្រើសតាំងជាប្រធានក្លឹប នីតិកាលទី៨ ឡើងវិញ។
ថ្លែងក្នុងអង្គសន្និសិទ្ធ សមមិត្ត Pham Le Phuong Thao សមាជិកអចិន្ត្រៃយ៍នៃគណៈប្រតិបត្តិការសម្ព័ន្ធយុវជនខេត្ត - អនុលេខាសម្ព័ន្ធយុវជនសាលា - ប្រធានសមាគមនិស្សិតសាលា បានទទួលស្គាល់និងកោតសរសើរចំពោះសមិទ្ធផលរបស់ក្លឹបក្នុងអាណត្តិកាលកន្លងមក។
ប្រធានសមាគមនិស្សិតបានរំពឹងទុកថាក្នុងអាណត្តិកាលឆ្នាំ២០២២ - ២០២៣ សមូហភាពក្លឹបសារព័ត៌មាន ខិតខំសម្រេចបាននូវគោលដៅដែលបានកំណត់ចេញក្នុងសន្និសីទ ហើយខិតខំប្រឹងប្រែង ប្រកួតប្រជែង រួមចំណែកក្នុងការអភិវឌ្ឍន៍ទាំងមូលក្នុងការចលនានិស្សិតនៃសាកលវិទ្យាល័យត្រាវិញ។
ក្នុងឱកាសនេះ ក្លឹបសារព័ត៌មានបានប្រកាសសេចក្តីសម្រេចទទួលស្គាល់ក្រុមប្រឹក្សាអាណត្តិកាលឆ្នាំ ២០២២ - ២០២៣ ប្រគល់ប័ណ្ណសរសើរនិងសរសើរគុណូបការៈនៃគណៈប្រតិបត្តិការសមាគមនិស្សិតសាកលវិទ្យាល័យត្រាវិញ ចំពោះសមូហភាពនិងបុគ្គលដែលមានការរួមចំណែកយ៉ាងសកម្មក្នុងការងាររបស់សមាគម និងចលនានិស្សិតអាណត្តិកាលឆ្នាំ ២០២១ - ២០២២។
អត្ថបទដោយ៖ Hoang Nam – Manh Hoai
ប្រែសម្រួលដោយ៖ Thach Sang